تسلم ايدك يا باشمهندس على هذه المعلومات القيمة
تسلم ايدك يا باشمهندس على هذه المعلومات القيمة
الله يخليك يا أستاذ : محمود
طيب وايه نظام طلمبه الميه ... ايه وظيفتها بالظبت
- الطلمبه دى آله ميكانيكيه لتحويل اللشغل الميكانيكى الحادث على عمودها الى طاقه هيدروليكيه
يعنى أيه برضه
بتاخد الميه من جهة السحب بضغط ضعيف ....وبتروح مديه الميه دى طاقه حركه وتحوله الى سائل ( ميه يعنى ) بضغط عالى ....
بحيث الميه تقدر تلف بقوه جوه المكنه وراس السلندر
- فى محركات السيارات الطلمبه بتكون من النوع ذو الطرد المركزى ( رفاصها نحاس شبه المروحه ) ومن الممكن أن يكون الرفاص من الألومنيوم ( حسب التصميم ) بس الغالب هو النحاسى
- الطلمبه بتاخد الميه من الجانب البارد للردياتير وتضخه جوه المكنه علشان الميه تشيل شوية حراره
وتبرد المكنه شويه ....
- يعنى دورة الميه أتجاهها كالآتى
الردياتيربعد تبريد الميه - الطلمبه - البلوك ورأس السلندر - الردياتير تانى لتبريد الميه
وأدى شكل لسريان الميه داخل محرك بردياتير ( ذو خزانين علوى وسفلى والمواسير بينهما فى وضع رأسى )http://i728.photobucket.com/albums/w...lan_Om1YVn.jpgاقتباس:
العلوى ساخن والسفلى بارد
عندنا بأه الردياتير ليه خزانين ( يمين وشمال والمواسير بينهما فى وضع أفقى )
الخزان الشمال ( ساخن ) .............الخزان اليمين (بارد ) وأنت فاتح الكبوت وواقف أمام الردياتير
جزاك الله خيرا على هذه المعلومات القيمة
يا خبيرنا المصرى للسيارت سمير باشا
اذا عجبك يا سمير باشا
تنسيق التوقيع الخاص بك بالخط الجديد له وتوسيطه فى المنتدى
مجرد كوبى له فقط فى التوقيع
مع خالص تحيات ( أبو أحمد )
مهندس / سمير عياد
http://www.nilemotors.net/Nile/signa...pic19543_2.gif
طيب شوف الأقتباس ده
لسه قايله لزميل فى الورشه أمبارح
أعتقد حتلاقى فيه أجابه لسؤالك
اقتباس:
أعراض تلف طلمبة مياه تبريد أى محرك
1- تسريب ماء تحت منطقة حافظة سير الكاتينه بسبب تلف الميكانيكال سيل بتاع الطلمبه
2- حدوث خشونه فى الصوت عند منطقة الكاتينه بيستلزم الكشف على مكونات تشغيل سير الكاتينه
زى طلمبة الميه وبكرة الشداد وهكذا ( حسب تصميم المحرك )
طبعا أحنا فى بعض المحركات وأن لم يكن معظمها زى ( عائلة الدايو )
ليه بنقول نغير طلمبية الميه كل 80 ألف
ده بيتم كل غيارين لسير الكاتينه ( لأننا بنغير السير فى الدايو كل 40 ألف )
فبنقول بالمره مع الغيار التانى
نغير طلمبة الميه بالمره وأحنا فاتحين شغل فى منطقة الكاتينه
علشان مش معقول حغير السير فى المره التانيه على 80 ألف
وأبص ألاقى الطلمبه جابت ميه من الميكانيكال سيل بعد 90 ألف مثلا
ما أنا كنت بغير السير ....طيب ليه مغيرش الطلمبه بالمره كل 80 ألف كجانب وقائى
دا غير أنها لو عملتها والبلى باظ ....فدى مشكله كبيره
وممكن تقطع السير اللى أنا لسه مغيره من 10 ألاف مثلا
طبعا فى الأحوال دى ....بيبقى أيه الصح
الوقايه خير من العلاج
ومننساش أن تشغيل الطلمبه على ميه عاديه فى دورة التبريد
بيأثر على عمر الطلمبه برضه
__________________