عاوز كل الناس تساعدنى الى يعرف والى ميعرفش

**Bob2009** · 08-07-2009 06:59 PM

ازيكم الاول

بصو بقى انا سمعت ان الناس بتجمع الجيب الرانجلر وانا نفسى فى جيب رانجلر

وبما انها بتتجمع وانا نفسى اجمعها من مالى الخاص يبقى هجمعها واحده واحده يعنى يمكن على سنه او اكتر

قولولى ايه رايكم فى الموضوع ده ؟؟؟

هل انا ممكن اعمل كده افضل ولا اشترى واحده اصلى واخلينى مثلا فى موديلات فوق ال 95 ؟؟؟

ولا اجمعها مع نفسى واشترى الى يعجبنى ؟؟

واخيرا هى تتكلف كام لو جمعتها مع العلم ان فيه ناس بتقولى ان اى موتور بيجى معاه كل حاجه يعنى تكيف وباور وبيكون كامل يعنى ؟؟

وطبعا انا مش عندى شاسيه ولا الكابينه لئنى عرفت ان الجيب الشاسيه بتعها زى العربيات النقل كده حديد والباقى دى الكابينه؟؟؟

عموما اعتبرونى اخوكم وفيدونى بكل الى تعرفوه الله يخليكم انا اتهريت خبط من الناس وعاوز اجيب العربيه دى على شان انا اتهريت

**Qamar** · 09-07-2009 09:29 AM

اللي شفته كان موتور مرسيدس من غير تكييف ولا أي حاجة
بس كانت أسد. تحس انها 1/2 نقل و عايزة الصحرا مش الطريق

**Bob2009** · 11-07-2009 11:31 PM

المشاركة الأصلية كتبت بواسطة qamar

اللي شفته كان موتور مرسيدس من غير تكييف ولا أي حاجة
بس كانت أسد. تحس انها 1/2 نقل و عايزة الصحرا مش الطريق

لا انا عاوز اجيب ليها موتور الجيب الشروكى ال 4100 بس انا مش عارف هو بكام بالظبط ناس تقول 5 وناس تقول 9
والشاسيه مش عارف عنه اى حاجه وانا افضل انى انا الى اجمعها مع نفسى على شان اشترى الى انا عاوزه بدل ما اجبها من واحد يكون مركب فيها موتور تيوتا زى ما بيقوله فمش عارف اعمل ايه وخايف اشتريها من حد تكون مقلب وانا اصلا مش بفهم لا فى الجيب ولا فى غيره ابيض يعنى

**M!NA** · 12-07-2009 11:49 AM

موضوع التجميع دا وجع دماغ.... و هتتعرض فيه لاشتغالات كتير جدا...

و بعدين موتور ايه اللي ب 9 آلاف؟ دانتا ممكن تجيب نصين استيراد (عربية كاملة) بين 12-15 ألف...!!

نصيحة هات حاجة تكون على أبوها و بموتورها الأصلي ... (عشان لما تيجي تبيع)

و طبعا سهل جدا تتأكد (لأن في الجيب الرانجلر و الشيروكي بيكون رقم الموتور هو نفسه رقم الشاسيه)

و بعدين ملحوظة... الرانجلر مش مريحة و كمان باب واحد.... يعني متنفعش عائلية....
فكر في الشيروكي... فيها نفس مميزات الرانجلر و أفضل في حاجات كتير...

عموما اللي هيحدد انتا تجيب ايه... هو الميزانية اللي انتا حاططها ...

و لو محتاج تسأل عن أي حاجة... اسأل و بقدر الامكان هحاول أساعدك...

**Bob2009** · 14-07-2009 02:22 PM

معلش ياستاذ مينا ممكن اعرف موضوع النصفين الاستيراد دول ولو هجمعها هتتكلف كام تقريبا؟؟

