تقيمى الشخصى للوجان المغربى

**mohamed1979** · 06-07-2009 12:49 PM

بسم الله الرحمن الرحيم

الحمد لله انا استلمت العربيه من 3/5/2009 و مشيت حوالى 3500 كيلو حتى الأن كلهم فى السفر فقط
احب اوضح ان سواقتى طول الفتره السابقه سواقه هاديه جدا و ليست رياضيه
اولا : تقفيل السياره : -
السياره فى مجملها كويسه و تقفيلها كويس و خامات المستخدمه فبها كويسه و لكن البعض قد يختلفه على جوده التقفيل بس انا شايف انه معقول و صالونا شيك بس اكتر حاجه مش عجبانى و جود زجاج الكهرباء فى التابلوه
و عدم فتح الشنطه و تنك البنزين من داخل السياره
ثانيا اداء السياره :
طبعا اول الف كيلو كنت هادى جدا مع السيارة و لكن بعد الأف ابتديت اسوق سواقيه عاديه مع عدم ارتفاع الار بى ام اكتر من 3 الاف لفه
السياره من الداخل هاديه جدا و ناعمه جدا و الدبرياج خفيف اوى
التكييف قوى جدا لم استطيع تشغيل اكتر من 2 فى عز الحر
استهلاك البنزين فى الداخلى محسبتهوش لأن مستعملتهان فى الداخلى فى الطرق السريعه كان الأستهلاك لأول مشوار ليا بيها كان 5.4 / 100 على سرعه 90 الى 100 كيلو
وكان 5.7/100 عند سرعه 100 الى 110
مع تشغيل التكييف بيكون لأستهلاك 6 /100 عند سرعه 100الى 110
العربيه ثابته جدا بطريقه انا استغربت ليها
العفشه قويه جدا
اتساع الشنطه حدث ولا حرج
اتساع الصالون جيد جدا و خصوصا لما حد بيركب ورا السواق اصل اخوكم طويل شويه
و فى النهايه احب اقول ان فلوس العربيه قليله عليا والعربيه تساوى اكتر من المدفوع فيها

واسف على الأطاله و مستنى اى استفسار من ملاك اللوجان عنها

06-07-2009 12:53 PM

شكراً لمشاركتك و إن شاء الله ربنا يعطيك خيرها و يبعد عنك شر الطريق و يكقيك عيون الناس
مبروك عليك و تكون قدم السعد لك

**Ayman_52** · 06-07-2009 12:54 PM

مبروووووووووووووووووووووو وووووووووووك

ربنا يباركلك فيها يارب ويحفظهالك ويكفيك شر الطريق يارب

ودايمـــا -رينو- مبدعه فى عربياتها

تحيـــــــــــــــــاتـــ ى

**gogo30568** · 26-07-2009 09:58 PM

اية يا عم ايمن ايه اللي جابك عند رينو انت غيرت رأيك في البروتون ولا اية؟

**Ahmed Selim** · 06-07-2009 12:55 PM

ربنا يباركلك فيها و يكفيك شرها

**tofy_urban** · 07-07-2009 10:48 AM

المشاركة الأصلية كتبت بواسطة hyundai

مبارك عليك و ربنا يعطيك خيرها و يكفيك شرها
بالنسبة لموضوع إن فلوسها قليلةعليها ده أكيد تقصد بالنسبة للعربيات فى فئتها فى السوق المصرية
لكن طبعا السعر ده مش منطقى إنه يكون بدون جمارك - عموما الموضوع ده قتل بحثا
و على رأى اللى قال "نفسى أهاجر علشان أعرف أركب عربيات"

كلام صح مليون في المية انا لما قلت ان سعر العربية زيادة شوية مكنتش اقصد سعرها هنا انا قصدت انهم بيقولوا ان العربية من غير جمارك خالص و ده من وجهت نظري مستحيل لان الجمارك علي عربية 1600 سي سي بتكون في حدود 50% يعني المفروض ان ثمن العربية بعد الجمارك تكون 100 ألف و ده طبعا مستحيل يكون صح و هنا نتأكد من صاحب مقولة ان نظرية المعلم بلنسي هي اللي بتتحكم في السوق يعني مش اي حد يقدر يقول اي سعر من غير ما يرجع للمعلم بلنسي ,,,,,,, لكن و ده المهم ان سعر العربية مقارنتاً باسعار العربيات اللي في فئتها كويس يعني من الاخر هنشتري واحنا مضطرين و هايضحك علينا بس يضحك علينا بمزاجنا