أنا برضه بروحلهم كتير يا باشا بس خللى بالك شوية منهم عشان هما فعلاً أقل شوية من التوكيل المعتمد و عملو فصل معايا خلى العربية تسخن......لولا ستر ربنا كان الموتور ممكن يحصله حاجة.
عرض للطباعة
نفس كلام أحمد.....أنا لما بروحلهم بكون واقف فوق دماغ العامل
والله يا هاني دايهاتسو بيتصلوا
ولكن هما اتصلو بيا علشان المواعيد والحجوزات ده اللي اتعمل معايا اكتر من مره لتأكيد الميعاد او لما تغير مواعيد
اما غير كده محصلشي معايا شخصيا ومعرفش أؤكدلك هل حصل مع الغير ولا لأ بس على ما اتذكر انه حصل مع البعض
اما تويوتا فأنا اللي اعلمه انهم كانو بيتصلوا من دبي نفسها من الشركة الأم في الشرق الأوسط تسال عن اداء التوكيل والعربيه
وبعدين يا هاني انا مقولتش ان توكيل رينو وحش
انت كمان هتمشي على كلام الناس اللي انا مقولتهوش
اقرأ اول مشاركة ليا وانت تعرف اني كنت بتكلم ان دي طبيعة اي توكيل داخل مصر خصوصا ان كل اللي شغالين فيه من مصر
فاكيد هتلاقي كده وكده
فمن الممكن انك تروح مره هناك وتحس بعدها انك كنت في اسوأ مكان في العالم
والعكس ايضا بيحصل
وانا دخلت علشان اوضح الكلام ده لصاحب الموضوع علشان يفهم ان دي طبيعة في مصر
وان الكلام ممكن يبقى هنا حلو جدا فتحس منه انك هتروح هناك لازم تاخد راحتك وتتبسط
وده شئ مش شرط مش علشان هما وحشين ولكن علشان دي سنة الحياة في طباع البشر
خصوصا ان الكل قال ان السبب الضغط في الشغل والكلام ده
طيب ما اي مكان هيحصل فيه ضغط شغل يبقى هيحصل فيه كده برضه
ورجاء يا هاني انت عارف معزتك اد ايه عندي
بلاش تمشي ورا البعض اللي بيقولني كلام ويرد عليه علشان يعمله شكله من لا شئ
انا مقولتش ان التوكيل وحش ولو قولت
اقتبس كلامي اللي فيه كده
وشكرا لك
تجربتي منذ فتره قصيره جدا مع توكيل رينو العبور :
معي رينو ميجان 2007 وبعد شراء السياره بعدة أشهر فوجئت اثناء تشغيل المحرك ان السياره لا تعمل ( بدوس فرامل وstart ومافيش اي استجابه) فورا كلمت التوكيل رد عليا ان العيب في البطاريه قلتله العربيه لسه جديده قالي البطاريه بالسلامه وده عيب منهم مش مني لان البطاريه تاريخها انتهى وطلب مني اشتري بطاريه على حسابي دلوقتي وحددلي نوع معين وقالي لما تيجي الصيانه تجيب الوصل بتاع البطاريه الجديده وتجيب البطاريه القديمه هنديلك تمنها فورا قلت لنفسي ايه الناس المحترمه دي!! وطبعا دفعت فلوس زياده علشان اخد وصل من اللي باعلي البطاريه (ضريبه مبيعات)
المفاجأه............! :
لما رحت الصيانه وحكيت الموضوع خد مني الوصل وقالي خلي معاك البطاريه دلوقتي لما نشوف حنعمل ايه لانك اتاخرت اوي كان لازم تيجي على طول واستنا تليفون (طبعا ده لما قلتله اني مش من القاهره لانه كان عايزني ابقى اعدي عليه تاني)
ومرت ايام فاتصلت انا وطلبت مدير الصيانه ( زي ما قالولي علي التليفون) قال معلش مش هنقدر نديك ثمن البطاريه اصل الموضوع فات عليه كتير المهم انا اتغظت وزعقت بس مافيش فايده قال ايه كان لازم اجي في ساعتها
كل الي مزعلني اني دفعت فلوس زياده علشان اخد وصل بالبطاريه واني اتصدمت في توكيل رينو اللي (سمعت) انه (محترم)
حضرتك رحت لهم بعد كام يوم من المكالمة ؟
و المسافة بينك و بين القاهرة كام كم ؟
العربية عاملة كام كم دلوقت و بتعمل صياناتها الدورية فين ؟
إنت ليه بس مفترض حاجة أنا ما قولتهاش....أنا كل إللى عملته إنى طرحت استفسار عن أسلوب التوكيلات الأخرى فى متابعة العميل بعد الصيانة..
