فتيس اللانوس

**samirayad** · 31-07-2009 11:07 PM

بس الطبه مابتجبش زيت انا مشكلتى فى الغيار التانى بس

المقصود من كلامى ليك .....هو ضمان منسوب الزيت بالفتيس .....لو أنت متأكد أن الفتيس فيه 1.8 لتر زيت ...........يبقى خلاص ......مستوى الزيت تمام .....لأن دى سعة الفتيس
أما موضوع أن المشكله فى الغيار التانى .....فوارد قوى تكون الغويشه وحشه أو أسنانها تعبانه من جهة مجموعة التانى .....ولكن سلبمه من جهة مجموعة الأول .....وقد يكون العيب فى مجموعة التانى نفسها ....................
- على فكره الفتيس بتاعنا فيه 3 غوايش
1- واحده لضم مجموعة الأول (لما بنحط الفتيس على الأول ) .....وفى نفس الوقت لضم مجموعة التانى ( لما بنحط الفتيس على التانى )............
2- الغويشه التانيه لضم مجموعة التالت (لما بنحط الفتيس على التالت ) .....وفى نفس الوقت لضم مجموعة الرابع (لما بنحط الفتيس على الرابع ).......
3- الغويشه التالته لضم مجموعة الخامس ( لما بنحط الفتيس على الخامس ) .....وفى نفس الوقت لضم مجموعة المارشدير ( لما بنحط الفتيس على المارشدير )......

**samirayad** · 31-07-2009 11:12 PM

ده شكل تقريبى لفتيس 5 سرعات ومارشدير ....زى بتاعنا
الثلاث غوايش موضحه باللون البنفسجى على الشكل

**elhathoti** · 01-08-2009 05:34 PM

شكرا جزيلا ياباشمهندس سمير على التوضيح القيم ده وهكشف على الغوايش وارد عليك

**samirayad** · 01-08-2009 09:00 PM

بالتوفيق أن شاء الله ......وبرضه لو كنت بتستعمل زيت تقيل ممكن تجرب أستعمال زيت خفيف ....قبل فتح الفتيس ....أهى محاوله

**elhathoti** · 02-08-2009 12:45 AM

بس اعتقد ان تغيير الزيت مش هيجيب حاجه مع التانى لانه تقيل جدا وبيدءر ويعمل صوت فالاكيد انها الغوايش زى ماقلت حضرتك
بس مش هشتغل فى دلوقت لانى اتعودت عليه وبشغله معظم الاحيان بشكل مقبول ولا ايه راءيك ممكن المشكله تكبر

**samirayad** · 02-08-2009 01:01 AM

هى التجربه مش حتخسر حاجه .......أنا قبل كده شغلت الفتيس لسيارتى السابقه بزيت فتيس أوتوماتيك ....علشان خفيف .....وكان فعلا فيه عضه .....بس كانت على الأول ....وراحت .....فعلشان كده ....طالما ناوى تأجلها شويه .....جرب موضوع الزيت ده .....يمكن ربنا يصلح الحال ....ومتحتجش حاجه ....لو العيب لسه موجود ....أهو أحنا حنعمل كشف على الغوايش ....وأتمنى من الله ....أن الأمور تتحسن مع تغيير الزيت