| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي قالك سياحة داخلية!! غطيني يا أم خوفو و صوتي!! - Facebook Twitter whatsapp انشر الموضوع فى :

    hasad">

    و الله لو كانوا الفراعنة يعرفوا اللي بيحصل في الأهرامات دلوقت ما كانوا بنوها وكان خوفو ضرب أي حاجة و مات overdose وريح نفسه، المفروض أن تكون زيارة الهرم جميلة و سلسة فمنها زيارة لأجدادك و منها تنشيط لسياحة بلدك الداخلية و واجب وطني بدلاَ من الذهاب لأماكن يذهب ربحها لمؤسسات أجنبية .. ولكن ليه تنبسط لو ممكن نطلع عينيك !؟ .. أول حاجة بمجرد ما تعدل نفسك من الرماية علي دخلة الأهرامات .. سيفاجأك أشخاص إنتحاريون يعملون في مجال الخيل و التنظيم الخاص لزيارة الهرم لن يتوانوا عن إنهم يعملوا أي حاجة عشان يوقفوك .. أول خدعة سيوهموك إنهم تبع إدارة الهرم و يقولولك "تذااااكر تذاكر".. تاني خدعة هيقولك "ركنة الملاكي هنا خش خش" في إشارة لمدخل الإسطبل بتاعه و طبعاَ لو أول مرة تروح و متعرفش و دخلت فاكر إن ده الجراج يا ويلك يا سواد ليلك !! اما إذا إنت ناصح و عرفت تفلت من أول خدعتين هيقف قدام العربية و يرمي نفسه و لن يفلح معه غير إنك تخبطه بالعربية بالمعني الحرفي للكلمة عشان يبعد ! دخلنا الهرم وعدينا البوابة الحمد لله و وقفنا في نقطة التفتيش ... دي إجراءات أمن و مفيهاش حاجة بس ليه نظرة حرامي الغسيل اللي بينظرها أفراد الشرطة !؟ لماذا لا يتم التعامل معك كمواطن شريف رايح يتفرج علي أثار بلده .. فللوهلة الأولي أشعرني الشخص اللي وقفني إني متبلغ عني إني مهرب سلاح ولا حاجة! المهم تم تفتيش العربية و ركنت و قطعنا التذاكر و كله تمام .. و إحنا عالباب .. إيه ده ستاند كاميرا ؟ ده له تذكرة !! قلتله الكاميرا نفسها ملهاش تذكرة .. و الحامل له تذكرة !!؟؟ قاللي أيوة يا أستاذ .. بعشرين جنيه .. قلت طيب ماشي قاللي بس يعني لو قدرتنا ممكن نعمل معاك واجب! .. رحت قطعت تذكرة أكرملي .. دخلت .. و انا بعدي من بوابة كشف المعادن .. طلعت الموبايل و المفاتيح و الذي منه .. و كان معاهم كام جنيه معدن .. بمجرد ما حطيتهم برة الجهاز موظف الأمن حط إيده عليهم و قاللي "إيه يا باشا مفيش حاجة علينا كدة ؟؟" .. فمديت إيدي أخد فلوسي و لقيته إحتجز إتنين جنيه بصوابعه و بيقول "طب يعني صبح علينا!" و المرة دي سبتهم و مشيت مش إستسلام و لكن من هول الصدمة و انا مش مصدق اللي بيحصل أكني داخل وكر أبو دومة مش الأهرامات! أول ما حطيت رجلي عالرملة و دخلت لقيت واحد لابس جلابية و عمة و ماسك حصان بيقولي "الباشا مصري! والله حبايب قلبنا و ولاد بلدنا ... الركوبة من هنا لحد أبو الهول و البانوراما بمية جنيه بس عشان خاطرك ب 80 جنيه و عشان إنت إبن بلدنا هحسبهالك ب 60 مع إن والله ما بطلع الفرسة دي بأقل من 50 لأي حد!" لسة هقوله مش عايز حصاا ... قاللي يا أستاذ ده عشان خاطرك و الله هو انا ليا بركة إلا إنت؟! هات 35 جنيه وحلال عليك الرحلة .. المهم أخد خمسة و عشرين جنيه و أكدلي إن السعر ده معزة شخصية منه ليا بسبب أخلاقي و ذوقي ذائعي الصيت! من خلال بحثي علي النت في جغرافيا المكان عرفت إن كان فيه مقبرة معينة لأحدي الملكات و ممكن تنزلها .. فقلتله وديني المقبرة اللي عند إستراحة الملك .. قاللي مفيش مقبرة هنا .. مفيش إلا مراكب الشمس في الحتة دي و إستراحة ال.... قلتله يا عم إزاي مفيش مقبرة .. قاللي يا باشا مفيش انا مش عارف إنت بتتكلم عن إيه .. المهم قفشت وقلتله يا توديني يا هات فلوسي وأمشي .. أتاري إيه بقي؟ البهوات بتوع الأحصنة هناك مقسمين الهرم مناطق .. كل واحد له منطقة يشتغل فيها ولا يتعدي علي منطقة غيره .. لذلك لو أثار موجودة خارج المربع بتاعه فذلك يلغي وجودها من الأساس! مفيش أثار موجودة غير في المنطقة بتاعته غير كدة الفراعنة معملوش حاجة ! رحنا عند المقبرة .. حبيت أدخلها .. البيه اللي واقف عالباب شاورلي علي لوحة "ممنوع دخول الكاميرات" بإبتسامة من الودن للودن .. و قاللي بس عشان إنت إبن بلدنا هنسيبك يا عم تصور اللي إنت عايزه بس "قدرنا" برضه! كأني داخل أصور مقبرة خالته مثلاَ ..كملت الجولة وتوقفت في النهاية عند "أفا" أبو الهول بالحصان بعدما سمعت صوت بيقول "قدها و قدود يا بطل هتقدر عليها أيوة يا سلطان إطلع!" في محاولة منه لتحفيز حماره المسكين في مطلع رملي مخليه يطلع في الروح .. و ما أن وصل إلينا قام مطلع إزازتين بيبسي معرفش منين و نبهني إن حماره "سلطان الغرام" بعافية شوية اليومين إنما العادي بتاعه بياخد المطلع ده عالرابع ! المنظر من عند أفا أبو الهول يجعلك تري ما يراه أبو الهول .. و هو منظر للقاهرة بزحامها وعشوائياتها و كركبتها وعدم تناسق مبانيها .. للأسف قعدة أبو الهول مش مطلة علي أي حاجة كويسة في القاهرة ! لذلك أتساءل لو كان يعلم منذ ثلاثة ألاف عام إنه بدل من أن يطل علي الأهرامات فقط ليحرسها فسيطل معها علي العشوائيات و الفوضي وإنعدام الجمال و الذوق و سيكون الدخول إليه بهذا النظام .. تفتكروا كان وافق علي شغلانة حارس الأهرامات دي!؟ أشك ! وقالك سياحة داخلية!


