تحياتى ليك د محمد سليمان
الثبات ماشاء الله اكثر من رائع واحب الفت انتباه حضرتك ان وزن البرسونا اثقل قليلا من اخنها الجين 2
وان شاء الله قريبا اكتب لحضرتك الفرق بين الوزنين
عرض للطباعة
ا أحمد اهلا بحضرتك ومبروك عليك العربية الجديدة
زى ما الاخ الفاضل وضح لحضرتك ان كل العربيات الجديدة معدل الحرارة بينتظم علطول مجرد مالعربية تسخن وده بيكون بسرعة فى حدود 5 دقائق والحرارة دى مناسبة جدا للموتور ومش معنى كدة ان الموتور بيسخن لا قدر الله مدام الحرارة معدتش التسعين فانت دائما مطمن
نيجى لنقطة موشر الار بى ام
اول مبتدور ده عادى انه يرتفع ثم يهبط على 11 وبعد متسخن العربية خلال دقيقتين تقريبا بينزل موشر الار بى ام على 9 تقريبا وده كله بدون تدخل منك خالص دى من مهام كمبيوتر السيارة
واى حاجة كلنا فى الخدمة:36_1_1[1]:
شكرا علي اسهاماتك يا اسامة باشا و تعبك مع الاعضاء و ياريت بعد اذنك لو ممكن اساعد في الاجابة علي اي تساؤل
تحياتي ليك يا معلم
احب اعرف حضرتك
انا عرفت ان التوكيل عين مهندس ثقيل لاختبارالسيارة بمعايير اختبار PDI لتسلمها للعملاء بطريقة افضل مما سبق
وحضرتك بتشيك على كل حاجة فى العربية
صوت الموتور
فحص كافة قرب الزيت والريداتير
السنتر لوك لجميع الابواب
فتح الشنطة من الداخل والخارج
صوت الدركسيون
الملتى فنكشن الى فى الدركسيون
فحص السي دى وصوت السماعات
والتكييف
والمساحات
والاضاءة الخارجية والاشارات واضاءة التابلوه والعدادات
يارب مكنش نسيت حاجة:O_stupid[1]:
ولو نسيت حد يفكرنى
الفرق بين وزن العربيتين
الجين المانيوال 1190 كجم الجين الأوتو 1220 كجم
البيرسونا المانيوال 1195 كجم البيرسونا الأوتو 1220 كجم برده
ده من على البروشورات بتاعة العربيتين
ايه الانطباعات الاولي يا هيثم باشا؟
و الله يا محب لسه شوية ما أقدرش أحكم حكم موضوعى لأنى قعدت محروم من العربية حوالى أربع شهور فمش عايز أقولك عربية 127 كانت هتسعدنى قد إيه بعد طول المدة دى + إن حتى عربية والدى مازدا 323 مو 81 فطبعا مافيش مقارنة.
ده غير إنى لسه مرخص إمبارح و أول مشوار بيها كان النهارده
بس عموما هى محسسانى بتميز عالى ما شفتش حد بيتفرج على عربية ماشية فى الشارع أو حتى راكنة بالمنظر ده
لسه نسبيا مش متعود على أبعادها باعتبارها أكبر عربية ركبتها لحد دلوقتى و ده عمللى مشكلة و خوف أوى إنى ما أقدر المساحات و المسافات اللى حواليه بدقة خصوصا عند الركن.
موضوع نشوفية العفشة ده مش حاسس بيه للدرجة اللى الناس بتتكلم عليها و لا والدتى كمان حست بيها.
الفتيس تقيل شوية عن اللى متعود عليه فى السويفت.
