الموضوع: Toyota 2009 MMT- Professional

المشاركة الأصلية كتبت بواسطة sadany18

ثواني يجماعه ...
انا مش عاوز احبط حد عايز يشتري بس انا لي رأي فل موضوع ده...انا جبت العربيه من يوم09/07/2009 ومكذبش عليكو انا الى حد ما مش مبسوط ... اقولك ليه
- اول م اتحركت و العربيه جابت التاني و هوب الثالث حسيت اني راكب جمل ..(انا مش بتريق الي معاه العربيه اكيد حس كده برضه) بس ده ليه -- عشان انا كنت راكب اتوماتك .العربيه فعلا صوت و إحساس المانيول و يمكن ده ال مش مريحني
انا فعلا كنت ناوى اكتب على تجربتى مع العربيه .. بصراحه انا ساعات بحس اني اتسرعت مش عشان تويوتا لا عشان ال mmt
انا شايف ان المتعود يسوق اتوماتك هيلاقي صعوبه في التعود على الmmt اما المتعود على مانيول هيجد الفتيس ممتع .
انا معاكو ان لو شلت رجلى من على البنزين النتشه بتقل بس دي ال محتاجه التعود عشان تظبت النقله بالظبت بس اكتر من مره اشيل رجلي و ادوس تاني الاقى الٌrpm يعلى و متنقلش
انا مجربتش ال es بس لو فعلا الاحساس بالنقله هيقل هتبقى عربيه تحفه (هجربه و اقولكم)-- لان العربيه واسعه و محترمه أستهلاك بنزين هايل ثبات جامد ال passenger seat belt sensor مزعج بس حلو .
اتمنى العاوز يشتر العربيه دى يجربها فبل ما يدفع جنــــــــيه.

هو ده اللى بنقول عليه من فترة e محتاج نعود وديه بتيجى مع الوقت وانت العربية معاك بقالها كام يوم عايز اسمع رأيك بعد أسبوعين او 3 والاحساس ده هيقل او لا؟

والعربية اما تعمل معاك كدة استخدام الشيفتات - علشان تنزل النقلة حسب السرعة

es زى الاتوماتيك العادى تقريباً وهيعجبك اوى اذا كنت عايز تسوق العربية كأنها اتوماتيك عادى

و مبروك وربنا يبارك ليك فيها

مش عارف أقول ايه
الموضوع ده قتل بحثا وإفتاءا والمواضيع عنه فى المنتدى لا تحصى
ياريت تراجعى المواضيع دى علشان تكونى صورة واضحه عن العربيه
إيجابا أو سلبا

الأحساس بالنقلات هيقل لأن العربية لسة بتتلين تانى حاجة الفتيس ده مش زى الأوتوماتيك العادى وانا برده كنت راكب لانسر اوتو ماتيك قبلها ولازم حضرتك تفهم حاجة صغيرة ان البرنامج بتاع الفتيس بيقرأ طريقة سواقتك يعنى فى الأوتو العادى كان الواحد بيكبس بنزين جامد علشان ياخد سحب وكان وظبفة الكمبيوتر انه ينقل الغيارات بس لكن فى الmmtمش هتحتاج لكده لأن حضرتك بمجرد ما هتدوس سنة بنزين هاتلاقى العربية بتسحب معاك على طول وهتلاقى الrpmمابيزدش عن 3بشرط ان حضرتك تدوس بانتظام يعنى مثلا دوست سنة بنزين صغيرة هاتلاقى كل نقلة بتيجى عند 3 او اقل بقليل والفتيس ياخد النقلة اللى بعدها تروح حضرتك دايسة بنزين بنفس المقدار السابق عشان تزود سرعة وهتلاقى برده rpmما بيزدش عن 3وده عشان الكمبيوتر قرأ طريقة سواقتك لكن حضرتك فجأة دوست بنزين جامد ايه اللى هيحصل كده الكمبيوتر عرف ان حضرتك عايزة شد وجرى بالعربية فهتلاقى الrpmعلى الى4او 5 او6 على حسب قوة الضغط على البنزين وكل غيار هايخده على اساس هذه الضغطة طب دلوقتى الrpmعلى وعايز تخليه يرجع ياخد النقلة على rpm3هاتعمل ايه هاترجع تدوس سنة بنزين زى الأول ومفيش ثوانى وهاتلاقى الفتيس راح واخد غيار وتلاقى الrpmنزل وانا معايا العربية بقالها 14شهر وعاملة معايا 37000ك وكل فترة بكتشف حاجة فى الفتيس ده.

