استفسار عن السيارة 127 ارجو الافادة

**maka** · 17-07-2009 05:29 AM

المشاركة الأصلية كتبت بواسطة m000dy

العربيه دى يقال انها 900 سى سى وانا فى رخصتى مكتوب 993 وده فى مصر يعنى 1000 سى سى
اما فى استهلاك البنزين فهى بتاخد فى الصفيحه اما تكون مظبوطه 350 كيلو يعنى لو العربيه دى البادى بتاعها خفيف زى الماروتى وليها موتور انجكشن ممكن نتحدى بيها التاتا نانو

انت متاكد من حكاية الانجكشن دى ولا غلطة مطبعية

اسعار العربيه تتراوح مابين 9000 بالنسبه للتوب لحد 14000 بالنسبه للسوبر فيورا ولاحظ انه متدرج بحسب الموديل خصوصا الايام دى وخللى بالك الفيات شاذه عن القاعده اللى بتقول ان العربيه موديل او كيلومتر لان القاعده فى الفيات ان العربيه حاله

السعر من 9 الى 18.5 حسب الحالة

[/color][/size]

المشاركة الأصلية كتبت بواسطة powersha

طب هو ايه الفرق بين الفيوره والسوبر فيوره
غير ان الفتيس 5غيرات فى السوبر فيوره و4 فى الفيوره
هل فى فرق بين متور الفيوره والسوبر فيوره
ولا الفرق فى الفتيس بس

الفرق فى النقلة ال5 ومساحة وراء وعداد ( الكترونى) زيادة على الشمال خالص

**funnyjonson** · 18-07-2009 03:24 AM

طيب حد عنده سوبر فيورا عايز يبيعها فى اسكندرية

**maefy** · 18-07-2009 11:53 AM

يا جماعة العربية دى فى السفر أخبارها إيه ؟؟؟ ضرورى جدا جدا .. الله يكرمكم

**msafa** · 19-07-2009 04:11 AM

السفر مويسة بس في الشتا بتبقى فلة شمعة منورة
بس في الصيف بتسخن بسرعة

**abosharbat** · 26-07-2009 04:33 PM

حد عندوا عربية للبيع بس تكون نظيفة

**matrixahmed** · 27-07-2009 06:49 PM

انا معايا سوبر فيورا حاله شازه شويه فرقها عن ال 127 ان فراملها سيرفو وخمس سرعات ومساحه خلفيه و مرايا يمين والعربيه مستورده اسباني وفي كمان عدادات عالشمال زياده محدش فاهم هي بتاعه ايه هبقي اصورها انما الموتور واحد 903cc وفي منها 1500 بس مشفتهاش في مصر شفتها بس لما كنت في ايطاليا والعربيه ممتازه للطبقات المتوسطه او الناس الي بتحب تعدل العربيات زيي وشكرا

**Truman** · 27-07-2009 10:02 PM

كنت عاوز أوضح نقطة خاصة بموديلات 127
ال 127 من 73 (كانت واخدة سيارة العام فى أوروبا سنتها) لحد تقريبا 77 أو 78 ده اول موديل و كان أغلبه إيطالى بس ممكن تلاقى حاجات منه تحت اسم سيات معمول فى أسبانيا
الشكل إتغير و بقى الموديل اللى الناس بتقول عليه Top و ده كان أحسن موديل (من 78 لحد 82) بس الحقيقة مش كل العربيات من الموديل ده تعتبر من الفئة Top لإن ال Top هى فئة رياضية خاصة من 127 (127 بابين بس و ألوانه يا إسود أو أصفر و فيها موتور 1050 cc بيدى قوة 70 حصان بجد مش هزار !!! ) لكن صعب أنك تلاقى واحدة أصلية منها دلوقت و اللى بتبقى عنده بتلقيه مش عايز يبيعها
الموديل الثالث هو اللى شركة النصر بدأت تجمعه من 82 و من 84 ظهرت الفيورا ثم السوبر فيورا (قطعها كانت من مصنع سيات الأسبانى) و ظلت تتجمع فى مصنع النصر لحد 87
نصيحة حاول تجيب سوبر فيورا 86 أو 87 تكون حالتها كويسة علشان اللى قبل كده هيبقى قديم جدا و صعب تلاقى حاجة كويسة فيه بسهولة

**abosharbat** · 01-08-2009 05:13 PM

الحمد الله اخواتى فى الله
ربنا وفقنا واشتريت اول امبارح 127
سوبر فيورا 1987

**maka** · 01-08-2009 06:04 PM

المشاركة الأصلية كتبت بواسطة abosharbat

الحمد الله اخواتى فى الله
ربنا وفقنا واشتريت اول امبارح 127
سوبر فيورا 1987

مبرووووووووووك

ممكن نعرف اشتريتها بكام

**mezo73** · 02-08-2009 12:11 AM

المشاركة الأصلية كتبت بواسطة truman

و بقى الموديل اللى الناس بتقول عليه top و ده كان أحسن موديل (من 78 لحد 82) بس الحقيقة مش كل العربيات من الموديل ده تعتبر من الفئة top لإن ال top هى فئة رياضية خاصة من 127 (127 بابين بس و ألوانه يا إسود أو أصفر و فيها موتور 1050 cc بيدى قوة 70 حصان بجد مش هزار !!! ) لكن صعب أنك تلاقى واحدة أصلية منها دلوقت و اللى بتبقى عنده بتلقيه مش عايز يبيعها

لية بعض التعليقات بما اني كنت من ملاك التوب
هي اخرها موديل 81
بالنسبة للالوان اسود وفضي وبرتقالي 3 باب فقط
اما الالوان التانية بتكون اربعة باب ونصف شنطة مش بتتفتح بالزجاج وايطالي مش الماني و900 سي سي بموتور فيات مش سيات
اما التوب في منها موتوربن 1050 سي سي 70 حصان والتاني 1300 سي سي 90 حصان
وموتورها فيات بكامة علوية اطباق وليس شواكيش زي ال 127 ال900
والميكانيكية بيقولو علي موتورها ( الموتور الاخرس )
لانة مالوش صوت وانا كان معايا واحدة لونها برتقلي من 8 سنين وبعتها ب 14500 جم ودة كان رقم كبير وقتها ولما بشوف عربية منها دلوقتي بتجنن علشان هي عربية تحفة طبعا بتتميز بصالون تحفة تبلوة جميل في ار بي ام وضغط الزيت وكراسي طيارة ومخادع في الخلف وعلي العموم اللي ادامة واحدة نظيفة للبيع ما يترددش بس قطع غيار موتورها قليلة شوية وغالية وعلي فكرة سير الكاتينة بتاعها كاوتش مش جنزير
بالنسبة ان مافيش حد رد في اول الموضوع دة للاسف علي حسب ظروف الزملاء انا واحد من الناس بكون متواجد يوميا وبرد علي الناس ولكني ماكنتش موجود اسبوعين كاملين لظروف العمل وحجات تانية
المهم اني اكون قدرت افيدكم