للحد من الحوادث، او لتخفيف اثارها برجاء استعمال فرامل اليد

**amrico** · 13-07-2009 02:03 PM

المشاركة الأصلية كتبت بواسطة jisso82

على الرغم من بساطة المعلومة زى ما قلت إلا إنها قيمة جدا و فى نفس الوقت طريقة عرضك تدل على إنك إنسان محترم و حابب إنك تنصح الناس و تفيدهم بجد.
ميرسى لحضرتك جدا

والله حضرتك احرجتني جدا وده مدح الواحد ميستحقوش
واكيد ربنا هاحاسبني لو كتمت معلومة ممكن تفيد الناس فما بالك لو الناس دول احبائي في المنتدى
المعلومة بسيطة بس مهمة جدا فعلا

**amrico** · 13-07-2009 02:33 PM

المشاركة الأصلية كتبت بواسطة mohamedezat

انا لما اكون واقف اخر واحد باكون متعمد انى مارفعش فرامل اليد خوفا من التصادم بحيس ان لو العربيه لقدر الله اتصدمت ماخدوش الخبطه كلها عموما باكون واقف امامى مسافه كافيه ومره حصلت معايا وبعد ماخبطنى العربيه مشيت معاه وقدرت اقف قبل ما اصدم الامامى
بعكس لو الفرامل مرفوعه هاخد رزعه تمام التمام
والفكره دى اخذتها من واحد صاحبى لما دخل فى عربيه راكنه وكانت مموره العربيه المركونه مشيت ولا جرالها الهوى وعربية صاحبى اتدمرت تماما

متتصورش حضرتك سعادتي بمشاركتك لأنك فتحتلي موضوع جامد للمناقشة مع المسؤول عن الأمان الصناعي والقيادة الوقائية في الشركة وطرحت عليه وجهة نظر حضرتك (مع التنويه انها لصديق ليا طبعا) قالي انه مبسوط ان صاحبي بيفكر بالطريقة دي ودا يدل على حس وقائي في التفكير لتلافي الحوادث، بس الراجل نبهني لنقطتين
اولا: انك مش دايما هاتكون ضامن انك اخر واحد في الشارع والراجل قاللي لاحظ ان صاحبك في مصر (الراجل ليه ذكريات اليمة في السواقة في مصر ) ممكن اي واحد يطلعله من شارع جانبي، ممكن واحد يكسر إشارة ويطلعلك فجأة، وبالتالي بتطلع هنا نقطة متعرضناش ليها وهي المسافة الآمنة اللي بينك وبين اللي قدامك اللي انشاء الله (بعد إذنكم) هانتعرض ليها في موضوع تاني

ثانيا: ممكن اللي يخبطك من قدام يزقك على ورا على مدخل شارع جانبي
او على إشارة مفتوحة وراك

المهم الراجل برضه بينصح بفرامل اليد حتى لو كنت اخر واحد في الشارع

بس مأقنعنيش بسهولة على فكرة

وشكرا على المرور والمشاركة الجميلة

**amrico** · 13-07-2009 02:36 PM

المشاركة الأصلية كتبت بواسطة ahmedsamir79

معلومات قيمه الف شكر

العفو

المشاركة الأصلية كتبت بواسطة kloda

معلومة قيمة جدا
شكرا بشمهندس امير

اسمي عمرو مش أمير
وشكرا على المرور يا حبيب قلبي

المشاركة الأصلية كتبت بواسطة ahmedhilmy

انا شايف ان وجهة نظر الاستاذ محمد هي الاصح في هذه النقطة

شكرا على المرور

المشاركة الأصلية كتبت بواسطة yasserwin

وانا أيضا ً بس تحتاج سرعة

شكرا على المرور

**أبو إياد** · 13-07-2009 02:53 PM

بص يا استاذ عمرو
خلينا نتفق على مبدأ واحد وهو الايمان بالقدر

حصل لاصحابى حوادث بشعه جدااااااا علشان كده يمكن انا من النوع القلوق جدا وباخد حذرى بطريقه بشعه بدون اللى معايا ماياخد باله او يحس بالكلام ده

فمثلا فعلا انا لو واقف اخر واحد فعلا عينى مش بتنزل من على مرايات العربيه الا لما الطريق ورايا يتملى

تلاته اصحابى راجعين من الساحل طريق العلمين ركنوا العربيه على جانب الطريق ونزل اتنين منهم يعملوا اللى يعملوا ماعلينا
قدر الله وماشاء فعل ان عربيه تريلا شالت العربيه واتدمرت واللى كان فيها مات فورا

دى مثلا علمتنى انى استحاله اقف فى اماكن خطره

صديق اخر كان على المحور هو وزوجته وبيتخطى ونش فوجىء بالونش راكب فوق العربيه وتوفت زوجته وابنه اللى ماشافش النور

وباردوا مجموعه من اصحابى بيجروا بعربيه فيرنا رايحين اسكندريه والعربيه اتقلبت حوالى 5 قلبات بس بستر الله انهم بخير والحمد لله وفى 1000 داهيه العربيه

كل الكلام ده علمنى ان القياده فى مصر هى انك تسوق وتتفادى اخطاء الغير وتخلى عينك فى وسط راسك وربنا يارب يسترها عل الجميع

**M.Osman** · 13-07-2009 08:07 PM

اول مرة اخد بالي من اهمية الموضوع دا ...

متشكر جدا لحضرتك :)

**amrico** · 14-07-2009 12:45 PM

المشاركة الأصلية كتبت بواسطة successcre8or

اول مرة اخد بالي من اهمية الموضوع دا ...

متشكر جدا لحضرتك :)

العفو يا باشا المهم التطبيق وتقول الموضوع ده لكل اللي تعرفه

**SAMEH_FOUAD** · 14-07-2009 07:11 PM

الواحد لو خد الخبطة وهو رافع فرامل يد او دايس فرامل بتبقى قوة ضررها اكتر من اللى واخد الخبطة وسايب العربية ممورة , فالعربية بتجرى مع الخبطة ومش بتتأثر جامد ,يعنى ممكن تجيلك بس فى الاكصدام ,وحل النقطة دية انك ماتلزقش فى العربية اللى قدامك وتسيب مسافة كافية لائما عينك على المراية وتشوف اللى جاى من وراك وتحاول تدوس على بدال الفرامل متقطع وبعد كدة تعلق رجلك عليها عشان تعرفة ان الطريق واقف ,وربنا يسترها معانا

**karmoty** · 14-07-2009 08:22 PM

جزاك الله خير يا اخ اميركو لاني عن نفسي اول مرة اعرف المعلومة دي الف الف شكر على المجهود الرائع وشكرا للاعضاء على زيادة المعلومات
سلام عليكم

-

-

الموضوع: للحد من الحوادث، او لتخفيف اثارها برجاء استعمال فرامل اليد

LinkBack

أدوات الموضوع

عرض

-

-

-

-

المواضيع المتشابهه

عصا فرامل اليد

فرامل الرجل ( فرامل اليد ) ضعفت قوى ... اعمل ايه

فرامل اليد

نظام "فرامل" جديد للحد من الحوادث في 2010

أفكار ومقترحات وملاحظات للحد من الحوادث في مصر

الكلمات الدلالية لهذا الموضوع

المفضلات

المفضلات

ضوابط المشاركة