النترا - لانسر شارك

**abo samra** · 15-07-2009 05:35 AM

المشاركة الأصلية كتبت بواسطة ashouhdy

حضرتك مستحيل تقول ان الالنترا اثبت من الشارك
وتقفيل الشارك طبعا احسن من الانترا (يابانى)
حضرتك لو سقت الشارك حتفهم قصدى بالذات الفتيس ال cvt
روعة

الفتيس ال cvt ده فى البومه ال 1600
الشارك 1500 اوتو عادى
الشارك 2000 cvt و paddle shifts
تحياتى

**abo samra** · 15-07-2009 05:39 AM

المشاركة الأصلية كتبت بواسطة m_marwan

ماشى انا معاك ان الهوندا والمازدا مفيش كلام عليهم بس العربيتن غير مناسبين تماما فى شوارع مصر المكسرة والمطبات العالية حعمل انا اية بقا بلتكنولوجى والجودة ةوانا كل ماخد مطب قلبى بيتقطع على العربية وهيا بتحك ؟؟ وعموما هات الالنترا عشان انا مش عاوز الشارك تنتشر

ده مش كويس عدم الانتشار انا اعرف واحد لسه بايع شارك 1500 سبورت كويتى2008 من يومين ب 110 الف ماشيه 35 الف كيلو فقط
يعنى كدا اعتقد خساره كبيره ولا ايه؟؟؟؟؟؟؟؟؟؟؟؟

**احمدعبدالعزيز** · 15-07-2009 10:09 AM

انا راى الشخصى الشارك لا تقارن مع الالنترا وانا افضل الشارك طبعا عربيه اعتماديه وممتازه .

**ashouhdy** · 15-07-2009 04:08 PM

المشاركة الأصلية كتبت بواسطة abo samra

الفتيس ال cvt ده فى البومه ال 1600
الشارك 1500 اوتو عادى
الشارك 2000 cvt و paddle shifts
تحياتى

الشارك اللى سوقتها 1500 خليجى فتيس cvt
مش عارق الكلام دة بيطبق فى مصر ولا لأ
بس عموما شكرا للمعلومة

**ashouhdy** · 15-07-2009 04:23 PM

المشاركة الأصلية كتبت بواسطة tarekabosdera

نمسكها واحدة واحدة عشان الكلام يكون دقيق:

الثبات : ماشي الشارك اثبت من الالنترا بفارق مش كبير . يعني الالنترا مش بتطير على 160 كم /ساعة. وانا مجربها.

التقفيل: اذا كانت الشارك متقفلة في اليابان فالالنترا متقفلة في بلدها في المصنع الرئيسي يعني تقفيل ممتاز لا يشوبه اي غبار . ( شركة هيونداي واخدة المركز الرابع في الجودة على شركات العالم لسنة 2009 في تقرير j.d power العالمي. بينما ميتسوبيشي واخدة مركز متاخر نسبيا ) و متقليش تقفيل ياباني وكوري الكلام ده انتهى من فترة. ( بص في الملف المرفق)

الفتيس: فتيس الالنترا مفهوش اي مشاكل وسلس جدا ومفيش حد اشتكى منه في الموديلات السابقة .

السعر : سعر الشارك مبالغ فيه لعربية امكانياتها عادية الى حد ما بينما سعر الالنترا معقول ومناسب لامكانيتها.

طب نمسكهم تانى واحدة واحدة :)))))))
الثبات: جرب خد كذا غرزة بالشارك ع 160 و جرب بالانترا وشوف حتخاف فى انهو عربية !!!!!!!
الشارك مكلبشة فى الارض
الفرامل: الشارك نازلة ستاندارد ب 16 الفرامل لا غبار عليها abs
التقفيل: ابسط مثال اسمع صوت قفلة الباب بتاع الشارك و شوف الالنترا وشوف تقل الباب فى ايدك و شوف الالنترا
حاجة تانية خالص الشارك تقيل و جميل تحس نفس احساس الجيتا فى تقلة
الفتيس: اللى سقتها كانت خليجى بcvt ممكن يمون سبيشل اوردر مش عارف

الموتور 1500 110 حصان (حقيقى) !!

بلاش المقارنة دى ظالمة للالنترا ممكن نقارنها بالبومة لكن الشارك لأ

ع فكرة انا ناوى اجيب ال i30 و معايا اصلا هيونداى و بحترم الهيونداى جدا بغض النظر عن الانتقادات للفيرنا و غيرها

لكن الحيادية بتفرض انى اتكلم بدون ان اظهر ميولى الحقيقة لاى عربية
لانى ببساطة بحب الموتور القوى عن اى حاجة تانية و دة اللى خلانى اجيب الفيرنا عن الافيو و اليارس والجين2 مثلا

انا اة اركب الالنترا لكن تقولى مين احسن اقولك الشارك
ارجو تكون فهمت وجهة نظرى
وشكراااااا

**ashouhdy** · 15-07-2009 04:35 PM

المشاركة الأصلية كتبت بواسطة ahmed anwer

طب يا احمد باشا بمناسبة التقفيل و برده من غير تعصب

شفت خامات تابلوه الالنترا و خامات تابلوه الشارك ؟؟؟

خامات تابلوه الشارك بلاستيك ناشف

خامات تابلوه الالنترا فوم طري

مش عيب في عربية بالسعر ده و موتور 1500 يكون تابلوها بلاستيك ؟

بصراحة اة عييب :))))))))))

