سؤالين عن ال a5 ؟؟

**marawansabry** · 07-07-2009 09:58 AM

الناس الجميلة خبراء سكودا المحترمة هما بس سؤالين بعد اذنكم:
- هي الA5 مبينزلش بعزل داخلي للكبوت (يعني مفيش عزل للكبوت من جوه اقصد العازل الحراري واللي هو في نفس الوقت عازل للصوت بتاع الموتور).
- السؤال التاني المفروض ان السرعة الاولي في الفتيس المانيول بتاعت الطلوع بس بالعربية وبعدين ميش صح انك تمشي بيها مسافة اطول من طول العربية ، وبعدين المفروض ان الواحد ميحرقش على كل سرعة اكتر من 3000 RPM ماعدا الخامس صح كدة ولا في كلام مختلف.

**Fadi Ezzat** · 07-07-2009 02:08 PM

هي الa5 مبينزلش بعزل داخلي للكبوت (يعني مفيش عزل للكبوت من جوه اقصد العازل الحراري واللي هو في نفس الوقت عازل للصوت بتاع الموتور).

لأ طبعا بتنزل بية

- السؤال التاني المفروض ان السرعة الاولي في الفتيس المانيول بتاعت الطلوع بس بالعربية وبعدين ميش صح انك تمشي بيها مسافة اطول من طول العربية ، وبعدين المفروض ان الواحد ميحرقش على كل سرعة اكتر من 3000 rpm ماعدا الخامس صح كدة ولا في كلام مختلف.

الكلام الى حضرتك بتوقلة غلط
مفيش حاجة اسمها يمشى بما يعادل طول العربية بالغيار الاول
على كدة بقى هما بيصممو الفتيس الاول وبعدين شكل العربية علشان يحددوا طولها
لأ غلط مينفعش
وبعدين اى غيار فى الماتور لو عايز تقرص علية اقرص علية ومتخافش
عادى جدا مفيش ااى قلق

**Fadi Ezzat** · 07-07-2009 02:30 PM

الغيار الاول ممكن تطلع بية لسرعة 50/60
بس الافضل من حيث الماتور حوالى 20 ولا 25
والغيارات التانية بردة لو بتقرص اوى اوى على الماتور بتاثر
بس مش التاثير الى حضرتك متوقعة
وانا هعمل اختبار لعربيتى الاوكتافيا واطلعك على النتائج
انا هعمل الاختبار دة علشان اثبت حاجة فى دماغى
انا عربيتى الاوكتافيا مقضيها شد طول الوقت وهاريها كمان
هاروح اعمل اختبار كبس للمحرك ونشوف هيطلع كام فى المية
مع اعلم انها موديل 99
وعاملة 130 الف

**KHALED AYMAN** · 07-07-2009 05:29 PM

السلام عليكم ...
كبوت الاوكتافيا مش موجود فيه العازل ده ..(الى بنسميه بطانه)....
بس مع ذلك الموتور صوته مش عالى اوى يعنى و مش مزعج .....
بالنسبه للغيار الاول ..
فعلا مكتوب فى الكتالوج انه لتحريك العربيه ...
بس لو مشيت عليه مش هتولع بيك ...
عادى
بس الكتالوج بيتكلم عن القياده المثاليه ....
و بالنسبه للار بى ام ..
دى حاجه بترجع للسواق ...
و لو قرصت لحد ال red zone عادى بس العمر الافتراضى هيقل ...
و دى مش الطريقه المثاليه للقياده ....

فدى حاجات بتختلف من واحد لواحد .....

**modiabbas** · 07-07-2009 05:32 PM

يا باشا العربيه فيها موتور موجود فى الجولف و الاودى و السيات و الجيتا و الباسات
يعنى كلام على عربيات محترمه يعنى مفيهاش حاجه لما تقرص على العربيه ديه الماااااااااااااااااااااا اااانى و بدين موتورها من المواتير المحترمه جدااا

**beihoo** · 08-07-2009 12:04 PM

المشاركة الأصلية كتبت بواسطة marawansabry

- السؤال التاني المفروض ان السرعة الاولي في الفتيس المانيول بتاعت الطلوع بس بالعربية وبعدين ميش صح انك تمشي بيها مسافة اطول من طول العربية ، وبعدين المفروض ان الواحد ميحرقش على كل سرعة اكتر من 3000 RPM ماعدا الخامس صح كدة ولا في كلام مختلف.

اللي حضرتك كاتبه ده عن النقلة الأولى فعلا مكتوب في كل كتالوجات سكودا و الكلام ده عشان إستهلاك البنزين المثالي و المحافظة على البيئة .. دا حتى كاتبين في الكتالوج إن أفضل RPM تنقل عنده النقلة ما بين 2000-2500 .. طبعا الناس دي عملية و بتفكر في البيئة

غيرنا خالص يعني لكن طبعا ممكن تمشي على النقلة الأولى أكتر من كده لكن فعلا إستهلاك البنزين على الأول بيبقى عالي جدا و مالوش داعي إلا لو كنت بتقرص عشان تتسارع أكتر .. و عموما 3000 لفة كويس جدا عشان تنقل للغيار الأعلى و طالما إنك ماشي في العادي مفيش داعي تقرص كده لأن شوارعنا ما تستحملش سرعات عالية.

و ربنا يبارك لك في العربية بإذن الله

.