**M!NA** · 15-07-2009 09:42 PM

المشاركة الأصلية كتبت بواسطة Bob2009

شكرا مينا باشا على الافاده

انا هقولك بصراحه انا الفلوس كلها الى امتلكها كلها فى شهادات وودايع على شان انا لو تحت ايدى فلوس هصرفها فى يومين روحت عملت كده على شان احافظ على الفلوس الى حيلتى وفى نفس الوقت انا بصرف منها الفوائد بتاعت الشهادات دى الفكره ان انا حاليا مش هقدر اجيب مثلا عربيه بى 60 او 70 الف على شان انا كنت راكن دول على جنب اجيب بيهم عربيه والحمد لله اشتريت لادا 110 بيهم والباقى برده روحت عاملهم شهاده فالموضوع كله على شان اجيب حاجه تانى وانا طبعا مش عاوز ابيع ال 110 على شان كده لازم انتظر الفوائد بتاعت الشهادات واجمع بيها على حسب الى بيطلع كل 3 شهور اما انى انتظر الفائد لما تكمل ثمن العربيه كاش وادفع مره واحده فاقولت اصبر نفسى واجمع اهو احس انى بعمل حاجه وفى نفس الوقت مش عاوز ادفع اكتر من 40 الف والحقيقه انى جايبها على شان انا زهقت من الخبط فى العربيه كل شويه العربيه تتخبط خصوصا وهى مركونه فقولت جيب رانجلر كانت مع واحد صحبى من 3 سنوات ومره كنت معاه زنق عليه مكروباص وهو زى ماهو وانا اقوله حاسب يقولى برحته خالص فى الاخر المكروباص اتخبط بالحديده الى بنطلع بيها العربيه الى هى على الجنب فقولت هى دى العربيه الى تنفع البلد دى وانا مش عاوزها تكون عائليه انا عاوز عربيه شبابيه وتكون حديد فمش عارف اعمل ايه وانا كمان بحب العربيه دى اوى
فا ياريت تنصحنى بخبرتك وتقولى الافضل انى اعمل ايه مع العلم انى على شان اجمع 40 الف ممكن اجمعهم فى سنه او اكتر
وشكرا ليك ياباشا

تفكير صائب انك تشيل الفلوس و تستفيد بالريع بعيد عن أصل المبلغ...

لو رانجلر بحالة نضيفة هتكون في حدود 35-45 ألف

بس هتخليك تصرف كتير... (بنزين + قطع غيار)

العربيات الأمريكاني طول النهار بتتصلح...!!
هي ممتازة و قوة تحمل و كل حاجة.. بس مبتبطلش تطلب قطع غيار... و عشان كدا الجيب تعتبر أرخص عربية 4x4 في سوق العربيات - مقارنة بالباجيرو و اللاند كروزر... (لأن شغل الجيب الأمريكاني أساسا على قطع الغيار)

لو مصمم على الرانجلر يبقا لازم تفحصها كويس جدا قبل ما تشتريها...

المشاركة الأصلية كتبت بواسطة Bob2009

معلش ياستاذ مينا ممكن اعرف موضوع النصفين الاستيراد دول ولو هجمعها هتتكلف كام تقريبا؟؟

ديه شغلانة بتتعمل في جسر البحر (اللي في شبرا) بس لو نازل عند حد متعرفوش يبقا 150% هيتنصب عليك... فبلاش منها أحسن....

**HESHAM_SAYAD** · 07-09-2009 08:08 AM

بعد ازنك حضرتك فيه جيب شروكى فى جسر البحر ولا رنجلر بس

**M!NA** · 07-09-2009 11:04 PM

المشاركة الأصلية كتبت بواسطة hklkhgyoojdgbugd

بعد ازنك حضرتك فيه جيب شروكى فى جسر البحر ولا رنجلر بس

كل الأنواع... شيروكي و رانجلر و حتى الواجونير القديمة... هتلاقيها

-

-

الموضوع: عاوز كل الناس تساعدنى الى يعرف والى ميعرفش

LinkBack

أدوات الموضوع

عرض

عاوز كل الناس تساعدنى الى يعرف والى ميعرفش - انشر الموضوع فى :

-

-

-

-

-

-

المواضيع المتشابهه

الناس القديمه والى جربت الموضوع دا

سؤال من واحد عاوز شيروكي و ميعرفش حاجة عن السيارات

ارجوا من الناس الفاهمه فى العافشه انها تساعدنى

اللى ميعرفش خالد .. ميعرفش يعنى ايه رجوله وجدعنه

عاوز حقي ..زي الناس المحترمين

الكلمات الدلالية لهذا الموضوع

المفضلات

المفضلات

ضوابط المشاركة