الموضوع: الستهلاك الطبيعى للبنزين فى النوببير الاتوماتيك 2001

ده ممكن يكون عيب رشاشات .....أو عيب فى دورة الأشعال (بوجيهات مرطبه وأنا شايفك مغيرها .....بس ممكن تكون وحشه _ أو عيب كابلات بوجيهات - أو عيب بوبينا ناتج من ضعف الشراره لبوجيه أو أكثر )............وممكن يكون عيب من الفتيس ..........أو بسبب عدم كفاءة الشكمان ( مكتوم مثلا ) ............أو تقل فى بلى العجل .....والأهم من هذا كله حاليا ....أنك تقيم الأستهلاك على الطرق السريعه أولا دون الأعتماد على مؤشر البنزين

انا روحت مركز الصفا وشيكت على الرشاشات وحساس الشكمان والايدل وقال كلة تمام بس انت حضرتك ماقلتش الاستهلاك طبيعى ولا لا والمفروض ييقى اد اية واعمل اية عشان احل المشكلة وشكرا على المتابعة واسف على الرد( على فكرة كل ما احط اى سؤال حضرتك اول واحد يرد عليا شكرا كتييييييييييييييييييييييي ييييييييييير )

بالنسبة للفتيس انا عندى مكشلة وهى فى النقلة الثالثة بسمع صوت زغطة ورجة خفيفة والموتور بعلى بيسط عند 3 وبعدين بيقى ناعم - وبعدين فى مياة بتنزل من الشكمان اول مشغل السيارة الصبح ( 9.3 صباحا )

ياباشا الله يخليك ..........أحنا عاوزين نساعد بقدر مانستطيع مش أكتر ......بس زى ماقولتلك فى آخر الكلام اللى فات ..........شوف الأستهلاك قد أيه على طريق سريع بدون الأعتماد على العداد بتاع البنزين أولا .............بطريقة التفويلتين وعداد الكيلومترات

بالنسبة للفتيس انا عندى مكشلة وهى فى النقلة الثالثة بسمع صوت زغطة ورجة خفيفة

أنا شوفتها أمبارح الجزئيه دى ......علشان كده حاول تشوف مركز كويس متخصص فى الفتيس ......بحيث تعرض عليه المشكله أولا ......وبالنسبه لى أنا شاكك فى وجود رواسب فى سولونويد تعشيق المرحله التالته .......بحيث يسقط الكرتير بتاع الفتيس ويعمل غسيل كويس لكل جسم الفتيس بزيت غسيل رخيص مثلا.....وبعد كده تحط زيتك العادى ......أحتمال مع الطريقه دى يحدث تنظيف للمكونات الهيدروليكيه وتسلك العمليه بتاعة التعشيقه دى .....لأن الرواسب هى أكبر عدو للدواير الهيدروليكيه عامة ( بتسد مجارى البلف بتاع الهيدروليك .....وبيسمى السولونويد )

وبعدين فى مياة بتنزل من الشكمان اول مشغل السيارة الصبح ( 9.3 صباحا )

ده عادى .....طالما مية التبريد تمام

انا اسف جدا على الازعاج بس فين بتاع الفتيس دة عشان يعمل القصة دى ( انا لسة كنت حاطط زيت حوالى 3 ك منذ 15يوما ) انا بالنسبة لمياة التبريد انا مشوارى من م.الجديدة الى م.نصر ( بعنى حوالى 45 دقيقة العصرية ) بفتح الكبوت الاقى صهد خارج من الموتوردة طبيعى (مرة تانية شكرا على زوقك واسف على الازعاج )

انا اسف جدا على الازعاج

ياباشا لا أزعاج ولا حاجه ..........كلنا هنا فى المنتدى أخوات وعاوزين نفكر فى أنسب الحلول مع بعض ......وبنعتبر أسره واحده

بس فين بتاع الفتيس دة عشان يعمل القصة دى

أرجو من الله أن نجد من بين الزملاء من يدلك على مركز خدمه كويس فى الفتايس الأوتو..........

( انا لسة كنت حاطط زيت حوالى 3 ك منذ 15يوما

المشكله مش فى اللى أتحط .....المشكله فى الرواسب القديمه اللى قد تكون موجوده فى الدايره وفى الفتيس من جوه .....وهى دى اللى بأتمنى الأطمئنان عليها أولا قبل الحكم على السولونويد بتاع التعشيق ( ملفه الكهربى كويس ولا لا )........فلازم من الأطمئنان على النظافه الأول الداخليه للفتيس والدايره الهيدروليكيه عامة

انا بالنسبة لمياة التبريد انا مشوارى من م.الجديدة الى م.نصر ( بعنى حوالى 45 دقيقة العصرية ) بفتح الكبوت الاقى صهد خارج من الموتوردة طبيعى

موضوع الصهد ده وغيره مش مشكله .......لأن دى مكنه بتحرق ....وبتبقى ليلة حراره جوه الغرفه .............اللى يهمنا هو مؤشر الحراره وموقف الميه فى القربه ( تمام ولا لا )

مؤشر الحرارة قبل النصف بشوية دايما اما بالنسبة مية القربة انا حولت افتح الغطاء وهى دايرة وساخنة لقيت تنفيس من الغطاء وان بفتح وحسيت انها بتغلى وبتطلع بخار وانا بفتح