الموضوع: بخصوص اللوحات الجديدة وتجديد الترخيص

المشاركة الأصلية كتبت بواسطة superkenwood

السلام عليكم يا رجالة العصابة

ان شاء الله بعد كام يوم سيتم الاطاحة بلوحاتي القديمة (ملاكي جيزة) وسأصبح من ملاك الللوحات الجديدة وعقبالكم كده ان شاء الله

أنا تبع مرور الدقي (أكبر مرور ريحته فايحة في البلد)

عبارة صحيحة تماما و عن تجارب تعدت ال 14 سنة

كنت عايز أسأل أصحاب الخبرات السابقة من اللي سبقوني وركبوا اللوحان الجديدة :
- هل سيتم فحص السيارة قبل تركيب اللوحات ؟
نعم يتم فحص السيارة فنيا و ان كانت مفحوصة قبل صدور القانون بيوم من الأخر عشان تشترى ورق الفحص الجديد و هو غالى على فكره بحوالى 50 جنيه

- ماهي قيمة تأمين اللوحات ؟ وهل تدفع مرة واحدة فقط أم رسوم سنوية ؟
رسوم تأمين اللوحات 150 جنية تسدد مرة واحدة فقط

- هل ممن أعترض على تسلل الحروف والأرقام وأغيرها قبل استلامها ؟
لا يجوز الأعتراض عليها لأن الأرقام دى على قد ماهى شكلها عشوائى بتبقى مربوطة لأول مرة بالرقم القومى بتاعك و بتتحدد جوه ادارة الكمبيوتر

وكام سؤال كده على الماشي :

- ماهي مصاريف تجديد رخصة السيارة 1600 سي سي موديل 2000 للسنة الواحدة ؟
فى مرور بين السرايات ضريبة بس من غير اى حاجة تانى 175 جنيه انما فيه حاجات تانى رسوم استعمال طريق و راديو و انارة و مش عارف ايه السنة ممكن تخش ضريبة و تأمين اجبارى فى حوالى 350 جنيه من غير مصاريف الفحص

- هل تقل الرسوم اذا جددت سنتين .. وتقل أكثر لو جددت ثلاثة ؟
بتقل لسبب واحد ان نماذج الأستخراج بتاعت سنه تمنها زى بتاعت التلات سنين و لاحظ ان الكلام كله على مرور بين السرايات الذى يختلف عن اى وحدة مرور اخرى فى كوكب الأرض

- وماذا عن التأمين الاجباري ؟ وهل شركات التأمين كلها زي بعض ؟
رسوم ثابتة و كله واحد و مفيش اى فرق

- هل هناك طريقة مجربة لتخفيض قيمة المخالفات ؟
بعد تطوير نيابة المرور لو انت شغال وزير العدل شخصياً مش هيعملك حاجة فى المخالفات فمتخليش حد يضحك عليك و رئيس نيابة المرور الدقى السابق عمر بيه زى ما كنا بنقلوه معرفة جامدة بس مفيش خدمات بعد التطوير و انت هتروح هناك و هتشوف تكييفات و كمبيوترات و مزيكا هادية و ماية ساقعة دلع يعنى و شبابيك محترمة و عالم زى الفل هما بيخفضوا تلقائى للحد الأدنى للعلم و قبل ما تروح هات مخالفاتك من على النت

- أنا الفحص بتاعي في 2011 .. طبعا لو جددت سنتين مش حأفحص .. طيب لو عايز أجدد 3 سنين ؟
بأى حال من الأحوال هتفحص و تجيب ملف فحص و اوراق فحص مؤمنة الجديده مش فارق حاجة

- ماهي أشهر الأسباب التي تعتبر مخالفة في فحص السيارة ؟
الفامية و الأمن و المتانة و فحص البيئة و الفحص الفنى الشكلى للسيارة و الطفاية الأول مالوش حل و التانى ممكن يعدى لو حاجة هبله و الباقى انت و شطارتك و خد معاك طفاية متشتريش من عند المرور متحطش اى حاجة لازقة على الأزاز ورا و قدام او جناب و لو معلق حاجة فى المرايا شيلها لغاية ما تخرج بالسلامة

- أنا سمعت ان المثلث العاكس وحقيبة الاسعاف اليومين دول بيتوزعوا مجانا .. ايه اخر الاخبار ؟
المفروض و غالبا مش هتاخدهم و هتنساهم و غصب عنك هتسيبهم عشان اللى قاعد عليهم يرزق منهم و هما مش مجانا زى ما انت متخيل هتلاقى فى الورق و انت بتدفع بأذن الدفع الكمبيوتر فى بين السرايات 100 جنيه مكتوبة اخرى و الحدق يفهم

وشكرا .. واسف للاطالة

يارب اكون قدرت افيدك و انتم السابقون و نحن اللاحقون الشهر الجاى ان شاء الله

اه صح عشان تجديد اللوحات الجديده انا اسف جداً

تفاصيل الضريبة على عربية 1600 من واقع أيصال الدفع

العربية مش هتتفحص تانى طالما تاريخ الفحص لسه مجاش....

أنا لسه مجدد السبت اللى فات.