بس أنا حسس بسعادة جامدة أوى الحمد لله لمجرد إنى بشوف العربية قدامى و عارف إنها بتاعتى ما بالك بسعادتى بقى لما بركبها
إن شاء الله قدام شوية هديلك إنطباعات مفصلة أكتر. يمكن فى المقابلة
كنت أود ذكر أرقام في هذه الإجابة المفيدة، حتى تكتمل و تتضح معالم الصورة. لا يكفي فقط أن نقول إذا سارت بسرعات منخفضة قل استهلاك الوقود و غذا زادت السرعة ذاد الاستهلاك؛ فهذا شيء منطقي في أي سيارة. الاعتقاد المتوفر عندي (لا أعلم إن كان صحيح أو خطأ) أنها تستهلك 20 ليتر لكل 200 كيلومتر (200 كيلو في الصفيحة).
هناك عوامل أخرى و لا تنحصر فقط في قدرة محرك السيارة و السعة اللترية تتحكم في استهلاك الوقود، يوجد أيضاً كفاءة تصنيع المحرك و قدرته على توفير و عدم هدر الطاقة الناتجة من حرق الوقود. بمعنى أنك قد تسمع عن سيارات فولفو و بي إم بذات السعة اللترية او يجوز أكبر مع وجود قدرة أكبر، و تستهلك وقود أقل. العبرة النهائية، في كيفية تسخير المحرك للطاقة الناتجة من احتراق كمية معينة من الوقود و تحويلها إلى قدرة تستخدم بواسطة السيارة سواءاً للدفع او لأي مهام أخرى.
هيا العملية نسبة و تناسب يا باشااقتباس:
بي إم بذات السعة اللترية او يجوز أكبر مع وجود قدرة أكبر، و تستهلك وقود أقل.
لكن مفيش 3000 باستهلاك اقل من 2000 مثلا
لا لو تكنولوجيا عالية بحيث انها متبقاش بيطلع كامل قوتها
إزيك يا هيثم باشا إيه الأخبار , يارب تكون بخير والبرسونا الجميلة كمان , مبروك يا باشا على الترخيص أنا كمان لسة مرخص إمبارح وأول مرة أروح بيها الشغل كان إنهاردة وطبعا أنا بصدق على كلامك إن الحكم دلوقتي مش موضوعي أوي بس بردو في إنطباع أولي أنا حاسس بيه طبعا زي ما بتقول التميز التميز التميز مافيش بعد كدة وكمان العربية ناعمة معايا أوي وصوت الموتور أنا فعلا بستمتع بيه :S_thum1[1]: وطبعا الأبعاد دي مشكلة بالنسبه لي بردو وفي الركن كمان بس واحدة واحدة هتعود
نيجي بقى لموضوع الفتيس وده أنا كنت هبعت لأستاذ أسامة أسأله فيه:
أولا إزي حضرتك يا أ/ أسامة يارب تكون بخير وتمام , بالنسبة للفتيس زي ما هيثم بيقول هو تقيل شويه وكمان ساعات بيعلق معايا على التاني والرابع بالذات بس مش عارف هل أنا اللي مش متعود على المجرى بتاعة كل غيار ولا إيه وهل أروح التوكيل دلوقتي أقولهم على المشكلة دي ولا أستنى
وشكرا,
من اهم عيوبها فعلا يا جماعة الابعاد صعبة جدا جدا
بس مش انتو فول اوبشن يبقي السنسور بيساعد اكيد
أعتقد إن حضرتك تقود سيارات منذ زمان، و لديك خبر كافية بالقيادة، يعني هذا أن موضوع عدم تعود يدك على الغيارات يمكن أن يكون مستبعد، أغلب الظن - و الله أعلم - إن الفتيس به مشكلة، و أقترح على سيادتك الذهاب إلى التوكيل، و محاولة طلب تغييره.
الأهم من ذلك إنك تحاول قيادة سيارة أخرى من نفس النوع و تستشعر حالة الفتيس و أيضاً تمكن صاحبها من قيادة سيارتك.
