نوبيرا مصري

**samirayad** · 14-07-2009 07:10 PM

يبقى ياباشا العيب من العداد عندك .......وتلاقى حساس مستوى البنزين اللى على الطلمبه بتاعتك (أى طلمبة البنزين ) حصل تلوث على نقاط التلامس بتاعة الأشاره ..........وتلاقى الموضوع ده ظهر عندك بعد موضوع غش البنزين اللى حصل معاك من فتره ( يعنى العيب مش عام ) دا عيب ناتج من سبب ...........وعاوز أسألك أنت كنت واخد العربيه كده ........أعتقد لا...........على فكره عيوب حساس منسوب البنزين بالتنك تم علاجه لدى شركة دايو أبتداء من سبتمبر 2000 تقريبا............وكان فيه عيوب تصنيع قبل التاريخ ده

**Badrowi** · 14-07-2009 07:27 PM

لا من يم ما اشتريتها

لانى كنت فاكر كويس وانا بتعلم انى كنت بامون صفيحة ترفع عندى لحد النص ويفضل المشؤ يتمرجح معايا مع الملفات والمطبات

وبعدين انا اللى اعرفهم معاهم لانوس عندهم نفس الشكوى مع العيب المشترك وهو استهلاك البنزين

بس بيجمعنا الميزة الاساسية وهى الشكل العصرى والحجم والثبات الى اخرة من مزايا الدايو
وعلى راى زميل هنا
لو لم اكن دايوهيا لوددت ان اكون دايوهيا
ههههههههههههههههههههههههه هههههههههه

**moudy88** · 14-07-2009 07:27 PM

اكيد في فرق بين المصري والكوري في الكماليات والتقفيل وخامات الانتيريور ( interior ) ...وزي مالاخ بدراوي قال عيب عداد البنزين اللي عامل زي المرجيحه مع كل لفه ومطب وده تقريبا في معظم عربيات الدايو ( لانوس ونوبيرا ) ...ده غير صوت التزييق اللي بيطلع من الكرسي ...وطقطة المقصات ...وفرش الابواب السئ ...والفتيس الاوتوماتيك الاقل في الجوده واقدم من نظيره الكوري واللي مفيهوش زرار الاوفر درايف ولا الهولد ... والشكمان المصري اللي زي الزفت .. ده الفرق الشاسع في الكماليات زي مثبت السرعه والتكييف التاتش والكاسيت التاتش وفتحة السقف و الايرباج و ABS

وده راي كمالك للنوبيرا مصري بمنتهى الامانه من وجهة نظري

**SOBKY** · 14-07-2009 07:34 PM

الراجل اللذيذ اللي سال السؤال ده .... انا ممكن اسال نفس السؤال بتاعه بعد فترة.
انا ليا تلاته قرايبي راكبينها ... و بيشكروا فيها .
رايكم انتم كخبراء دايو فيها ايه ..؟؟
هل سعرها مناسب ليها كامكانيات سيارة ؟؟
و الاوتوماتيك بتاعها .. الفتيس بتاعه اخباره ايه ؟؟
و كمان مستقبلها عامل ازاي بعد ما دايو موتورز قفلت و مافيش دايو بتتصنع في العالم كله غير النوبيرا في مصر فقط و قدامها سنة و لا اتنين و بح.
انا سالت كتير اوي .. معلش .. الواحد بعيد عن البلد و بينزل بيحس انه غريب و مش فاهم حاجة.
شكرا مقدما ليكم..

**Badrowi** · 14-07-2009 07:35 PM

انا كمان بعانى من التزيق فى الكراسى
وطقطة خفيفة فى الطرق الغير ممهده خالص

بس عندك فى المجمل سوا مصرى او كورع عربية بتنافس العربيات فى شريحة 100 او 85
وطالع

زى النيسان والاوبترا (الى كل الى اغلب الى اعرفهم ما شكروش فيها) والبوما (اللى بموت فيها) والكليو والسيراتو وغيرهم

معانا عربية حجمهم موتور اسد زيهم كمايلات شبيه بالى عندهم فنش اقل منهم ب 78000

يبقى نقول الحمد لله
وبعدين كل برغوت وعلى قد دمه

**samirayad** · 14-07-2009 07:45 PM

وبعدين انا اللى اعرفهم معاهم لانوس عندهم نفس الشكوى مع العيب المشترك وهو استهلاك البنزين

ياباشا .....دايو أعترفت فى أحد المنشورات أن حساس قياس مستوى البنزين فى التنك كان فيه عيب صناعه ( تقريبا فى عملية الحمايه للكارته بتاعته .....الدهان والحمايه للكارته كان وحش ) وبعد كده تم تلاشى العيب أبتداء من سبتمبر 2000 .............يعنى كروت أى حساس بتاع مستوى البنزين معمول عليه رقابة جوده كويس بعد سبتمبر 2000......والعيب أتعالج فعلا بتاع الكارته .......وموضوعك ده موضوع فردى ......حظك كده .........ههههههههه .......والمفروض كنت رحنلهم التوكيل ......وورتهم الوضع على الطبيعه ( ولو أنهم برضه ممكن يأؤولوها لأستخدامك بنزين وحش ) ......حظ بقه.....ولكن الحمد لله على كل حال ...........وعلى كلامك أن العيب من زمان (من يوم ما أشتريت العربيه ) يبقى النظافه مش حتعمل حاجه للأسف .....لأنه عيب موجود من الأساس

