الموضوع: النترا - لانسر شارك

المشاركة الأصلية كتبت بواسطة semsem kane

لايمكن تركب سيفيك او كورولا ,وتركب بعديها النترا ومتعرفش الفرق بينهم ,هتلاقى فرق شاسع لايمكن ان يتفوق الكورى على اليابانى خصوصا فى هذة الماركات ,
محدش قال الانترا وحشة انا من رائى زيها زى اى عربية كورى ,وزى مالناس طالعة بالنيو سيراتو السماء لسة هانشوف تستحق دة ولا لأ ,ولاالنترا بردة مابقلقهاش لسة سنتين فى السوق وعربيات ظهرت فيها عيوب واعطال ,وخصوصا عدم وجود عوامل امان على سيارة بوزن خفيف وغير ثابتة نسبيا بعد 140 دة انا شايفى اكبر عيب ,دة غير حجمها الخارجة الللى اكبر من حجمها الداخلى
,شوف انا طلول عمرى بقول ان الكورى ما الا تقليد لليابانى والسير على نفس منهجة بس من موديلات سابقة ,
وبعدين شكل الانترا هايتغير خلاص وهو لسة يدوبك من موديلات اواخر 2007 يبقى اية بقى الكلام دة بعكس الالنترا الموديل السابق قعد من 2004 لحد اخر 2007 واثبت كفاءة والكل عارف كدة كويس انة حسن من الموديل الحالى ,الفرق بس فى الماتور
يعنى فين بقى الكورى اتطور

كلامك يدل على مدى جهلك بالانترا ويدل على انك بتجيب كلام من دماغك ملوش وجود اصلا.

يا ريت تتكلم عن العربيات اللي انت جربتها بس ومتدخلش في الحاجات اللى متعرفهاش عشان في ناس بتقرا الكلام ده وبتاخد معلومات من المنتدى فعايزين الكلام يكون صحيح . مش عايزين استنتاجات.

انا عملت مقارنة بين الشارك والالنترا واتكلمت عن الالنترا كمالك ليها ومجبتش سيرة الشارك لاني مجربتهاش ومش مالك ليها.

المشاركة الأصلية كتبت بواسطة semsem kane

انا ملقولتلكش انها وحشة ,وانها ماتتركبش ,بس انا رديت على الكلام اللى بيقول انها بتتفوق على اليابانى ,يعنى بالذمة دة كلام يعقل ,يعنى اقول الانترا احسن من السيفيك والكورولا طيب ازاى ,يبقى مين بقى اللى مايعرفش وبيقول كلام غلط
اية ياجماعة فية اية ؟ هو كل واحد معاة عربية كورى عايز يثبت انها احسن من اليابانى والالمانى ,
والله فية تشبية حلو جدا لكلامكوا بان الكورى اتقدم عن زمان بكتير
لو هنفرض ان السيارات اليابانية انسان وبيطور نفسة بنسبة 70% والكورى نفس الامر بس بنسبة 60% ,يبقى زى ماالكورى بيتقدم لحد مايجيب ال70% بتوع اليابانى ,اكيد هو كمان بيطور وهيبقى 80%
يعنى عمرة ماهيقدر يلحق باليابانى ممكن يقاربة فى المستوى بنسبة قليلة بس مش هيقجر يعدية فى يوم من الايام ,وسيبك بقى من حكاية انة كورى ويابانى وعقدة اليابانى ,
معلش انا شايف الناس بتتكلم عن عربيات معينة فى الكورى ,يعنى يقولك هيونداى معملتش غير النترا وهية احسن عربية فى الكورى ,طيب منين الكورى كلة اتطور ومافيش غير بس عربية هية اللى حلوة (دة من وجهة نظركوا )لان مش شركة هيونداى هاتديكوا عربية بتتباع فى مصر ب100,000 جنية يعنى ارخص من كدة النص فى الخارج ,ومش هاتديهالكوا كاملة مابتعطلش ابدا ,وثابتة ,وواسعععععععععععة بحر ,وقطع غيار رخيصة ,انتوا لو على كلامكوا يبقى الناس كلها تبطل تجييب بى ام ومرسيدس وتجيب النترا احسن سيارة فى العالم عام 2007,2008,2009,2010 كمان وندخلها تحدى مع البى ام الفئة الخامسة واكيد هاتكسبها طبعا دية النترا يامعلم ,كفاية بقى.
دة كمان لسة النيو سيراتو الى اول بس مالناس شافتها ولا تعرف عنها حاجة يقولك دية جامد جدا جدا ,من غير مايجربها ولا حتى يبص جواها اية وكل الناس اتفاجئت لما لاقت الخامات بتاعتها تعبانة ,وكله بلاسيتك *بلاستيك
من الاخر اللى عايز يركب كورى يركب كل واحد يركب اللى يريحة ,بس ماقولش على عربية ب100.000 احسن من حاجة اغلى منها بتمن نص عربية تانية منها
والكورى كويس مش وحش وانا مابعيبش فية كل حاجة وعلى قد سعرها وبيديك على قد الفئة دية والسعر دة

