تحسن أداء الالنترا...

**tarekabosdera** · 12-07-2009 12:44 AM

احب اطمن اي حد اشترى عربية النترا جديدة ولسه مكملش بيها الف كيلو ...

انا اشتريت عربية النترا 2009 خليجي من شهر وعملت بيها دلوقتي 1200 كيلو .

العربية اول ما استلمتها كان السحب بتعاها ضعيف الى حد ما خصوصا مع التكييف.

بدا السحب يتحسن مع الوقت ومع كتر المسافة المقطوعة فبعد 800 كم بدا تحسن ملحوظ لحد ما عديت الالف

اكبر تحسن.

بالنسبة للتكييف انا كنت مصدوووووم جدا في الاول وكنت زعلان لان التكييف مكنش بيأثر اوي وقت الظهر بس

بعد ما قطعت الالف كيلو التكييف اتحسن بشكل جذري وبقيت بعمله على 2 وقت الظهر وبحس بالبرد.

عموما انا الحمد لله مبسوط جدا بأداء الالنترا وفعلا عربية تستحق انها تاخد المركز الاول على جميع السيارات في

فئتها لسنة 2009 في تقرير j.d power العالمي................

**M.ABDEEN** · 12-07-2009 11:36 AM

المفروض مكنتش تشغل التكييف الا بعد ال 1000 كيلو اي بعد التليين

**fahd_628** · 13-07-2009 01:55 AM

لأ لأ عادى تشغل التكييف مفيش مشاكل متخافش !

**Nile_Storm** · 13-07-2009 11:03 AM

مظبوط اخي الفاضل
و لسه كل ما هتمشي كل ماهتحس بتحسن الاداء لغايه اما توصل لافضل اداء علي 5الاف كده ده الي حصل معايا في الفيرنا

**tarekabosdera** · 13-07-2009 08:56 PM

انا قريت الدليل بالكامل ومكنش مكتوب فيه ممنوع تشغيل التكييف في فترة التليين .

بس الحمد لله انا عموما عديت اول الف كيلو على خير .........

**M.ABDEEN** · 14-07-2009 10:57 AM

يا باشا من غير قراءة كتالوج ينصح بعدم تشغيل التكييف الا بعد انهاء فترة التليين حفاظا على الموتور ولعمل تليين جيد للموتور هذا والله اعلم ......

**mido777** · 14-07-2009 11:14 AM

لسه حتحبها كمان وكمان

وح يبهرك ادئها على الطرق السريعة

الحمدلله بقالها معايا سنتين وكل يوم بقول انه كان اختيار موفق
اللهم من بعض الحاجات الصغيرة قوى اللى ممكن تحصل فى ماركة اخرى

**tarekabosdera** · 14-07-2009 04:46 PM

الحمد لله الذي وفقنا لهذا..........

**myamany75** · 15-07-2009 07:58 PM

طيب ممكن تطمنى على الباور بتعها هل هو زى ما الناس بتقول مابيفصلش ولا ده اشاعات

لان ناوى اشنريها باذن الله وخايف من الموضوع ده قوى ولما اتصلت بمبيعات غبور قلى ده اشاعه وان البور مش كهرباء بل هو زبت ؟؟؟؟
هل الكلام ده مضبزط ولا ابه

مع جزيل الشكر والاحترتم

**tarekabosdera** · 15-07-2009 10:47 PM

المشاركة الأصلية كتبت بواسطة myamany75

طيب ممكن تطمنى على الباور بتعها هل هو زى ما الناس بتقول مابيفصلش ولا ده اشاعات

لان ناوى اشنريها باذن الله وخايف من الموضوع ده قوى ولما اتصلت بمبيعات غبور قلى ده اشاعه وان البور مش كهرباء بل هو زبت ؟؟؟؟
هل الكلام ده مضبزط ولا ابه

مع جزيل الشكر والاحترتم

سيدي الفاضل متسمعش الاشااعات انا عندي العربية وعارف .

الباور بتاع العربية كهرباء متطور جدا بحيث انه بيكون سلس جدا وخفيف جدا على السرعات المنخفضة وبيبدأ يتقل تدريجيا بزيادة السرعة فمفيش اي قلق في الطرق السريعة .

انا احيانا ببقى ماشي في المحور على 120 ومش ماسك الدركسيون اصلا لانه بيكون تقيل وماسك نفسه.

توكل على الله وعمرك ما هتندم . العربية ادائها رائع واحسن من مثيلاتها في نفس الفئة .