لكن يابوحميد ان بتكلم على القعدة نفسها جو الشارك شعور تانى غير الانترا تحس انها عالية و قوية ومسكة نفسها تحس بالامان جواها حتى و انت بتاخد المطبات صوت مكتوم جميل
للاسف الشعور دة محستوش فى الالنترا

**SAMEH_FOUAD** · 15-07-2009 07:55 PM

اللى عايز يجرب ثبات عربية بجد ويعرف انها ثابتة ولا لأ يجرى فى نفق الازهر ,هايعرف ساعتها عربيتة ثابتة ولا.............
بس مايجيبش بيها 120 ويقول دية ثابتة ,لأ عدى وهات واللى جرب العربيتين فى النفق يقول حس باية ,لانى بعتبر نفق الازهر اكبر مكان ممكن تختبر فية عربية من حيث قوة الفرامل ,والسحب ,والثبات

التقفيل والخامات:
الالنترا =خامات سيئة وخاصة موديلات 2009 بقت خاماتها زى الفيرنا بالظبط ,وتقفيلها كويس مابيبقاش فية غلطات كتير
الشارك:خاماتها بردة بتتكون من البلاسيتك ,وتقفيلها مقارب جدا لتقفيل الالنترا

الرحابة:الالنترا تكسب ,اكبر واوسع واعلى
الشارك ضيقة عنها وخاصة فى الكنبة الخلفية اللى مش عارف اليابانين مالهم ومال الكنبة الخلفية مش عارفين يظبطوها لية بردة المازدا 3 ضيقة جدا
الشكل :طبعا الشارك ,الانترا شكلها مقبول بس مش زى الشارك
الامكانيات: طبعا الشارك ,فيها ايرباج ,abs ,ebd لكن الانترا مابيجيش فيها الحاجات دية غير بس واحدة ايرباج واية بى اس للى فيها فتحة سقف ,لكن اغلبية الالنترا مافيهاش حاجة من دية

السعر :طبعا الشارك مبالغ فى سعرها جدا والمفروض تبقى اخرها 115 الف بس ,دة غير سعر اعادة البيع مش حلو للشارك
الانترا بردة مبالغ فى سعرها حاجة بسيطة مش زى الانسر يعنى المفروض يبقى اخر الانترا الكاملة 90 والعادية 80

بالنسبة لنظام التعليق :الشارك ناشفة فى المطبات ,والانترا بردة ناشفة بس مش زى الشارك

يبقى متهيالى المقارنة محسومة للشارك ودة من وجهة نظرى مع احترامى لكل اراء الاعضاء

**SAMEH_FOUAD** · 16-07-2009 02:00 AM

معلش متهيالى بردة لو الالنترا كسبت البومة هتكسبها فى الماتور والهدوء ,لكن الثبات الانسر افضل ,والتقفيل واحد
والحاجة الوحيدة اللى ممكن ماتكونوش واخدين بالكوا ان البومة قطع غيارها معمرة جدا عن الالنترا ,وبعدين شكل البومة الرياضية 1600 خصوصا فى اللون النبيتى بيبقى جامد واحسن من شكل الالنترا 100 مرة ,
وبردة العربية مش جرى وخلاص ماهية لو على الجرى هتلاقى عربيات كتير اسرع من الالنترا بس وحشة ,
وبعدين الالنترا فى الثبات رايحة خلاص ,كانت بتجرى قدامى وكان فية ملف صاحبها هدى جدا جدا لدرجة ان العربية وصلت تقريبا لسرعة 20 عشان يقدر ياخد الملف ودة اللى اثبتلى انها ضايعة فى الملفات وكذا عربية اشوفهم بيجروا ويجوا عند الملف ويهدوا جامد قوى وكذلك الحال للماتريكس والفيرنا ,يعنى الكورى كلة غير ثابت نهائى ,وعن تجربة مع اكثر من سيارة
اللى بيقارن العربية وهية ماشية على خط مستقيم وجايب 160 ويقولك مش حاسس بحاجة وثباتها عالى يبقى غلطان ,الثبات فى الملفات والانتقال من الحارات المختلفة على سرعة عالية من غير ما العربية تعوم ,وعمرك ماهتلاقية فى الكورى ابدا
مهما الكورى يتقدم لن يصل لدرجة اليابانى او الالمانى ,
لانهم بيعملوا عربية تبقى واسعة ,صاج خفيف ,بودى كبير ,وكابينة داخلية صغيرة,عن الحجم الخارجى,ماتور اقوى من بودى السيارة ,بكتير,نظام تعليق رديء ,كل دة عمرة ماهيطلع عربية تقدر تعتمد عليها فى المواقف الصعبة
اعتذارى التام لملاك الكورى ودية وجهة نظرى ,
عمرى ماهشترى الكورى ابدا ولو بقى ببلاش
اللى يركب اليابانى او الالمانى لايمكن يركب حاجة تانى

-

مشاهدة نتائج الإستطلاع: النترا - لانسر شارك

الموضوع: النترا - لانسر شارك

LinkBack

أدوات الموضوع

عرض

-

-

-

-

-

-

المواضيع المتشابهه

لانسر شارك او هيونداي النترا

ايهما افضل التيدا ولا النترا ولا لانسر شارك يالموتور الجديد

مطلوب النترا او سيراتوا او لانسر شارك

لانسر شارك مو 2008 للبيع او للبدل بماتريكس او النترا او دايو

لانسر 1600 - لانسر شارك - نيو سيراتو - النترا

الكلمات الدلالية لهذا الموضوع

المفضلات

المفضلات

ضوابط المشاركة