لا بجد موضوع رائع ونبهنا لحاجات كتير ..
تصور انا بقالي في مصــر 7 سنين وعمري مارحت الاهرامات ولا اي معلم سياحي ... فقط بمر عليها مرور الكرام من بره كده انما عمري مادخلت اي منطقة سياحية في مصر
عرض للطباعة
لا بجد موضوع رائع ونبهنا لحاجات كتير ..
تصور انا بقالي في مصــر 7 سنين وعمري مارحت الاهرامات ولا اي معلم سياحي ... فقط بمر عليها مرور الكرام من بره كده انما عمري مادخلت اي منطقة سياحية في مصر
كويس انك حذرت
انا كنت ناوي آخد الأولاد وأروح الهرم
كدة هاخدها من قاصرها وأروح سيتي ستارز أكرم لي
:)
يا جماعه مصر وصلت الي حاله مزرية من العشوائية ودا بسبب قله موارد المواطن داخل الدولة وعدم الاهتمام بالفرد او الجماعه يعني البلد رايحه في داهيه
دى مسخرة وفى الاعياد المصرببن ممنوعين طيب لية دة عيدهم ولا عيد الاجانب
ههههههههههههههههههههههههه هههههههههههههههههههههه
وانا حصلت معايا موضوع قريب من كدة بس اخدنا حقنا
اخر مرة رحت فيها كان مع واحد صاحبى ودخلنا وياسلام على الناس الى حوالينا (تامر حسنى وسط معجبينة) لا قصدى انا وصاحبى وسط الناس بتوع الخيول
وكل واحد يقول سعر لحد ما كان فية ناس عرب داخلين طبعا المعجبين مشيوا وراهم
ودبسوهم
بجد حرام الى بيحصل دة
ولازم فى المناطق الاثرية دى يكون فية مكتب بيحصل رسوم الخيل وبيشرف عليها( يعنى خيول الحكومة)
وبعد ما تاخد تذكرتك (الى بسعر محدد) تروح وتاخد لفتك
وعلى حسب وقتك الى انت حجزتة
كدة هاننظم الموضوع دة وجبنا دخل زيادة وعائد كبير جدا كل يوم (قصدى كل ساعة)
(اية رايكم فى الفكرة دى ههههههههينفع اشتغل فى وزارة الاموال العامة)
انت اول مرة تروح الاهرامات ولا ايه يا موتو ؟؟
الكلام ده كله من زمان جدا ولا يمكن علشان انا بروح الهرم كتير !!
يا جماعة السياح مش مغفلين زى ما انتم فاكرين كدا , اخر مرة كنت هناك رحت اشترى مياه و كانت الزجاجة ب 4 جنيه !!
و انا بشترى لاقيت اجنبي واقف جمبي و بيفاصل فى تمن البيبسي ! تخيلوا .؟؟
قلت بقي انا المصري بيضحك عليا و الاجنبي بيفاصل و فعلا اخد البيبسي بثمن ارخص .!
ده غير ان فى اماكن هناك ممنوع للمصريين انهم يدخلوها او يطلعوها , انا اصلا بحب التصوير جدا , وانا بتمشي قرب الهرم الصغير قلت اتصلقه و اطلع اتصور فوق و الكلام ده من فترة طويلة .
لاقيت عساكر و ناس و ليلة فى وشي و كله بيقولى ممنوووووع ممنووووووع و كان ناقص يضربوا عليا نار كمان .
بعدها بدقيقة لاقيت ناس اجانب شافونى و انا بتكلم مع الناس و عجبتهم الفكرة انهم يطلعوا يتصوروا , يا دوب لفيت ظهرى و لاقيت العساكر بيطلعوا الاجانب على قمة الهرم !
دماغى قفلت بقي انى اطلع انا كمان و اللى يحصل يحصل , فعرضت على العساكر فلوس مرضيوش فسالتهم طب ليه يعنى بتعملوا كدا ! مش بلدنا دى يعنى ولا ايه ؟؟ محدش نطق .
بالصدفة الرجل و زوجته اللى كانوا بيتصوروا فوق شافونى و انا ماشي و لاقيتهم بينادوا عليا و صمموا انى اطلع اتصور فوق معاهم و قالوا للناس لو مطلعش فوق هننزل احنا !
بقيت واقف بضرب كف على كف و مش مصدق اللى عينى شايفاه :O_stupid[1]: ..
الناس دول كانوا من اسبانيا و بيتكلموا انجلش مكسر و مصدقوش ان سبب رفض الناس اننا نطلع فوق اننا مصريين !!
في الأقصر كان الحقيقة النظام أحسن شوية يا أستاذ توت رغم إن برضه المكان كان ملغم بالناس اللي عايزة تنط في جيب الواحد بأي طريقة .
بس كان فيه منظر أكثر حزناَ بجد .. أرضية المعبد بالكامل يا جماعة مغطاة تحت قشر اللب !! الزوار في منتهي الإهمال و كأنها زيارة للقناطر (مع إن المفروض النضافة في أي مكان) .. و الأجانب أبص عليهم ألاقيهم منبهرين و قاعدين يصوروا في الأثار .. أما المصريين فا بيصوروا "نفسهم" مع الأثار .. تلاقي واحد واقف جنب تمثال "حور" و عامله قرنين و مبتسم للصورة .. أو عيل صغير متشعلق في رقبة تمثال .. ده غير طبعاَ "شعبان سيكا 27-6-2002 للذكري الخالدة" و الحاجات اللي زي كدة محفورة علي أثارنا اللي بيجيلها ناس مخصوص من كل حتة في العالم و يقدرها العالم كله إلا إحنا !
ههههههههههههههههاقتباس:
"شعبان سيكا 27-6-2002 للذكري الخالدة"
ههههههههههههههه
شعبان ده على فكره معلم على مصر كلها
بصراحة موضوعك شيق يا محمود..
و بيدل على كل حتة في البلد ..
عايز تنجز الورق يا أستاذ؟
طب ما تكرمنا .. طب ما تفتكرنا ...
في كل حاجة لازم الكلمتين دول ...
حاجة تزهق!
لأ و كمان عند الآثار...!!!!
فعلاً شر البلية ما يضحك
أنا آخر مرة روحت الأهرامات كانت من كام سنة و كانت في العيد
و أول ما وصلنا الطريق بتاع الأهرامات قالولنا ممنوع الدخول للمصريين في الأعياد
و من ساعتها و انا مش عايز أروح هناك خالص
و لو رحت يعني هشوف إيه ...جمال المكان ملوث بريحة الأحصنة و الجمال اللي هناك ... غير كل واحد يطلعلك عايز منك فلوس و خلاص على كلام فاضي
لكن أما روحت الأقصر و أسوان من سنتين كانت جميلة جداً ....باستثناء الباعة اللي على مداخل المتاحف و الحدائق هناك
والله يا موتو أما كنت في أحد معابد الأقصر ، كانت بنت خالتي عايزة تتصور زي إنت ما بتوصف و أول ما سندت على عمود هناك
سمعت شرشرحة بالانجليزي لبنت خالتي .....لقيت ست أجنبية بتزعقلها و شتمتها( أكن أبوها هو اللي بنى المعبد) إن هي مش بتحافظ على الأثار