عاوز أغير السيور وزيت الفرامل

**szrateb** · 08-07-2009 03:39 PM

قربت على صيانة ال30 ألف وانا اعرف ان فيها تغيير زيت فرامل وبما ان العربية موديل 2005 ففكرت اغير السيور بالمرة
حد يعرف ميكانيكي موثوق فيه في شبرا أو مصر الجديدة اغير عنده واشتري السيور والزيت منين ونوعهم ايه
ولا اكبر دماغي واروح التوكيل احسن (انا عملت كل الصيانات السابقة في توكيل الويت والبلاد العربية وهما مش بطالين)

**ahmedfawzy14** · 09-07-2009 01:11 AM

معلش انا من اسكندرية
بس اقدر اقولك العربية فيها 3 سيور
سير كاتينة وسير دينامو وسير تكيف
واحسن نوع الالمانى فى علبة صفراء
ممكن تجيبهم من التوفيقية من عند البنا فى شارع ذكى

**szrateb** · 09-07-2009 05:09 PM

شكرا على الرد بس انا عاوز اعرف الموضوع يستاهل التوكيل ولا لأ ولو موش في التوكيل ممكن اروح لمين في شبرا أو مصر الجديدة

**szrateb** · 12-07-2009 11:01 AM

طيب مفيش حد يعرف تكلفة الحاجات دى كام في التوكيل وتفرق كتير في السعر لو غيرت بره التوكيل

**mmahermf** · 12-07-2009 11:16 AM

فيه ميكانيكي أسمه سيد وده شغال في التوكيل وهو في شبرا الخيمة بعد كوبري مسطرد وانت جاي من ناحية المطرية والسواح تنزل الكوبري حتلاقي بنزينة على اليمين (تعاون تقريبا مش فاكر أوي) وهو في شارع على اليمن برضو اسمه شارع الكاوتش وعلى ناصية الشارع محل عصير اسمه عباد الرحمن.. خش الشارع وهو في آخر الشارع على الشمال ..
هو موجود الساعة 6 مساءا والجمعة من الساعة 11 الصبح.
الراجل ده كويس أنا جربته في تغيير السيور وخصوصا سير الكاتينة وهو ممتاز ... العيب الوحيد ان محل قطع الغيار بعيد عنه ولازم عربية علشان كده روح اعرف منه المطلوب وحيقولك تجيب منين وروح بعربيتك هات المطلوب قبل ما يبدء يفك.

**mmahermf** · 12-07-2009 11:23 AM

آه نسيت أرد على التكلفة:

هو غير السيور ونضف البوابة وغير البوجيهات وخد 80 جنيه
بالنسبة لقطع الغيار : أنا معايا نوبيرا وجبت التالي:
سير كاتينة ايطالي 65 جنيه
بلية شداد وبلية تانية gm ب270 جنيه
فلتر بنزين كوري 35 جنيه
طقم بوجيهات 30 جنيه
علبة اسبراي تنظيف بوابة أمريكي 25
سير دينامو (عندي سير واحد للدينامو والتكييف وانت عندك 2 سير) 65 جنيه

وغير بالمرة: فلتر الهواء بحوالي 35 جنيه
بالنسبة لزيت الباكم اشتري زيت الباكم بتاع محطات كارجاس هو الماني معبأ في الإمارات وهات علبتين الواحدة ب8.5 جنيه ويكون dot4