الموضوع: سؤال إلى خبراء أتوماتيك النوبيرا

صباح الخيركنت أشتريت عربيه نوبيرا موديل 2006 أتوماتيك وعامله 80000 كم من حوالى شهر ونص وكشفت عليها فى مركز خدمه تابع للتوكيل وادانى تقرير الحمدلله كويس عن العربيه وعن حالة الموتور والـأتوماتيك بأستثناء جلب المقصات تحتاج إلى تغير وكمان كوتشة الكوبلن.الملاحظة الموجه لخبراء الأتوماتيك هو ان بأسمع وبحس بصوت الغيار بين 50 و60 كم/س ذى نطره خفيفه فى النقله ديه بس دون باقى النقلات السرعات الأقل علماً بأنى كنت راكب هوندا سيفيك فى السعوديه موديل 2004 وباسم الله مشاء الله ونت بحس بالنقله فقط بدون النطره الخفيفه ديه .سألت بعض أصدقائى أفادونى بأنه الفرق ده فرق تكنولوجيا بين الفتيسات الأتوماتيك القديمه والجديده وأضافوا ان الأتوماتيك ممكن يعيش لحد 300 ألف كم بشرط الصيانه المنتظمه، يايت لو حد فى أسرة دايو يعرف ميكانيكى كويس أروح له يطمئنى عن حالة الفتيس وأعمل عنده الصيانه الدوريه من تغير زيت الفتيس والفلتر.هل الملاحظه السابق ذكرها عيب أم أن الموتور يزأر من قوته بس للأمانه الأتزان الخاص بالنوبيرا أفضل من الهوندا اللى كانت معايا وكمان أوسع بكتييير والتكييف بأسم الله مشاءالله حكايه حكايه وأبالغ كمان شويه واقول أن الباور بتاعها مشفتوش فى أى عربيه تانى حتى لو كانت النيسان الباترول اللى كانت معانا فى الموقع بجده وفوق كده وكده النوبيرا فارهه جدا جداً وضريبتها ضريبة عربيه 1600 سى سى وهى نفس ضريبة 1500 سى سى و1400 سى سى بجد العربيه ديه أمكانيتها بتفوق سعرها بكتير.يارت حد يفيدنى عن الملاحظه اللى قولتها عن الأتوماتيك ويدلنى عن ميكانيكى أتوماتيك أعمل عنده الصيانه الدوريه من تغير زيوت وفلاتر.تقبلوا تحياتى وسعيد للأنضمام لأسرة دايو.م/ سمير رياض

بس يا باشمهندس أحمد انت عارف التوكيل أسعاره نار نار وكمان بصراحه ما بضمنش انهم بيخدوا العربيه جوه وما بتشفوهاش ولا بتشوف قطعة الغيار الجديده قبل ما تركب بصراحه انا بفضل الميكانيكى لما بيكون شاطر لان بتجيب قطع الغيار بنفسك وبتقف على أيد الميكانيكى وهو شغال لكن التوكيل بصراحه بحس انهم بيلبسونا العمه خصوصا لما بتكون العربيه خرجت من الضمان ده رأى وياريت لوحد يعرف ميكانيكى متخصص أتوماتيك يقولى عليه.م/سمير رياض

أعمل فلشنج لدورة الزيت بتاع الفتيس ( يعنى سقط الكرتير وحاول نظافة جميع الأجزاء فى مكان متخصص ) لأن أكيد البائع للسياره مغيرش الزيت قبل كده .....وده كون رواسب داخل مجموعة الفلف بودى والسولونيدات....ودول بيعتبروا أكتر حاجه حساسه للرواسب داخل الفتيس وهما اللى بيتحكموا فى كل الآداء.......واحتمال الزيت الجديد يكنس كل رواسب الدوره معاه ويتحسن الآداء

المشاركة الأصلية كتبت بواسطة samirayad

أعمل فلشنج لدورة الزيت بتاع الفتيس ( يعنى سقط الكرتير وحاول نظافة جميع الأجزاء فى مكان متخصص ) لأن أكيد البائع للسياره مغيرش الزيت قبل كده .....وده كون رواسب داخل مجموعة الفلف بودى والسولونيدات....ودول بيعتبروا أكتر حاجه حساسه للرواسب داخل الفتيس وهما اللى بيتحكموا فى كل الآداء.......واحتمال الزيت الجديد يكنس كل رواسب الدوره معاه ويتحسن الآداء

شكرا م/ سمير بس كنت عاوز أسأل تغير زيت الأتوماتيك + الفلتر يتكلف كام تقريبا ونوع الزيت المستخدم وعدد اللتراتم/ سمير رياض

المشاركة الأصلية كتبت بواسطة samourai

شكرا م/ سمير بس كنت عاوز أسأل تغير زيت الأتوماتيك + الفلتر يتكلف كام تقريبا ونوع الزيت المستخدم وعدد اللتراتم/ سمير رياض

انا معايا نوبيرا 2003 اوتوماتيك ...سعر كيلو الزيت موبيل 24 جنيه وهتحتاج تقريبا 4 كيلو ...وسعر الفلتر الكوري من المنير اللي في فيصل 40جنيه تقريبا ...وسعر التغير عند الميكانيكي في حدود 30-40 جنيه ...لانه هيفك الكارتيره علشان يفضي الزيت وهيفك الفاكيوم علشان الفلتر ..ودي عمليه مش سهله ...وياريت تروح عند حد ثقه علشان مايخربش الفتيس لان مش اي حد يفك الفاكيوم ...وبالتوفيق ان شاء الله

المشاركة الأصلية كتبت بواسطة moudy88

انا معايا نوبيرا 2003 اوتوماتيك ...سعر كيلو الزيت موبيل 24 جنيه وهتحتاج تقريبا 4 كيلو ...وسعر الفلتر الكوري من المنير اللي في فيصل 40جنيه تقريبا ...وسعر التغير عند الميكانيكي في حدود 30-40 جنيه ...لانه هيفك الكارتيره علشان يفضي الزيت وهيفك الفاكيوم علشان الفلتر ..ودي عمليه مش سهله ...وياريت تروح عند حد ثقه علشان مايخربش الفتيس لان مش اي حد يفك الفاكيوم ...وبالتوفيق ان شاء الله

ياريت توصفلى ميكانيكى أتوماتيك كويس

انا معرفش ميكانيكي اوتوماتيك متخصص ...لكن اي ميكانيكي كويس هيعرف يغيره

النوبيرا الأوتوماتيك فى مصر الجيربوكس ماركته ZDF 14 وهو مافيهوش السولونيدات ولا سبيد سينسور على العجل يعنى مش الكترونى . عوضا عن ذلك فيه الجفرنر هو اللى بيحس بالسرعه وكلما تزيد السرعه يزداد ضغط الزيت ...حتى يشغل الغيار التالى وهكذا.وعلشان كده بتحس بنتشه فى الغيارات وده طبيعى فى النوبيرا.
أما الدايو الخارجى فيه الجيربوكس ماركته 40t تقريبا وده الكترونى يعمل بالسولونيدات والسبيد سينسور وبتكون النقلات سموس وسهله. لا تقلق!