    Leadership is based on inspiration, not domination


  2. #2

    الصورة الرمزية mramzy

    رقم العضوية : 15875

    تاريخ التسجيل : 06Aug2008

    المشاركات : 1,196

    النوع : ذكر

    الاقامة : cairo - helipoiles

    السيارة: noune

    السيارة[2]: اسبرانزا 516

    الحالة : mramzy غير متواجد حالياً

    افتراضي -

    ارخض واجدع واكرم انك تسافر بره
    ياراجل دا انت بتصيف فى اسكندريه او الساحل اغلى من انك تروح تركيا بالطياره
    او شوف عروض ركات السياحه السفر بالاقامه بالطياره بكام
    وشف عندنا الساحه الداخليه كام
    اللى بتدفعه فى ليله او 2 فى شرم يسفروك لبنان اسبوع


  3. #3

    الصورة الرمزية EslaM_NagY

    رقم العضوية : 13619

    تاريخ التسجيل : 26Jun2008

    المشاركات : 2,709

    النوع : ذكر

    الاقامة : Nasr City

    السيارة: Verna 2014 AT

    السيارة[2]: Verna 1.6 2007

    الحالة : EslaM_NagY غير متواجد حالياً

    افتراضي -

    شر البلية ما يضحك

    انا فطسان من الضحك - بقى هى دى مصر !!!!!!!!!!!!

    سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم


  4. #4

    الصورة الرمزية ehabbasha30

    رقم العضوية : 17535

    تاريخ التسجيل : 30Aug2008

    المشاركات : 1,584

    النوع : ذكر

    الاقامة : mansurah

    السيارة: بدور

    السيارة[2]: كتير اوى - ولسة ان شاء الله

    الحالة : ehabbasha30 غير متواجد حالياً

    افتراضي -

    دى سياسة عليا
    عشان اللى يروح مرة ميروحش تانى
    والبلد تفضى للاجانب دة اذا كان فية اجانب


    اكثروا من الإستغفار
    فكل ابن آدم خطاء وخير الخطائين التوابون


  5. #5

    الصورة الرمزية mido777

    رقم العضوية : 29

    تاريخ التسجيل : 17Apr2007

    المشاركات : 1,612

    النوع : ذكر

    الاقامة : إٍسكندريه

    السيارة: أوبل - أسترا - 2000

    السيارة[2]: هيوانداى - النترا - 2007

    دراجة بخارية: no

    الحالة : mido777 غير متواجد حالياً

    افتراضي -

    الناس دى بتهرج وهما لو اخدوا بالهم من شوية حاجات صغيرة السياحة الداخلية دية حتكون فيها مكسب ليهم اكثر من السياحة الخارجية

    حد يعلق على الكلام ده
    4 ايام فى مطروح - فندق سان جيوفانى - غرفه مزدوجة - فطار +عشاء = كام ؟؟؟؟؟؟؟؟؟؟؟؟؟؟؟؟؟؟؟؟؟




    1300 * 4 = 5200 جنيه !!!!!!!!!!!!!

