صاحب الموصوع كان المفروص يتأكد منه خصوصا كاتب كلام حماسى قوى

انا قريت الأعلان فى عدد الجمعه و ضحكت على الغلطه المطبعيه لانها بالعقل مينفعش غير انها تكون كده او تكون مقصوده علشان الناس تكلم المعرض كنوع من جر رجل الزبون.

لما قريت التوبييك فى الأول اتخضيت ان الموضوع طلع صح وانا طلعت غلطان و لكن الحمد لله قريته بعد ما ناس كذبته.

- العربيه ماتنفعش تيجى من بره باقل من 290 الف جنيه بنفس موصفات التوكيل (غير الشحن) . كان عندى محاوله انى اجيبها كده و لقيتها تقف ب330 مع بعض الأوبشن و بدون ضمان.
- لو فرضنا العربيه تقف باقل من كده بكتير تفتكر المعارض هتكسب بما يرضى الله و لا حتبيعها بمكسب كبير بسعر قريب من سعر التوكيل مع وجود ميزه اوبشنز زياده و تسليم فورى ( بدل حجز 3 شهور)


احب اقول راى فى موضوع بدون ضمان. لو العربيه باوبشنز زياده و تسليم فورى و بنفس سعر التوكيل مش هشتريها و استنى اجيبها من التوكيل بالضمان. عربيه زى دى مش هاقدر استحمل فيها حاجه اروح اصلحها ب 20 - 30 الف جنيه.

وده نفس مبدأ انك تدفع تامين 7450 جنيه علشان لا قدر الله فى حالات الحوادث هيبقى مطلوب مبلغ محترم ممكن صعب ادفعه او مايكنش معايا

الضمان والتامين شىء مهم جدا.