واضح إن مكالمات دبى دى مش دورية بعد كل صيانة...إنما بتتم كل فترة للتأكد من أداء التوكيل فى مصر بشكل عام...
و دايهاتسو ....إللى فهمته من كلامك إنهم بيتكلموا قبل الصيانة ( علشان تظبيط الميعاد )...
أنا كل إللى عاوز أوصل له بس....نفس النتيجة إللى إنت وصلت لها فى آخر مشاركة لك ... و هى إنهم بشر و قد يحدث بعض المشاكل...لكن السياسة العامة كويسة
برضه من أهدافى...نفى الفكرة بتاعت علاقات شاركى و أحمد عبد المقصود بالتوكيل و المنتدى...
إنت بتقول بما إن EIM دائما بيتكلموا بعد الصيانة على طول و إنما المرة دى ما اتكلموش غير بعد 8 أيام...إذا كانت المكالمة المتأخرة نتيجة دفعة "شاركية " أو "أحمدية" للتوكيل لتصليح الأخطاء بحق طارق عمر و أحمد مجدى علشان الموضوع ده فى المنتدى....
يا باشا...عندك دليل على الكلام ده...؟؟؟؟.....و دليل قاطع كمان.....ما هو شاركى و أحمد دول مش صهاينة علشان ننسج نظرية لتواطؤهم مع التوكيل على المنتدى و أعضائه من غير دليل غير استنتاج من خطأ ارتكبه التوكيل فى خدمة هى أصلا مستواها أعلى من باقى المنافسين ( بدل ما يتكلموا تانى يوم اتكلموا بعد 8 أيام )...
أنا برضه بأعزك يا أبو عبد الله ....بس بصراحة مش موافقك خالص فى النظرية دى ...خصوصا إنها فعلا حاجة وحشة و لا إنت شابف إنها مشكلة أوى لو حد بيخدع أعضاء المنتدى و يوهمهم إن توكيل رينو بوضع أحسن من الحقيقة و فى المقابل يحظى هو بمعاملة VIP هناك...!!!!
كلنا موافقينك على إن EIM مش قطعة من الجنة و إن العامل البشرى بينتج عنه أخطاء و كل حاجة ...فبلاش نتكلم فى EIM نفسهم تانى....
لإن فى الآخر أنا و باقى الأعضاء لا نهتم ب EIM قدر ما نهتم ببعضنا......احنا مالناش غير بعض فى مواجهة مؤسسات عملاقة أمثال التوكيلات ...سواء بقى Toyota Egypt و لا عبد اللطيف الجميل و لا EIM و لا CNA و GNA ...
