حد عنده سؤال عن البيرسونا ؟؟ - أتفضل واحنا نجوبك

**etsh1413202** · 31-05-2010 05:01 AM

اولا جزاكم الله خير على الموضوع المميز ده خصوصا ا/اسامه وا/ايمن

وليا سؤال رخم شويه بس معلش استحملوا اخوكم بقى ....... هى البرسونا فعلا مفيهاش طفاية سجاير ولا ولاعه ( اخوكم مدخن جامد شويه والموضوع ده هيدايقنى جدا وممكن الغى فكره البرسونا لو الموضوع طلع بجد

**Osama.shihata** · 31-05-2010 05:10 AM

المشاركة الأصلية كتبت بواسطة etsh1413202

اولا جزاكم الله خير على الموضوع المميز ده خصوصا ا/اسامه وا/ايمن

وليا سؤال رخم شويه بس معلش استحملوا اخوكم بقى ....... هى البرسونا فعلا مفيهاش طفاية سجاير ولا ولاعه ( اخوكم مدخن جامد شويه والموضوع ده هيدايقنى جدا وممكن الغى فكره البرسونا لو الموضوع طلع بجد

يا فندم اهلا بيك
بالنسبة لسؤال حضرتك
البيرسونا فيها خرج كهرباء فقط ممكن استخدامه فى وضع شاحن موبيل - ام بى ثرى - او ولاعة
ولاكن مفيهاش بالفعل طفاية ودى ميزة علشان تخفف شرب السجائر شويا علشان صحتك يا راجل

طبعا انا بهزر ربنا يعفوا عنا وعنك وتقدر تبطلها وان شاء الله اى استفسار احنا فى الخدمة

وربنا يوفقك الى ما فيه الخير

**etsh1413202** · 31-05-2010 05:45 AM

كتر خيرك يا اسامه باشا بس فعلا الموضوع ده قفلنى من العرييه ........ مفيش حل طيب يعنى حتى ممكن اكيب طفايه زى بتاع الميجان او الاكسنت واحطها مكان حامل الاكواب ولا مفيهاش حامل اكواب قدام كمان؟؟؟

**Osama.shihata** · 31-05-2010 12:12 PM

لا فيها 2 حامل اكواب امامى
وكمان 2 حامل اكواب خلفى

**M.almaghraby** · 31-05-2010 12:55 PM

يا باشا عادي جدا ممكن تجيب طفاية لذيذة وتحطها فحامل الاكواب قدام.....

**etsh1413202** · 31-05-2010 01:54 PM

متشكرين يا رجاله والله وكنت عايز اتقل عليكوا شويه واسأل سؤال تانى ...... هو موديل 2011 هينزل امتى وهل فيه اى اختلاف عن موديل 2010 لانى شوفت صور على النت للبرسونا بس فيها اختلافات عن الى هنا في مصر زى المرايات الجانبيه بقت احسن وفيها اشارات والفانوس ورا شكله اختلف شويه برده فهل ده التغيير ولا ده بره مصر بس ولا ايه الحكايه .......... زكمان حاجه صغيره بس استحملونس ...... هل فيها سنسور للراكب الامامى عشان الايرباج ميفتحس لو مفيش حد جمب السواق ولا لاقدر الله لو في خبطه ادت لفتح الايرباج الاتنين هيفتحوا

واسف على كتر اسئلتى بس انا متعشم فيكوا خير والله وحبيت ناس كتير في المنتدى من غير ما اعرفهم ولا اشوفهم بس من مساعدتهم للناس وطولت بالهم وحب نفع الاخرين

اخوكم هشام

**M.almaghraby** · 31-05-2010 02:03 PM

ايوا فعلا في برسونا جديدة نزلت اسمها اليجانس..... و محتمل تنزل مصر ان شاء الله بس ممكن علي اخر السنة دي...

و فيها اختلافات كتيرة زي ما حضرتك قلت كدا

السوال التاني مش عارف اجابته الصراحة :)) و ربنا يكفيك شر الحوادث

**maxayma** · 04-06-2010 03:55 PM

هو يا جماعة برتون مش موجودة فى معرض اتوماك ولا ايه انا ما رحتوش المعرض بس شوفت امبارح فى الجرايد ملحق مع الاخبار و الاهرام كان تقريبا فى كل الماركات و كان كمان فى تخفيضات بس ماشوفتش حاجة عن بروتون خالص هو فعلا عز العرب مش داخل المعرض و لو بروتون موجود هل فى خصومات بمناسبة المعرض لانى ناوى اشترى بيرسونا و كنت عايز اعرف اخر الاسعار

**Osama.shihata** · 04-06-2010 06:22 PM

المشاركة الأصلية كتبت بواسطة maxayma

هو يا جماعة برتون مش موجودة فى معرض اتوماك ولا ايه انا ما رحتوش المعرض بس شوفت امبارح فى الجرايد ملحق مع الاخبار و الاهرام كان تقريبا فى كل الماركات و كان كمان فى تخفيضات بس ماشوفتش حاجة عن بروتون خالص هو فعلا عز العرب مش داخل المعرض و لو بروتون موجود هل فى خصومات بمناسبة المعرض لانى ناوى اشترى بيرسونا و كنت عايز اعرف اخر الاسعار

للاسف عز العرب مش مشارك ببروتون كالعادة

اما لو حضرتك ناوى على البرسونا فى انا راى تسنى شويا لغاية شهر 10 البرسونا الاليجانس هتيجى ان شاء الله
وبالتوفيق ان شاء الله

**momopersona** · 05-06-2010 01:27 AM

موضوع مميز وجميل يا استاذ اسامه
ارجو تثبيته

الموضوع: حد عنده سؤال عن البيرسونا ؟؟ - أتفضل واحنا نجوبك

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

سؤال عن البيرسونا

حد عنده صوت طرقعة فى البيرسونا مع المطبات "عشان هاتجنن منه"

اي حد عنده استفسار عن الواجا ادخل واحنا نجاوبك

حد عنده سؤال عن البيرسونا ؟؟ - (شراء-مواصفات-امكانيات-....)اتصل انا النهاردة معاك

سؤال بخصوص البيرسونا

الكلمات الدلالية لهذا الموضوع

المفضلات

المفضلات

ضوابط المشاركة