اوعى تبيع العربية حضرتك لسة ماتعودتش عليها ودى مشكلة كل اللى اشتروا العربية انا برده العربية ماكنتش عجبانى فى الأول بس لما اتعودت عليها مابقتش عايز افرط فيها وحضرتك سوقتها 100ك بس مش كفاية عشان تحكم على العربية لسة العربية بتلين وانا فاكر يوم ما اشترينا العربية واحنا راجعين بها كنت حاسس انى هاخبط فى الزجاج الأمامى بس بعد كده بتلاقى الغيارات نعمت والأحساس بها قليل جدا وبالنسبة لموضوع انها مابتسعفش حضرتك انا باجى من صلاح سالم الى مدينة العبور باخد الطريق كله غرز بالوضع e ومن ساعة ماحدثت السوفت وير مابقتش استخددم الes وال m الا نادرا ولسة امبارح كنت عمال اشد مع عربية كورولا زى بتاعتى والسرعة وصلت ل170 وشغال غرز وكل ده على الوضع e وممكن حضرتك عشان تطمئن تجرب عربية تكون عملة 5000ك مثلا وبالنسبة لموضوع البنزين انا بوصل على الصحراوى بسرعة 100 لمعدل 7.7لتر لكل 100كيلو وفى المدينة مابعديش غالبا معدل 9.7لتر لكل 100ك وفى فى العبور موزع معتمد دايما بعمل صيانة العربية هناك اسمه المتحدة لتجارة وتوزيع السيارات وهو موزع معتمد من تويوتا ايجيبت وشغال فى التويوتا واللكزس

المشاركة الأصلية كتبت بواسطة sadany18

شكرا ابو الوليد... عايز اقولك اني بفكر ابيع قبل مرخص .. و هو ممكن ابقى خسرت 2000 او 3000 بس راكب عربيه و انا مرتاح نفسيا مش لازم ابقى مركز مع صوت العربيه و الفتيس و كده ..
بس انا عندي سوأل .. انا شايف ان مودلات 2008 عملولها software update للفتيس و الناس بتقول بقى افضل..هل ممكن يكون فى update تاني يظبت الموضوع المنيل ده ...؟؟؟
انا هسئل فى ابو رواش غلى الموضوع ده انهارده
على الرغم اني سوقت العربيه دي 100 كيلو فقط بس انا حاسس انها مبتسعفش هوا الفتيس ذكي انا معاك بس سعات بيبقى غبي .. يعني انا مش متخيل العربيه دي على كوبري اكتوبر فل زحمه بتهيقلى يالفتيس هبوظ ياانا وسطي هيتقطم من كتر الفتيس ما هينقل 1-2 1-2 1-2 1-2 ..
طب العربيه عمله ايه معاك على الصحراوي؟؟ وبنزينها عامل ايه؟؟
بمناسبة العبور هوا في وكيل هناك؟؟

أنت عامل زى اللى بيسوق مانيوال طول حياته وجاب عربية اتوماتيك جديدة رجله الشمال بتلعب لوحدها مع الفرامل او اول ما يدور العربية بيحرك رجله الشمال
العيب مش فى الاتوماتيك بس مع الوقت والتعود الدنيا بتظبط

فى الاول وفى الاخر الموضوع تعود
ودا مشكلة معظم اللى جرب العربية ومش عاجبه الفتيس ساقها فترة صغيرة

لكن الناس اللى معاها العربية من فترة وبعد ما اتعودوا عليها محدش عنده مشكلة معاها الحمد لله ومنهم
اشرف ، أبو وليد ، midmight ، أحمد أبو سمرة ،ATSCHI MOSI، العبد لله

بالتوفيق ان شاء الله