و لا إيه رأيك ؟
انهارده الاحد و لسه مفيش اتصال تانى من رينو حستنى لبكره لو مفيش حد اتصل حعمل زى ما أحمد عبد المقصود قال
و ياترى يا طارق باشا اتصلوا بيك تانى و لا لسه
لا حول ولا قوة الا بالله
يا استاذ هاني الله يصلح حالك وحالي معاك
الله يرضى عليك يا اخي
متقولنيش كلام انا مقولتهوش
ايه علاقة شاركي واحمد عبدالمقصود بالموضوع دلوقتي
طيب علشان نبقى واضحين اعذرني يعني
لو حضرتك لم تأتي باقتباس بكلامي انا بما قولته انت دلوقتي
فانا هقدم تقرير للادارة بحذف هذا الكلام لن في تقويل لكلامي
انا لم اذكر احد بأسمه ولم اذكر احمد شاركي واحمد عبد المقصود انهم متواطئين والكلام ده
وبصراحه انت كده بتعملي مشكلة مع الأتنين
لأن لم اتهم احد ولما ضربت مثال ضربت باحمد لأن احمد يعرفني ومش هياخد موقف من كلامي زي الأخرين
فياريت تأتي بالقتباس بكلامي ولو مفيش
ياريت يبقى الأفضل انك تطلب من الأدارة حذف هذا الكلام
وبعدين هقولك على حاجه ما عمرو عمارة وهو مالك للكليو أكد على كلامي وقال انه موافق عليه 100 في الميه
طيب مردتش عليه ليه والأعضاء اللي ردوا على الموضوع ده مردوش ليه عليه
ياريت تقولي تفسير برضه للموضوع ده
المسألة مش مشألة توكيلات وعربيه والله
انما مسألة عدم تقبل الرأي المخالف
والناس مش قادره تتأقلم على كده بدليل ان انا لم اناقش احد في رايه ولكن الناس اللي مصممه تناقشني في رايي وما اراه
ياريت الناس تفكر بس في الموضوع ده
انا دخلت بحسن نيه علشان اهدي صاحب الموضوع
الناس حولتني لكلام تاني اخر واتهمتني اني بقول ان التوكيل وحش واني بتهم عضوين كمان باسمائهم انهم متواطئين
سبحان الله
طيب تفتكر لو كلامي مش صح ليه طلبو الأخ lion99990 بعد مرور 7 ايام على الصيانة وبعد ما كتب الموضوع هنا واتعمل عليه موضوع
ممكن تفسرلي الموضوع
ولا تستبعد ان اخونا اللي بيشتكي عن موضوع البطارية تلاقيهم هيطلبوه بعديها علشان البطارية بعد يومين ولا حاجه
حضرتك انا من المنيا و كان صعب عليا قوي اروح في وقتها يمكن معاهم حق انا بس باخد رأيكم ويمكن معاهم حق وانا ماشفتش منهم اي حاجه وحشه قبل كده خالص وكانت المعامله كويسه جدا
السلام عليكم
يا جماعه الموضوع كبر جدا و خد اكبر من حجمة فعلا !
كل التوكيلات اللى فى مصر شغالة بأساليب بيروقراطية بحتة يعنى مستحيل تلاقى موظف او عامل يشتغل من دماغة يعنى كل واحد لية وظيفة و مستحيل فلان و لا علان يجبرة يشتغل اكتر ليه على حساب واحد تانى ...
يعنى مثلا انت شغلك النهاردة تخلص 5 ملفات وزميلك قالك انا مكسل النهاردة ونبى خد خلصلى الملف ده اكيد هترفض لان ديه طبيعة الانسان نفسى ثم نفسى ثم نفسى الا اذا كان فى مقابل من تحت لتحت و ده اعتقد صعب يحصل فى توكيلات محترمة زى رينو و غيرها ... يبقى الخلاصة محدش هيشتغل اكتر من شغلة يبقى نستريح و منقولش فى ناس و ناس ...
ديه حاجة حاجة تانية كمان التوكيلات كلها لازم تلاقى فيها مشاكل و خلافات بين العملاء و العاملين و ده طبيعى فى مكان فى الدنيا بيبيع و يضمن لكن الفروق الجوهرية اللى تميز الكويس عن الوحش
1 - المعاملة المحترمة
2 - الاستجابة للعميل و المتابعة المستمرة
3 - عدم المكابرة مع العميل و لو على حق اديلة حقة
4 - شركة أم تهتم بسمعة وكيلها فى اى مكان فى العالم
أعتقد على حد تجربتى المتواضعه مع التوكيلات و ما أسمعه عنهم لو اتحققت النقاط ديه يكون توكيل ممتاز بغض النظر عن اى مشكلات فردية .
و المفروض يا جماعه منستناش الكتير قوى من توكيلات مصر يعنى مثلا ينو العبور مش رينو الشانزليزية و الموظفين و العمال مش مستوردين من فرنسا و لا المانيا افتكروا انتوا بتتعاملوا مع مصريين زيكم زيهم و انتوا اكيد عارفين المصريين بيحبوا شغلهم قد ايه ....
ده رأيى و أسف للأطالة .