حدد احتياجك من العربيه
لو انت شاب وحتركب العربيه معظم الوقت لوحدك.......يبقي المازدا بدون كلام
عربيه ممتازه سحب رائع ....اداء متميز.........شكل حلو (القديم احلي في نظري من الجديده)
قطع غيار معمره ولكنها غاليه شويه
العفشه ناعمه .زي معظم الياباني
عيوبها في نظري انها واطيه ....للاسف بتخبط في جبال المقطم اللي في مصر(المطبات)
لو كان مكان حركتك بالعربيه فيه مطبات كتير حتتعذب بيها
ولو مركب معاك ناس وراء يبقي حتعيط علي المطبات ولازم تاخدها بالورب ده لو الناس سمحتلك
الكنبه اللي وراء ضيقه نسبيا ....بس كما قلت لو انت شاب والعربيه مش عائليه مش حتكون مشكله
لانها علي عكس وراء قدام واسعه ومريحه
شنطتها معقوله لاهي واسعه ولا صغيره
من عيوبها ايضا عدم توافر توكيل جيد يضمن العربيه ..الامر متروك لاتنين سمارت كار وسونستا
بعتبره عيب لان التوكيل زي الاب والعربيهاللي مالهاش كبير يترد عليه لما تقل اصلها معايا بقلق منها
......................
بخصوص السيراتو ...حتنفعك اكتر لو كانت العربيه عائليه
العربيه شكلا حلو ( مصممها الماني...مصمم اودي)
موتورها رائع ...سحبها حلو ..امكانياتها وكماليتها ممتازه
شركتها ممتازه ولم يؤخذ عليها اي مشاكل سابقه
وتوكيل جيد السمعه ....وابتدت تنتشر كويس .يعني توافر قطع الغيار باسعار مناسبه
واسعه من قدام ووراء.كما تتميز بشنطه واسعه
عيوبها
ظاهريا حيث ان العربيه مازالت لم تمشي في شوارع المحروسه كثيرا
الخامات الداخليه فقيره ولكنها ليست سيئه ........طبعا في الهاي لاين الخامات افضل لوجود الجلد والنواكل
عفشتها ناشفه زي عفشه الاوكتافيا
الصاج الخارجي لعربيه ضعيف ( وان كنت لا اجد عربيات صاجها عدل غير الاوروبي )
ولكن توافر عوامل امان فيها شئ مطمئن
للاسف ده بس اللي اعرفه عنها لانها بقالها مش اكتر من 3 شهور وده بعتبره من العيوب في نظري( الا لو متفرقش معاك انك تجرب)
وان كان للامانه ..شركه كيا محصلش منها حركات نقص قبل كده
خلاصه الحوار الاتنين اختيار ممتاز .....تحدد العربيه اذا كنت محتاجلها شبابيه وفرديه ولا شبابيه وعائليه
المفضلات