جهد وشرح رائع يا سمير باشا السهل الممتنع
جهد وشرح رائع يا سمير باشا السهل الممتنع
بارك الله فيك استاذ سمير فى المعلومات القيمة
الله يخليك يا أستاذ : خالد
فى الحقيقه حدث لبس بعض الشىء فى مكان حساس الحراره بتاع وحدة التحكم فى العربيات الانوس .....وتبين من النقاش مع أخونا : محمد بأن الحساس بتاع وحدة التحكم (على رأس السلندر تحت البوبينا .....) ولكن حساس العداد أوراسل الحراره أو سندر الحراره (كله زى بعضه فى المعنى طبعا ) هو اللى على المانيفولد ............أصل أخوكم برضه ممعاهوش لانوس .....ولازم تفوت عليه حاجات ........أما فى النوبيرا ....وأعتقد المكن 1500 برضه أبو كامتين ....حساس وحدة التحكم وحساس (راسل ) الحراره بتاع العداد ....راكبين فعلا على رأس السلندر من الخلف تحت المانيفولد بس مكانهم رخم فعلا .....أولا لأن مفيش حاجه تحت البوبينا عندنا فى النوبيرا ......دا غير أن الرسم الهندسى للمحرك الdohc مبينهم جنب بعضاقتباس:
بينما فى الانوس فأن الحساس يوجد على المانيفولد نفسه بالقرب من جسم الخانق ......
ليه بقه بيحطوا رواسل الحراره الخاصه بالعدادات عامة على مانيفولد الهواء ومش على رأس السلندر بحيث تلامس الميه وهى سخنه .بحيث يبقى فيه أتصال مباشر بين قرن أستشعار الحساس والميه اللى المفروض حيقيس حرارتها.....مش عارف للأسف.........فأحتمال بيعملوا الحركه دى بحيث يقيسوا حرارة جسم المكنه نفسها لما بتسخن والمفروض بتكون حرارتها قريبه من حرارة الميه برضهاقتباس:
ولكن حساس العداد أوراسل الحراره أو سندر الحراره (كله زى بعضه فى المعنى طبعا ) هو اللى على المانيفولد
طيب سؤال يا باشمهندس سمير ... كتر تشغبل التكييف ما في الصيف ما بيأثرش على أداء والعمر الافتراضي للموتور على المدى البعيد ؟
التكييف بيعتبر حمل أضافى على المكنه
لأن الكمبروسور بياخد جزء من قدرة المكنه
ومعمول حسابه فى عملية التحكم ...ولا توجد مشكله نهائيا
دا غير أنه معروف هندسيا
لما يكون عندك آله معينه ( زى مكنة العربيه ) وبطلع قدره (ميكانيكيه فى حالتنا دى )
وعلى طول مفوقها ....بأخد أحمال منها
ماهى عماله تنتج .....يعنى فيه خرج طالع منها
وكل ماناخد منها .....كل ماكان أفضل لها
من جميع الجوانب الفنيه
بلاش كده ....وحقولك على حاجه بسيطه
أيهما أفضل تشغيل المحرك كتير على السلانسيه ولا الواحد يخلص على طول ويمشى بالعربيه ...بمجرد وصول حرارة المكنه الى الوضع الطبيعى
علشان لما تتحرك بالعربيه ....ومتسيبهاش على السلانسيه كتير ( يعنى بتاخد منها حمل )
ده بيفوق المكنه .....وميخليهاش تليس
وبرضه ليه بنقول
لازم على طول الواحد يعمل مشوار محترم كل فتره على طريق سريع
نفس الوضع ....لتفويق المكنه
علشان كده من وجهة نظرى ....أن التكييف تشغيله
يفيد ................ولا يضر المكنه بشكل عام
[b]باشمهندس سمير
كل سنة وانت طيب وممكن اعرف كل اد ايه اعمل مشوار افوق المكنة
[/b]
وأنت طيب يا أستاذ : أحمد
المشوار بتاع التفويق ده بيبقى حسب ظروفك
بالنسبه لى على الأقل بأعمل 500 كم على طريق طنطا / الأسماعيليه
شهريا .........
منها لزياره الأهل بالغربيه .....ومنها لتفويق السياره
يعنى اللى بيحكمك ظروفك برضه .....بس طبعا الواحد ميسبش العربيه
من 6 شهور الى سنه .....بدون مشاوير طويله
لأن ده بيخللى المكنه والشكمان ( يحوشوا كربون )
وده طبعا بيعجز المكنه بدرى ....داغير سدد الشكمان
أولا .. كل سنة و انت طيب ياباشمهندس سمير و شكرا علي المعلومات الجميلة و المبسطة دي
ثانيا .. ايضاح بسيط للأخوة الكرام و هو أن درجات الحرارة المرتفعة تلك (90 درجة مئوية و 112 درجة مئوية) تحدث في دائرة تبريد مغلقة , أي أن الضغط اعلي من الضغط الجوي ففي الوقت الذي تغلي فيه المياه عند 90 درجة مئوية في الضغط الجوي فأنها تغلي عند درجة حرارة أعلي من ذلك في الضغوط المرتفعة لذا تتميز المحركات الحديثة بأرتفاع درجة حرارة التشغيل التي قد تصل ببعض الانواع الي مافوق ال 100 درجة مئوية وفق نظام تصميم دائرة التبريد بها
معلومة جميلة جداااااااااااااااقتباس:
أولا .. كل سنة و انت طيب ياباشمهندس سمير و شكرا علي المعلومات الجميلة و المبسطة دي
ثانيا .. ايضاح بسيط للأخوة الكرام و هو أن درجات الحرارة المرتفعة تلك (90 درجة مئوية و 112 درجة مئوية) تحدث في دائرة تبريد مغلقة , أي أن الضغط اعلي من الضغط الجوي ففي الوقت الذي تغلي فيه المياه عند 90 درجة مئوية في الضغط الجوي فأنها تغلي عند درجة حرارة أعلي من ذلك في الضغوط المرتفعة لذا تتميز المحركات الحديثة بأرتفاع درجة حرارة التشغيل التي قد تصل ببعض الانواع الي مافوق ال 100 درجة مئوية وفق نظام تصميم دائرة التبريد بها
__________________