على فكره كل الناس دلوقتى مبتروحش تفحص عربيات

يعنى يوم متروح تشترى عربيه وتقوله تعاله نروح نفحصها فى توكيل او شىء مشابه هيقلك بالسلامه مفيش عربيات للبيع

وانا كنت مفكر انه فعلا خايف يبان المستخبى لكن اقتنعت انه معندوش وقت وخوفه انك بعد متكشف وتمشوره تختلفوا فى السعر وتضيعله وقته ويومه وخصوصا فى السوق الجمعه

حصلت كتير معايا وفى الاخر اشتريت عربيه بكشف ميكانيكى وقلى العربيه جيده جدا والراجل راصه الف سيف انه مش رايح اماكن للفحص وقالنا عايزين تدفعوا على كدا وتفحصوها هنا اوك غير كدا مفيش عربيات للبيع

ولما اشترناها وفحصناها احنا فى مراكز فحص للاطمئنان لقينا العربيه زى الفل زى ما الراجل قال بالظبط

ففعلا لو الراجل مزرجن معاك فى امور الصيانه هات ميكانيكى شاطر وخبره قديمه من زمان يفحصلك العربيه وتوكل على الله