لو كانت السيارة بالفعل بها مشكلة بسيطة في الفتيس و هي جديدة، فكن متأكداً انك سوف تضطر إلى تغييره بعد مدة أقصاها 7 سنوات مثلاً من الآن - هذا إن لم تقم بتغييره الآن-
اسمع من الناس الذين يغيرون الفتيس لسياراتهم القديمة المستعملة من اي نوع آخر، بأنهم يأخذونه في العادة على تجربة، و إذا وجدوا ما تصفه في مشاركتك فإنهم يعتبرونه معيباً ويرجعونه على الفور
في الحقيقة يا أ/ سيد إنت صدمتني , تغيير فتيس مرة واحدة , ربنا يستر , بس أنا عاوز أقولك إني مش بقود من زمان ولا حاجة أنا أه ركبت كذا عربية بس أغلبهم عربيات قديمة أحدث حاجة ركبتها وسوقتها كانت أكسنت 2000 بس ما سوقتهاش كتير عشان أقدر أحكم إن في مشكلة في البرسونا وأخر عربية كانت معايا ودي اللي كنت بسوقها على طول 128 لمدة 3 سنوات ,, وطبعا في فرق كبيييييير أوي
هو غالبا إنت عندك حق في إنى لازم أجرب عربية تانية زي بتاعتي عشان أشوف فيه فرق ولا المشكلة في عربيتي ولا فيا أنا , أنا هحاول أروح التوكيل وأشوف كده ربنا يسهل
انا العربية ساعات بيتقل فالنقلة التانية شوية.....
البيرسونا المانيوال افضل ولا الاوتوماتيك؟
مستنيين نتيجة امتحانات أيمن إدعوله بقى
باشا أنا كنت سمعت إن المدى بتاع الغيار قليل و إن الواحد بياخد وقت شوية عشان يتعود على المجرى بتاعه أما بالنسبة لتقله النسبى فده طبعا مقارنة بس بعربية أنعم مش فى المطلق و مشكلتى الكبيرة أنا و انت ما سوقناش عربيات كتير فحكمنا مش هيبقى موضوعى لأننا بنقارن بس باللى ركبناه
السلام عليكم ورحمة الله
ازيك استاذ احمد وازيك استاذ سيد
يارب تكونه بخير وسعادة
تعقيبا على نقاش حضراتكم:3_3_102[1]:
فعلا بعض الفتيس المانيول فى عضة صغيرة فى الغيار الثانى بتروح وتيجى
وانا بالغتهم قبل كدة فى التوكيل وظبطولى رجلاش الفتيس وكمان شحمه المجرة الخاصة بالنقل
وبقى انعم بكثير من الاول والعضة بقت مش محسوسة بس على فترات كدة بتظهر وترجع تروح تانى
وان شاء الله الصيانة الى جاية هحاول اشوف الموضوع ده لان ناس كثير لاحظته
بس برده فى حاجة مهمة حارات النقل قريبة من بعض وده مختلف عن سواقة العربيات القديمة كان كل نقلة فى الغيار فى حتة
اما بالنسبة لتغيير الفتيس فده لو مشكلة العضة متحلتش اصلا ومرحتش يبقى من حقك فورا تغييره ومعتقدش خالص ان المشكلة للدرجة دى لا الدبرياج مش على وير ده على زيت باكم وده ممكن يتظبط علطول فى التوكيل ان شاء الله:36_1_1[1]:
ملاحظة هام:
انا ركبت عربية زميلى والفتيس ناعم خالص مفيهوش عضة زى فتيس اللنسر الى كنت راكبها بالظبط قبل كدة وهو برده برسونا 2009 معنى كدة ان الامور الطبيعية ان الفتيس مفيهوش عضة ولازم يكون ناعم خالص.:S_thum1[1]:
السلام عليكم
المنيوال : لو بتحب التحكم فى نقل فتيس العربية بحرية يعنى بتحب تنقل او تقرص على اى عدد لفات للمحرك بواسطة اى غيار يبقى المانيوال اكيد .
مزاياه : مرونة وتحكم وفقا لرغباتك - اوفر قليلا فى استهلاك البنزين - ارخص تكلفة فى صيانة الفتيس او اصلاحه .