وبعدين معلش قدامك شارك والنترا هاتجيب اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟م ع ان الشارك غير مستوى الهوندا والكورولا بس بردة يابانى واحسن كتير من الكورى طبعا ولو حد معاة لانسر شارك يدخل ويتكلم ويرد عشان كدة انتوا عدم ردكوا بيؤيد كلامهم ويبقى
حرام ال30.000 الزيادة الفرق بينهم

احب اصحح كام معلومة :

اولا : انا مجبتش سيرة الكرولا والسيفيك في المقارنة ومش هخرج عن موضوع المقارنة ( النترا - لانسر شارك)

ثانيا : انا مقلتش الكوري احسن من الالماني.

ثالثا: مش انا اللي بقول الهيونداي تفوقت على الياباني وتتقارن بالكرولا ده كلام التقارير العالمية واللي فعلا بره اخدت المركز الاول على جميع السيارات ( في فئتها) مش جميع سيارات العالم.

رابعا: مين قال ان احسن عربية في هيونداي النترا . ده كلام خاطئ 100% لان هيونداي عملت سيارات تنافس اكبر الشركات الالمانية والاوروربية زي هيونداي جينيسيس و هيونداي جينيسيس كوبيه و هيونداي ازيرا و سوناتا و سانتافى و ................. حاجات كتير في جميع فئات السيارات . بتنتج كل الفئات من اول الميني لحد الميكروباص.

والالنترا ما هي الا سيارة من ضمن سيارات هيونداي المحترمة وليست افضل سيارة ابدا.( اللي بيقول كده عايز يقلل من شأن هيونداي ويبين ان هيونداي اخرها النترا ).

خامسا : انا لو خيرت بين الشارك والانترا gls طبعا هجيب الالنترا .

سادسا: زي ما الالنترا بره بنص سعر مصر برضه السيفيك والكرولا واللانسر بنص سعرمصر.
الاسعار في مصر زايدة في كل السيارات مش بس هيونداي .................................................. .....

هو علشان جهه معينه ادت للانترا تقييم عالى يبقى خلاص كلنا معترفين ان الالنترا رقم واحد فى فئتها!!!!!!!!!!!!!!!!
على فكره اكيد بتتكلم عن سوق امريكا صح!!!!!!!!!!
على فكره الكورولا والسيفيك اعلى مبيعات فى الفئه دى كل سنه فى امريكا والكامرى والاكورد اعلى مبيعات فى الفئه المتوسطه فى امريكا برده كل سنه
فين بقا الالنترا والسوناتا!!!!!!!!!!!!
اللى عاوز يثبت يثبت بالمبيعات مش بتقييم جهه معينه لان كل جهه ليها كلام شكل تلاقى جهه معينه بتشكر فى عربيه جامد والتانيه بيقولوا العكس صحيح
تحياتى

المشاركة الأصلية كتبت بواسطة abo samra

هو علشان جهه معينه ادت للانترا تقييم عالى يبقى خلاص كلنا معترفين ان الالنترا رقم واحد فى فئتها!!!!!!!!!!!!!!!!
على فكره اكيد بتتكلم عن سوق امريكا صح!!!!!!!!!!
على فكره الكورولا والسيفيك اعلى مبيعات فى الفئه دى كل سنه فى امريكا والكامرى والاكورد اعلى مبيعات فى الفئه المتوسطه فى امريكا برده كل سنه
فين بقا الالنترا والسوناتا!!!!!!!!!!!!
اللى عاوز يثبت يثبت بالمبيعات مش بتقييم جهه معينه لان كل جهه ليها كلام شكل تلاقى جهه معينه بتشكر فى عربيه جامد والتانيه بيقولوا العكس صحيح
تحياتى

سيدي الفاضل انا مبتكلمش عن جهة ورا محطة البنزين.

ده تقييم شركة j.d.power اكبر شركة معترف بها عالميا في تقييم السيارات .

وبعدين هيونداي من اكثر السيارات مبيعا في السوق الامريكية .

المشاركة الأصلية كتبت بواسطة tarekabosdera

سيدي الفاضل انا مبتكلمش عن جهة ورا محطة البنزين.

ده تقييم شركة j.d.power اكبر شركة معترف بها عالميا في تقييم السيارات .

وبعدين هيونداي من اكثر السيارات مبيعا في السوق الامريكية .

يا سلام هو انا جبت سيرة j.d power اصلا
انا بتكلم عن تقييم قبل كدا كان بيقول ان الالنترا احسن عربيه فى فئتها !!!!!!!!!!
ما جبتش سيرة هيونداى ولا تويوتا اصلا