**samirayad** · 14-07-2009 07:55 PM

الراجل اللذيذ اللي سال السؤال ده .... انا ممكن اسال نفس السؤال بتاعه بعد فترة.
انا ليا تلاته قرايبي راكبينها ... و بيشكروا فيها .
رايكم انتم كخبراء دايو فيها ايه ..؟؟

النوبيرا عربيه محترمه بالنسبه لتمنها .......وفعلا قرايبك كلامهم ميه ميه .....وأنا جربت الأوبل والنوبيرا ( النوبيرا فى نظرى عربيه ممتازه بكل المقاييس ) وأهم حاجه المحافظه على أى عربيه ............حتى لو كانت توك توك

و الاوتوماتيك بتاعها .. الفتيس بتاعه اخباره ايه ؟؟

أنا شخصيا بأحب المانيوال ...........بس يفضل للى ناوى على الأوتو ( الجديد طبعا ) للبدء فى قصة تعامل وتصادق طيبه مع الفتيس

و كمان مستقبلها عامل ازاي بعد ما دايو موتورز قفلت و مافيش دايو بتتصنع في العالم كله غير النوبيرا في مصر فقط و قدامها سنة و لا اتنين و بح

حلوه ....أوى بح دى ...........أمال بتوع ال504 يعملوا ايه ...........دا فيه عربيات من أيام منقرع ....ولسه مابحتش

**moudy88** · 14-07-2009 09:08 PM

المشاركة الأصلية كتبت بواسطة badrowi

انا كمان بعانى من التزيق فى الكراسى
وطقطة خفيفة فى الطرق الغير ممهده خالص

بس عندك فى المجمل سوا مصرى او كورع عربية بتنافس العربيات فى شريحة 100 او 85
وطالع

زى النيسان والاوبترا (الى كل الى اغلب الى اعرفهم ما شكروش فيها) والبوما (اللى بموت فيها) والكليو والسيراتو وغيرهم

معانا عربية حجمهم موتور اسد زيهم كمايلات شبيه بالى عندهم فنش اقل منهم ب 78000

يبقى نقول الحمد لله
وبعدين كل برغوت وعلى قد دمه

طبعا الحمد لله على النعمه ..وبشكر ربنا على النعمه اللي الواحد فيها ...لكن انا طبعي بحب اسلوب التدقيق والتحليل والمقارنه ...وبشوف العيوب قبل المميزات وكل العيوب اللي انا قلتها مش قاتله ... وانا الحمد لله متعايش مع العربيه وراضي بيها

**zocor742** · 14-07-2009 09:40 PM

بس انا مستغرب على موضوع التزييق الى فى الكراسى دة عشان مش حاسس بية خالص
وحوار المقصات دة مش ملاحظة نهائى الحمد لله
وبردو الموشر بتاع البنزين ثابت لحد المبة ماتنور كمان مع انى معايا نوبيرا كورى 97 يعنى قبل سبتمبر 2000
بس اكتر حاجة حاسس انها مش واخدة حقها فى النوبيرا المصرى بصراحة تقفيل الفيبر بتاع عتب العربية وكدة وحاسس انها مش واخدة حقها فى الاوبشن زى الكورى وهو دة الفرق الحقيقى من الاخر اى حاجة تانية نتيجة للأستهلاك وسوء الاستخدام عمر افتراضى وسوء التقفيل المصرى كل الناس بتشتكى منة فى اى عربية اتجمعت فى مصر ومهما كان سوء التقفيل مش هيكون زى عيوب القفيل الى كانت فى البروتون الجين مع احترامى لملاك العربية والجين نفسها لأنها من افضل السيارات الاسبور الى نزلت مصر وخلاص العيوب دى اتعرفت فيها ومش بتنزل بيها والعيب بقى الى شددنى اوى فى النوبيرا ونفسى اعالجة هو سوء التقفيل وعزل كارتة العربية مع ان مكانة كويس بس العزل عالية مش كويس دة بالنسة عندة فى ال1 مش عارف ال2 اية النظام
وبردو فى الاول والاخر العربيات بتبقى حظوظ و اقدام المهم الفلوس الى انت جايب بيها العربية جاية ازاااى واخر حاجة الفرق بين النوبيرا 1 والنوبيرا ال2 هو فرق الشكل والسعة الترية وشكل الصالون الى فى نظرى النوبيرا 2 اشيك من صالون النوبيرا 1 بس
وسعرها يعتبر صفقة جيدة

**samirayad** · 14-07-2009 09:57 PM

خد ياسيدى أدى مقدمة المنشور الفنى بتاع شركة دايو الصادر فى 3 أغسطس 2001 اللى فيه الكلام اللى أنا قولته.......لكى لايقال بأقول حاجه من عندى.....وبألف مثلا

....وخللى بالك من كلمة some اللى فى أول المنشور ......يعنى بعض مش الكل .............حظك طلع كويس .......يبقى الحمد لله ......تقدر تقول الموضوع عامل زى البطيخه .............بمناسبة الصيف .................هههههههههههه