الموضوع: تقييمك لحملة الصيانة المجانية

كنت حاجز يوم 5/7 وكنت اجازه فى اليوم ده علشان اروح الصيانه وعرفت متاخر ان الوفد جاى يوم 8/7
المهم روحت علشان اليوم كده كده رايح .. وكنت عامل صيانه الــ 10000 من اسبوع بس كنت عاوز اطمن على الاتى:

1- فى صيانه العشره الاف قالولى ان فى رعشه فى بدال الفرامل والدسكات عايزه تتغير .. مع انى مش حاسس بيها وشايف انها عادي ولما طلبت تغييرها ساعتها المهندس (اسمه) ممكن تعملها فى الصيانه المجانيه الاسبوع الجاى
2- عاوز حل للاتربه وجوانات الابواب اللى بتدخل تراب ومش مخليا العربي تكمل اسبوع نظيفه وطبعا مااتعملتش فى صيانه الـ 10
3- اطمن على العربيه انها بخير وتمام

المهندس سيد وهو بيستلم منى العربيه قلتله على موضوع الدسكات تتعمل مع الصيانه المجانيه
ويا سلام على الرد: ما ينفعش نعمل الاثنين مع بعض اختار يا صيانه يا دسكات علشان الاوردر مش حينفع؟
قولتله اعمل اوردرين .. قال ما ينفعش

المهم فضلت مستنى لغايه ما كشفو على العربيه وجربوها وخلتهم يتاكدو تانى من انها عاوزه دسكات فعلا من عدمه
الحمد لله طلعت العربيه بخير وما فيش مشاكل يعنى كل الباقى تمام

حاولت بكل الطرق انى اغير الدسكات وجبتلهم المهندس اللى قاللى ممكن تتغير مع الصيانه وكلمت يمكن كل المهندسن اللى هناك وكان ناقص اخش اغيرهم انا (دى تانى زياره خلال عشره ايام) .. وكل ده من غير مشاكل وبالذوق لان كان ردهم ان الورشه زحمه وعاوزين يخلصوا العربيات الموجوده الاول
الاستاذه داليا ادخلت وقالت للمهندس سيد يتغيروا بطريقه شبه محترفه ودخلت للمهندس امر وخرجت ... وحاولت تاخذ منى اى ميعاد تانى .. بس خلاص كنت قفلت وقولتها حبقى اتصل واخذ ميعاد تانى .. ومرضتش اكلم م/ أمر لانى احترمت نفسى احسن

انا اديت صوتى لــ "مقبول" لان هو ده كان اخرهم بصراحه

الشئ الايجابى بقى فى اليوم ده .. معلش طولت عليكوا

1- وانا قاعد بتكلم مع م/ سيد خرج واحد من عند م/ امر وكان فيه مشكله كده فسالته؟؟ قاللى العربيه لسه جديده وكان فيه صوت فى الموتور من فتره ولما خلصت واتعملت فى التوكيل وسالت قالولى اتعملها عمره ورجعت انهارده علشان يغيروا الموتور بواحد جديد والمهندس امر وافق على التغيير وكان اللى منفذ الكلام ده م/ سيد وكان زعلان شوييتن من الموقف ده .. (بيرسونا)

واسف على الاطاله والتاخير لانى مش بلاقى وقت للمشاركه ولو لاقيت بيكون النت فاصل

تقبلوا تحياتى

الاخ / احمد صيام
اظن مش معقول تغيير الزيت والفلتر وتيل الفرامل ياخد 2.4 ساعه
اظن دا كتييير قوي
مع خالص تحياتي
ساري ربيع [img]file:///c:/docume%7e1/ahmeds%7e1/locals%7e1/temp/moz-screenshot.png[/img]

خد بالك من حاجة
انت دلوقتى غيرت زيت وفلتر ماكملتش ساعة بس اتحسبت
غيرت تيل فرامل و هتلاقيها برضه اتحسبت ساعة كاملة
و بعد كده فى تربيط عفشة و كشف على العربية ( الصيانة العادية ) هتلاقيها برضه اتحسبت جزء من الساعة

انا معاك ان طريقة الحساب ممكن يكون مبالغ فيها بس للاسف كل صيانات التوكيلات بالارقام دى

شكرا لكل من ساهم برده فى هذا الموضوع

و فى انتظار المزيد من المشاركات

المشاركة الأصلية كتبت بواسطة tweety26980

انا بأكد على اهمال الفنيين داخل الورشه

اه والله
وابقى احكيلكم بعدين لاني لسه جاي من السفر


تحياتي

ايه اللي حصل.. احكيلنا ..

بصوا ياشباب انتو تاعبين نفسكم والموضوع بسيط جدا

اذا كان التوكيل مفلحش فى ابو فلوس تفتكرو هيفلح فى ابو بلاش