    حاجة تغيظ وتحرق الدم

    [gdwl]
    سبحانك اللهم وبحمدك ، أشهد أن لا إله إلا أنت أستغفرك وأتوب إليك
    [/gdwl]

    مـحـمـد الـطـويـل - إسـكـنـدريـه


  6. #6

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي -

    اقتباس المشاركة الأصلية كتبت بواسطة motorizer مشاهدة المشاركة
    "الباشا مصري! والله حبايب قلبنا و ولاد بلدنا ... الركوبة من هنا لحد أبو الهول و البانوراما بمية جنيه بس عشان خاطرك ب 80 جنيه و عشان إنت إبن بلدنا هحسبهالك ب 60 مع إن والله ما بطلع الفرسة دي بأقل من 50 لأي حد!" لسة هقوله مش عايز حصاا ... قاللي يا أستاذ ده عشان خاطرك و الله هو انا ليا بركة إلا إنت؟! هات 35 جنيه وحلال عليك الرحلة .. المهم أخد خمسة و عشرين جنيه و أكدلي إن السعر ده معزة شخصية منه ليا بسبب أخلاقي و ذوقي ذائعي الصيت!
    ماهو علشان انت مصري ده حصل معاك
    مبالاك الاجنبي بيعملوا معاه ايه لو جاي لوحده من غير مرشد سياحي وحراسة
    والله دي مسخرة
    وآثار بتختفي وآثار بتظهر عادي كل حاجة يعني
    ده ممكن يخفوا هرم من التلاثة ويقنعك انه مش موجود


  7. #7

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    اقتباس المشاركة الأصلية كتبت بواسطة mido777 مشاهدة المشاركة
    الناس دى بتهرج وهما لو اخدوا بالهم من شوية حاجات صغيرة السياحة الداخلية دية حتكون فيها مكسب ليهم اكثر من السياحة الخارجية

    حد يعلق على الكلام ده
    4 ايام فى مطروح - فندق سان جيوفانى - غرفه مزدوجة - فطار +عشاء = كام ؟؟؟؟؟؟؟؟؟؟؟؟؟؟؟؟؟؟؟؟؟




    1300 * 4 = 5200 جنيه !!!!!!!!!!!!!

    حاجة تغيظ وتحرق الدم
    الأسعار دي للفرد ولا العائلة و لا إيه بالظبط؟؟؟

    حتي لو عائلة...الغردقة أرخص من كده أساساً:)


    انا فاكر من حوالي 8 سنوات طلعنا مطروح إسبوع كامل و أجرنا شقة و ميكروباص خصوصي....إتكلفت كلها 950 جنيه لل4 افراد!!!!!


  8. #8

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    يا جدعان مرة كان واحد صاحبي زوجته امريكية مسلمة (مايبانش انها امريكية عشان الحجاب)

    راحوا ما دخلوهمش

    مشيوا و هما ماشيين سمعوهم بيتكلموا انجليزي

    قالوا لي هي اجنبية؟

    قال لهم اه

    قالوا له معاها الباسبور

    قال لهم اه

    وريهولنا؟

    وراه لهم

    دخلوهم !!!!!!!!!!!!!!!!!!!!!


    بيقول لي كانت مذهولة

    بتقول له انا في بلدك و انا اللي دخلتك ؟؟؟؟!!!!!!!!


  9. #9

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    مكرر بالخطأ

    التعديل الأخير تم بواسطة أحمد كمال ; 13-07-2009 الساعة 02:21 PM سبب آخر: مكرر بالخطأ برجاء المسح بمعرفة المشرف


  10. #10

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    hasad">

    زيارة الأماكن الأثرية ......... كلها نصب في نصب ..... و بتبقى مُحاط بشوية نصابين عايزين يأخدوا أي مليم منك لأي حاجة ...
    إن كان أهرامات ...... أو الأقصر ..........

    [img2]http://i59.tinypic.com/2vxpukz.jpg[/img2]



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. قالك غبور ؟؟؟؟؟؟؟؟؟ بجد تهريج
    بواسطة himaz في المنتدى مــــــازدا
    مشاركات: 6
    آخر مشاركة: 03-07-2011, 12:07 AM
  2. قالك منحلش امن الدولة
    بواسطة Tarek Gen 2 في المنتدى المنتــــــدى الاجتمــاعى
    مشاركات: 12
    آخر مشاركة: 01-03-2011, 10:54 PM
  3. الطمي يا أم أحمس !! غطيني و صوتي !!
    بواسطة MoToRiZeR في المنتدى المنتــــــدى الاجتمــاعى
    مشاركات: 13
    آخر مشاركة: 03-06-2008, 08:45 PM
  4. قالك منتخب مصر الوطني !
    بواسطة MoToRiZeR في المنتدى المنتــــــدى الاجتمــاعى
    مشاركات: 15
    آخر مشاركة: 04-04-2008, 11:58 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2