ماروتي 800 و ألتو 800

**ggggggggg** · 06-07-2009 05:40 AM

أريد أن أعرف الفرق ما بين السيارة ماروتي 800 سي سي وسعرها حوالي 35,000 ألف جنيه
و السيارة ألتو 800 سي سي بدون كماليات والتي يصل سعرها 43,500 ألف جنيه.

السيارتان بلا أي كماليات والمساحة تقريبا متقاربة والموتور واحد من حيث السي السي.

أريد أن أعرف الفرق بين هاتين السيارتين الذي يسبب فارق السعر الذي يصل إلى 8,000 آلاف جنيه؟؟؟!!

هل نوع الموتور مختلف رغم تشابهه السي سي؟ أم ان هناك كماليات أساسية (Standard) في السيارة ألتو 800 سببت ارتفاع سعرها أم ماذا؟؟!!!

ولكم الشكر.

**Eslam.Elrefaey** · 06-07-2009 06:19 PM

لا أعرف صراحة وأضم صوتى لك لأعرف أنا كمان

**ggggggggg** · 07-07-2009 03:33 AM

يا أعضاء المنتدى الكرام أرجو من لديه معلومة أو رد عن هذا التساؤل افادتنا لو تكرمتم

**fatafet21** · 10-07-2009 03:38 AM

المشاركة الأصلية كتبت بواسطة ggggggggg

يا أعضاء المنتدى الكرام أرجو من لديه معلومة أو رد عن هذا التساؤل افادتنا لو تكرمتم

الفروق الواضحة واللي انا شوفتها بعيني

1- الشكل الخارجى (كاوتش -صاج-فوانيس.......)
2-الشكل الداخلي طبعا فرق كبيير التابلوه وخامتها من الداخل والتقفيل فرق واضح و الدواسات والفرش وفرق القعدة علي الدريكسيون

تقدر تقول ان الالتو كشكل احسن بكتتير من الماروتي

و انا سألت في التوكيل عن فرق الموتور قال لي انهم الاثنين 800 سي سي بس الالتو تفرق بس مقالش في اية غير انها 4 سلندرو انها انجيكشن وده بيخليها عربية تانية خالص غير الماروتي

و قال لي ان دي عربية ودي عربية مفيش بينهم مقارنة

لكن في سمير ريان قال لي ان الفرق الوحيد هو الشكل والحاجات اللي انا قولتها فوق

بس في الاخر هل الفرق ده يستاهل الفلوس دي ؟؟؟؟؟؟؟؟؟

يا ريت اللي يعرف حاجة يفيدنا بيها لان الموضوع ده كان شاغلني جدا ومحتارة فيه

**fatafet21** · 10-07-2009 03:45 AM

معلش نسيت اقولكم حاجة كمان في فرق كبيير بين قطع غيار العربيتين يعني عل سبيل امثال فانوس الماروتي 90و الالتو 570 و ده سعر توكيل والمراية مثلا 50 و الالتو متين وشوية بس مش فاكرة بالظبط وكمان قطع غيار الالتو مش عند كل الناس مش متوفرة اوي زي الماروتي
متهيألي الحاجات دي بتبقي مفيدة في المقارنة . و الله اعلم

**ggggggggg** · 10-07-2009 03:52 AM

شكراً اخت فتافيت على الاهتمام والرد ....
ولكن هل الموتور انجيكشن ده أكيد لأنه لو أكيد يبقى فعلاً فرق يستاهل ده غير أن الألتو ناقل الحركة بتاعها 5 سرعات + الريفيرس أما الماروتي 4 سرعات +الريفيرس.
أهم حاجة هل موتور الألتو ال 800 سي سي انجيكشن؟؟؟؟؟؟

**tahayt** · 10-07-2009 09:11 AM

ايوة يا باشا متور الالتو انجيكشن و على فكرة هوة 3 سلندر بردة لكن الباور بتاعتة اعلى من الماروتى بحوالى 5 حصان (مش متاكد من الرقم) و هذا الفرق ناتج من انة 12 صمام فى حين ان الماروتى 6 صمام

**ggggggggg** · 10-07-2009 05:16 PM

شكراً أخي tahayt على الاهتمام والرد ولكن اخت فتافيت ذكر أن التوكيل قالها ان موتور الألتو 800 سي سي 4 سليندر مش 3 سليندر
أنا مش عارف هل موضوع عدد السيلندرات ده يفرق جامد ولو يفرق بيفرق في ايه بالظبط من ناحية اداء الموتور والعربية؟؟؟

**micromoud** · 11-07-2009 12:42 PM

السلندر بيفرق مع التكييف وسحب العربيه واستهلاك البنزين

**M.FOUAD** · 11-07-2009 02:52 PM

بيفرق طبعا في عمر الموتور و العزم بتاعة كانك موزع القوة على 3 سليندر بس بدل من 4
لكنة اوفر في البنزين بكثير
العربيات 3 سليندر غير مؤهلة للسفر الطويل الموتور بيفوت بسرعة