بعد السلام عليكم احب اشكر كل اعضاء المنتدي المحترمين والقائمين علي الاداره والاستاذ سبعاوي اللي اذا ذكرت نيسان ذكر المهم انا بقالي اكتر من 10 شهور من غير عربيه طبعا ده بسبب انتظاري انخفاض الاسعار اللي مش باين عليه هيجي المهم انا اتبهدلت كتير في المواصلات علشان انا بسافر كتير وخصوصا في الصيف والمواصلات زحمه جدا وفي النهايه اضطريت اشتري علشان البهدله اللي الواحد شافها وفضلت اقارن بين الالنترا واللانسر كالعاده في مصر وبين النيو سيراتو والصني ومكنش في دماغي خالص التيدا لغاية لما رحت السبع اوتوموتيف وشفتها بس بصراحه اللي اقنعني بيها اكتر ان الناس هناك محترمين جدا وقالولي لو عاوز تعمل تست درايف مفيش مشاكل وعليها لقيت عربيه 2008 يبدو انها بواقي بس زيرو يدوب عامله 500 كيلو وعليها علامة التست درايف طلعت جربتها ماشاء الله في السحب العربيه اوتوماتك وبتامرككل مدوس بنزين اللعفشه ناعمه جدا جداجدا تحس انك راكب ميجان اما بقي اكتر حاجه عجبتني استهلاك البنزين اللي لا يذكر حوالي 40 لتر مشيت بيهم 520 كيلو العربيه اوتوماتك يا جماعه انا لسه في التليين ان شاء الله قريبا اعمل تقييم
ملحوظه : انا مكنتش مقتنع غير بالانسر بس هيا اللي كانت معايا قبل كده وكان لازم اغير والحمد لله مندمتش ابدا واستحرمت بصراحه اجيب السيراتو خليجي مش علشان وحشه بس الاوفر برايس مش طبيعي وكفايه جشع