عيوبه : ممكن تزهق منه فى الزحمة كل شويا اول وثانى ودبرياج .
الاوتوماتيك: لو بتحب تبقى رايق وانتا سايق وبتزهق من النقلات وخصوصا فى الزحمة يبقى الاتوماتيك اكيد .
مزاياه : سهولة فى الاداء والتحكم وممكن كمان تقرص بيه - اعلى قليلا فى استهلاك البنزين - اغلى تكلفة فى صيانة الفتيس واصلاحه .
عيوبه : لوحظ انه بيأكل تيل الفرامل اسرع شويا لان الفرامل فيه فرامل ودبرياج .
وان شاء الله ربنا يوفقك فى الاختيار:S_thum1[1]:
إزيك يا أ/ أسامة
أنا بشكر حضرتك على ردك , وعاوز أقول حاجة إن فعلا ممكن يكون فيه عامل مؤثر وهو تعودي على فتيسات العربيات القديمة اللي زي ما قولت مداها واسع شوية :36_1_1[1]:, بس أنا حاسس إنه مع الوقت بدأت أتعود على فتيس العربية والعضة ديه قلت معايا أوي لكن ما إختفتش وهقولهم عليها في أول صيانة إن شاء الله بس فعلا الفتيس حاراته قريبة جدا وكمان تقيل شوية - وده عاجبني أوي :S_thum1[1]: - أعتقد إني لما أتعود أكتر هقدر أحدد إذا كان في مشكلة ولا لأ .
بس كنت عاوز أسألك هل إنت شايف إن الملحوظة دي تستدعي تغيير الفتيس سواء عندك أو عندي لأن أ/ محب
كمان باعت بردو يقول أنه الفتيس تقيل عنده في التاني ؟
بص يا باشا هول تقيل عندي فالنقلة التانية فقط - دي حاجة
الحاجة التانية : ان دا بيحصل معايا لما بسقط نقلة فقط " عالتالت مثلا و داخل عالمطب " هنا بتبان اوي
و كمان لما بدي الغيار بطريقة معينة بتقل جدا العضة دي
و ساعات اه و ساعات لاء
اعتقد اول حاجة ممكن نعملها اننا نقولهم فالتوكيل....
ممكن يرفعوا الدبرياج سنة مثلا
او يكون ليها حل تاني
قريباً ان شاء الله فى المقابلة نجرب الفتيس فى كزا عربية علشان نحكم صح
مساء الخير على احلى شباب
اسمحولي اذود معلومة صغيرة على موضوع عضة الفيتس على الاول والتاني ( والتاني بالذات )
انا قبلت المشكلة دي من اول ما استلمت الواجا ورحت التوكيل 3 مرات بسببها كل مرة يقولولي عملة حاجة مختلفة هعن اللي قبلها وبعد كام يوم ترجع تاني لحد لما قررت اني اكبر دماغي ..........
وفأجئة وبدون سابق انذار وبدون اي لعب من اي ميكانيكي وبدون تدخل خبراء مليزيين او فراعنة
اتحلت المشكلة والعضة راحت بالظبط بعد 2000 كم
ليه... ازاي ... فين ... منين ... ؟؟؟؟ معرفش كل اللي اعرفة ان العضة راحت وكأن الفبتيس كان بيليين
متقلقوش ده طبيعي
تقبلوا تحياتي
يا رجالة حرام عليكوا الجين والبيرسونا المانيوال خرافة
إزيك يا أ/ أسامة , إيه أخبار حضرتك وأخبار البرسونا الجميلة
أنا طبعا بأكد على كلام حضرتك إن المانيول في البرسونا رائع رائع رائع ومافيش مشكلة في العربية خالص أنا بس كنت عاوز أطمن ومع ذلك مع الوقت إتضح لي إن العيب كان في إستخدامي لإني كنت واخد على الفتيس اللي حاراته طويلة ولما إيدي ظبطت مع الفتيس في البرسونا مابقاش في عضة تقريبا خالص