الموضوع: اجيب gen 2 ولا waja

شكرا جدا يا رجالة gen 2 او ممكن برسونة شكرا لكل اللي رد

با استاذ فهد ممكن تقولي لية فضلت ال gen 2 عن ال waja

بص يا باشا لشاب هية افضل من وجهة نظرى

1- كماليات اكتر (ABS EBD 2Airbags)

2- ثبات محترم

3- شكل التابلوة روش جدا و العدادات جميلة

4- موتور بتاع شد

5- شكل شبابى جدا و جامد

6-بالسبورت باكيدج بتبقى احلى و احلى

7- مش عارف لية بحب العربية دية جدا جدا جدا جدا جدا جدا :D :D :D :D :D :D

:lol: :lol: تمام يا باشا

بص يا سيدى انا معايا الاثنين الواجا بتاعتى و الجين تو بتاعت اخويا اللى ساكن معايا فى نفس العمارة لو عاوز عربية عائلية و فخمة و برستيج يبقى الواجا و لو عاوز شبابية و شكل شبابى و قوة و برستيج شبابى يبقى الجين ? و كمالياتها اكثر بس خامات الصالون فى الواجا افخم و العربيتين حلوين بس شوف انت اللى يناسبك ايه و على فكرة الواجا بردو بتاعت شد و جرى بس المهم السواق و مهارته بس الجين ? مالهاش حل فى الجرى و الشد و الغرز و قطع الغيار متوفرة و اسعارها معقولة و التوكيل بردوا معقول هوا و مركزالصيانة المعتمد بتاع امير و جوزيف فى مدينة نصر ده كل اللى اقدر اقولهولك و ربنا يختارلك اللى فيه الخير ليك و مبروك مقدما

شكرا لاهنمامك يا ا-عبد الرحمن بس انا كدة في حيرة انا شاب و عاوز اروش و يرضة العربية دي هاخدم بيها اهلي و كدة
يعني انا عايز عربية نمشي على النظامين لو الواجا تنفع في الشد و الجري هتيقى هي لو الجين كانت اوسع سنة من ورا كنت هاخترها فأنا ليا كام سؤال هما دول اللي هايريحوني
1- الفرق في مكونات التاباوة جامدة اوي ولا اية ؟
2- الفرق في حجم العربية من جوة جامد و لا اية؟
3- الفرق في اسعار قطع غيار ؟
4- مين بييطلب قطع غيار كتير؟
5- الشد و السحب و ال جري انا عارف ان جين اجمد بس الفرق بنهم كبير يعني ؟؟
يا ريت تجوبوني على الاسئلة دية و خاصة ا-عبد الرحمن

5- الشد و السحب و ال جري انا عارف ان جين اجمد بس الفرق بنهم كبير يعني ؟؟

انا بس حقدر اجاوبك على السؤال دة

هوة الفرق من 0-100 ثانيتين لصالح الجين 2

الجين 2 من 0-100 فى 10,5 ثانية
الواجا من 0-100 فى حوالى 12,5 ثانية

و فى السرعة القصوى الجين 2 تكسب برضة

الجين 2 190
الواجا 185

طبعا الأتنين مانيوال

و على فكرة شنطة الجين 2 نفس حجم شنطة الواجا و بص رأى انك شاب و انا حاسس بيك :D لأننا زى بعض كدة :D :D و انت عاوز تروش قدام اصحابك و تبقى راكب عربية جامدة و كل الناس حتبص عليها يبقى الجين 2 و بالزات بالسبورت باكيدج جامدة مووت ما شاء الله و صوت موتور الجين 2 بيبقى جامد موووووووت و هوة على RPM عالى صوت كدة يحسسك بالقوة :)

و على فكرة الواجا مش وحشة ولا حاجة بس الجين 2 شباااااااااااابى جدا :)

و ربنا يوفقك و تختار الى يريحك و يناسبك

اة معلش و ليا سؤال كدة للأخ ابو عبد الرحمن او اى حد معاة جين 2

هوة التكييف بتاعها قوى ولا لأ و هل بيأثر على السحب ؟

و مين ثباتها احسن الواجا ولا الجين2 اصل بصراحة الأتنين لوتس داخلة فى ال Ride & handling بتاعتهم بس انهى احسن ؟

و هل حكاية ان موتورها بيخرج التورك بتاعة على RPM عالية واضح جدا قصدى مثلا ان فى القيادة العادية بيفرق جامد او مثلا فى مطلعاية جراج جامدة لازم تكون فوق ال 3 الاف RPM ؟ معلش سؤال عجيب شوية :) :D

و اهو برضة علشان الأخ احمد يستفاد

شكرا يا فهد جاوبتلي على سؤال من ال 5 فاضل 4
1- الفرق في مكونات التاباوة جامدة اوي ولا اية ؟
2- الفرق في حجم العربية من جوة جامد و لا اية؟
3- الفرق في اسعار قطع غيار ؟
4- مين بييطلب قطع غيار كتير؟
و شكرا تاني يا فهد يا فهيمني :D :D :D

العفوو يا باشا دة احنا اخوة

و هدية منى ليك

اتفرج يا باشا على الفيديو دة و صدقنى حتعجب جدا جدا جدا بالجين 2

http://media.proton.com/public/cp_gen2_full.html

بس لازم يكون عندكQuick time و يبقى عندك Dsl و صبر لأنة 70 ميجا فا حيقعد يحمل كتيييير بس الفيديو تحفة و لازم تشوفة حتى لو اضطريت تنزل سيبر :)

و اى خدمة