Vectra 2006 for 71,000. PLEASE ADVICE ME

**ga3ongaya** · 18-07-2009 05:38 PM

لسلام عليكم
أنا يا جماعه معروض عليا Vectra ب سعر ٧١،٠٠ ألف . هي موديل ٢٠٠٦ و عامله حوالي ٧٥،٠٠٠ كيلو > هي أوتوماتيك طبعا و عالفابرييكا وأنا بصراحه مش فهمه يعني إيه فابريكا عشان أنا بنت و مليش فل عربيات أصلا. فيها جنوط سبورت و تزيد تبقى ب ٧٢،٥٠٠٠ لو بل DVD

رجاء الرد مع خالص الشكر

**Ahmad Allawy** · 18-07-2009 05:55 PM

شوفي يا ستي..
هي غالبا كده والله اعلم.. مش فيكترا.. دي استرا..
عشان الفيكترا اللي كانت موجوده في الوقت ده كانت مانيوال.. ده لو كانت موجوده في الوقت ده اصلا...
مكانش نزل منها الايزي ترونيك اصلا..

وموضوع فبريكة ده يعني دهان المصنع.. سواء داخلي بس او داخلي و خارجي..
عموما.. اتأكدي بس الاول هي فيكترا ولا استرا.. و ردي علينا..

و ايا كانت هي موديلها ايه.. لازم لو قررتي الشرا تاخديها التوكيل تعملي كشف شامل علي العربية.. عشان تعرفي حالتها كويس.. و تعرفي هي محتاجة شغل ايه.. و هتصرفي عليها كام
وهي لو استرا السعر ممكن يكون غالي حاجة بسيطة بس.. لكن مش مبالغ فيه قوي لو حالتها نضيفة قوي..

عموما في انتظار ردك..

**omdaz_5538** · 18-07-2009 07:59 PM

انا رأى من رأى احمد علاوى برضه
تقريبا دى استرا (اتأكيدى الاول)
لان الاسترا عربيه و الفيكترا عربيه تانيه خالص
ولو استرا العرييه دى ممتازه جدا و لو بالحاله الكويسه اللى انتى بتقولى عليها متهيقلى اخرها فى السوق 70000 بالdvd
بس اتأكدى الاول و رضى علينا عشان نقوللك تعملى ايه؟
و نتشرف بانضمامك للعصابه

**N.a.j.d** · 18-07-2009 08:18 PM

طب ليه هيا قالت فيكترا ازاي دي استرا

**tamertamer** · 18-07-2009 08:51 PM

الفكترا فى هذا الوقت نزلت منوال وفى منها اتو متك بس قليلة جدا تكاد تكون عربيتين الا اذا جية من برة بس السعر غريب
لان العربية الفضية خالص كانت نزلة 159 الف ودية نزلة كانت بحوالى 180 الف او اكتر وفيها ايرباج كمان وحجات كتير مستحيل تبقا 71 الف ازاى مستحيل تخسر السعر دة فى سنتين ثلاثة اكيد فيها حاجة مش طبيعية اكيد على العموم حكايت الفبريكة دية يعنى مخدتش حوادث خالص بدليل انها مترشتش بوية الا بوية المصنع دية معنة فبريكة بصى عشان تتاكدى خديها التوكيل وتاكدى من رقم الشاسية والمتور هتعرفى كل حاجة عنها لانها لسة خرجة من الضمان لان منصور بيضمنها 3 سنين او 60 الف كيلو من الاخر هيعرفو اة قلى فى العربية بس سعرها كويس اوىىىىىىىى

**ga3ongaya** · 18-07-2009 09:05 PM

متشكره جداً. أنا إن شاء الله نوية أخدها للتوكيل. فيه حد خوفني إنه برد أشيك جايز العداد ملعوب فيه، التوكيل يعرف يفئسلي حركة زي كدة، مظبوط؟
حد قاللي ان ممكن الراجل يكون لاعب في عدادها و بتاع و انا بصراحه مش من انصار المستعمل تماما عشان لو فيها حاجه حتبهدل بيها مش زي الرجاله هعرف اعمل ايه.

انا طبعا معرفش يا تامر هو الراجل جايبها من بره و لا لأ و كمان الناس معرفهمش اوي يعني مفيش عشم فخلولي العربيه يالسعر ده.

أيه الحاجات التانيه اللي اخلي التوكيل يشيكلي عليها و أسأل صاحب العربيه نفسه ايه؟

متشكره جدا يا جماعه عالردود الفوريه دي

**tamertamer** · 18-07-2009 09:31 PM

بصى حتت انة ممكن يلعب فى العداد انا هقلك حاجة نسبة 90 % بيلعبو فى العداد لكن دة مش مقياس اهم حاجة ضغط المتور يعنى حالة يعنى لو المتور معدى %93 خدية وانتى مغمضة بس السعر مش مريحنى خالص قليل عليها وخدى بالك ممكن تكون عملة حدثة وللاسف هناك فى التوكيل مش كويسين اوى فى النقط دية للاسف الصنيعية قلى برة بيعملو البدع بس لو وثقة فى الناس على الاقل مش وخدة حوادث خلاص على العموم انتى خديها التوكيل وكشفى عليها كويس اوى اوى
اسالى صاحب العربية لو كان عمل صيانة 60 الف كيلو عشان لو معملهاش اعمليهاء انتى ومتخفيش هى بسيطة انشا اللة
فى التوكيل اتمسكى انهم يدخلوها على جهاز الاعطال ويشوفو كل الانظمة شغالة مفيش حاجة عملة ديسيبول كلة شغال
وبصى على التكيف كويس اوى
وانشا اللة تبقا فتحت خير عليكى وخدى معاكى حد يعنى شب او راجل كبير عشان بردة يتفاهم معاهم وربنا يبركلك فيها ويجعلك نصيب فيهاء

وخلى بالك ان موديل 2003 سعرة ما بين 58 الى 65
فعشان كدة انا مستغرب السعر شوية خصوصن انها تقفيل المانى

**فادى محمد** · 18-07-2009 09:36 PM

هتطلبي تعملي حاجه اسمها كشف ما قبل الشراء بحوالي 100جندي وده هيكشفلك علي كبس الموتور ( كفائته كام % ؟ ) وحاله الحساسات ( انظمه الكترونيه منظمه لعمل اجزاء الموتور ) وكفاءه دوره الميه ( اربه-خراطيم-قفزان-طرمبه ..) --- لو العربيه الراجل شاريها من مصر اتاكدي من التوكيل عن طريق رقم الشاسيه واساليه كان بيوديها التوكيل ولا لا في مواعيد الصيانه واتاكدي برده من كلامه لانهم بيسجلوا بيانات اي عربيه تدخل لهم ومنها ماشيه كام كيلو ؟ ويستحسن تاخدي معاكي حد راكب وفاهم وع البركه ان شاء الله .

**N.a.j.d** · 19-07-2009 01:05 PM

ربنا يوفقك

الموضوع: Vectra 2006 for 71,000. PLEASE ADVICE ME

LinkBack

أدوات الموضوع

عرض

-

-

-

-

-

-

-

المواضيع المتشابهه

Advice About VW Golf 2

advice for buying a car

i need advice in a car

i want advice about CD ROM hoko_mosha

Advice for a new car

الكلمات الدلالية لهذا الموضوع

المفضلات

المفضلات

ضوابط المشاركة