الموضوع: Toyota 2009 MMT- Professional

المشاركة الأصلية كتبت بواسطة Scent7104

أنا بعد الحيرة و التكنولوجيا اللي بتتطور كل يوم و الخنقة اللي شفتها من الصنايعية ، ربنا هداني - إن شاء الله لما فيه الخير- أجيب تويوتا كرولا 2009 بروفيشنال MMT. بناء على التوكيل اللي يعتبر من أحسن التوكيلات - إن لم يكن أحسنهم- و الاعتمادية للعربية و سعر إعادة البيع و كمان صاحبتي معاها 2008 "هي مشكلتها انها بتحس بالنقلة و لم تعمل update للسوفت وير .


أنا كنت عايزة أستفسر عن بعض الحاجات:

1. في حد معاه 2009 في المنتدى الكريم بالسوفت وير الجديد و يقول لي ايه أخبار الفتيس و هل بتشعر بالنقلة برده؟ (أرجو معرفة الإجابة من الملاك)
2. لما باستلم العربية إيه أهم الحاجات اللي باخدها و أتأكد من ايه في العربية؟
3. ازاي أتأكد من السوفت وير الجديد؟
4. ايه الكماليات اللي ممكن تضاف في التوكيل ؟ و سعرها تقريبا كام (لو ممكن)؟

و شكرا مقدما و أرجو إنى ماكنش طولت عليكم

انا معايا 2009 وعلى الوضعية E الاحساس بالنقلة مش محسوس بصورة كبيرة خاصة مع الوقت والتعود على العربية وفعلاً الناس اللى معاهم 2008 كانت النقلات فيها محسوسة بس كل اللى نزلوا السوفت وير الجديد قولوا ان فيه فرق كبير

بردوة مش فاهم الناس مركزة على الوضع E وهو وضع اقتصادى باستهلاك ضعيف للبنزين ومحتاج تعود شوية وناسيين ان فيه M , ES
عامة ES مفيش اى احساس بالنقلة وتقريبا زى الاتوماتيك العادى

2009 كله فيه السوفت وير الجديد لان محدش اشتكى منه

اما تستلم العربية غير الورق بتاعها دليل المالك وشنطة عدة

الكماليات اللى فى التوكيل اللى انا اعرفه :-
1- وحدة رفع زجاج 750 جنيه
2- انذار 950 جنيه
3- باركينج سنسور 850 جنيه
4- رينجات للفوانيس معرفش بكام
5- DVD فى التوكيل 5500 جنيه برة فى محلات بتابيعه 3200 جنيه بس حاجة تحفة فيه بلوتوث وباركينج سنسور و GPS
ودا اللينك بتاعه
http://www.caradvanced.com/products/...C-etc....html#

الاسعار ده من شهرين معرفش اتغيرت او لا

نصيحة لو فيه امكانية وفلوس هات الادفانسيد بكمالياتها وفروقها عن البروفشينال تستاهل فرق الفلوس

عشان تتأكدى من السوفت وير الجديد مع ان كده كده هاتلقيه موجود فى موديلات 2009 لما تشيلى رجليكى من على الفرامل هاتلاقى العربية بتمشى لوحدها اكنها عربية اوتوماتيك عادية وعند استلام العربية حاولى تجربى كل حاجة فى العربية مثل مشغل الأسطوانات مفتاح الشنطة والتانك الداخلى اللى هوة تحت الكرسى الأمامى والسنتر لوك وتبصى على المساحات والزجاج واى حاجة تلاحظيها بلغى التوكيل فورا وخلى صيانتك على طول فى التوكيل ومبروك مقد ما على العربية.

المشاركة الأصلية كتبت بواسطة Scent7104

ألف شكر على رد حضرتك... بس حتى الأدفانسد مش فيها برده ال dvd ده . يعني ايه رينجات فوانيس؟

اولا الف مبروك على العربىه
الرينجات بتبقى زى الصوره دى كدا متركبه فى الكشافات الاماميه





وفى حاجه تانيه اسمها العدسات ودى عباره عن لمبه (زى لمبه البروجيكتور)


ودى صوره كشاف فيه النوعين مع بعض

المشاركة الأصلية كتبت بواسطة Scent7104

ألف شكر على رد حضرتك... بس حتى الأدفانسد مش فيها برده ال dvd ده . يعني ايه رينجات فوانيس؟

لا الادفانسيد مفهاش DVD
بس كان فيه حد قال ان فيه بعض المعارض مركبين فيها DVD وأغلى من السعر العادى 8 الاف جنيه يعنى انت تركبيها بنفسك يكون أرخص

الرينجات زى ما blazer اقالك كدة

عامة عربية محترمة ومبروك مقدماً