الموضوع: ايه رايكوا فى التريوس ياجماعه

يا باشا انا معايا ماتيريا مش تريوس وبالتالى انا مش هنحاز ليها لانها مش تهمنى

بص يا مان

التريوس عربيه محترمه جدا 4wd يابانى 100%
شكل شبابى ملوش حل اوبشن كتير حلوة توكيل محترم
شنطه واسعه مع امكانيه طى الكنبه كمان
عيوبها مش بتاعت شد جرى زى معظم الفور باى فور
الثبات مش قد كده فى الملفات الخطيره لانها عاليه وكمان ده هتلاقيه فى كل الفور باى فور
شوف انت عاوز ايه وحدد
وبوقلك بجد انزل واركب العربيه انا ركبتها بجد تحفه ان شاء الله هتعجبك

المشاركة الأصلية كتبت بواسطة mohammedsamirabdeen

كعربية هي كويسة نسبيا لكن مش زي 4 باي 4 المحترميين شيروكي ولاند كروزر ولاند روفر وخلافه لكن موتورها 1500 سي سي فمش هيديك الشد والسحب اللي متخيله وخاصة ان الشكاوي كتبرة مع التكييف ....

المشاركة الأصلية كتبت بواسطة mohammedsamirabdeen

العربية ممكن تكون اعتمادية لكن الثبات بتاعها مش قوي وقطع غيارها نار واعادة بيع وحشة في السوق مع العلم طبعا انها ياباني والتوكيل بتاعها مش قوي انا مش بشررك!!!!!!!!!!!!!! العربية بس هي دي الحقيقة؟؟؟؟؟؟؟؟ ومن ناس جربتها وناس معرفة في دايهاتسو ...ونصيحة ممكن تشوف بدائل تانية وده يعتمد على امكانياتك ....اتمنى ان اكون افادتك وانا مش متحامل عليها بس هي الدي الحقيقة وحضرتك طلبت النصيحة

السلام عليكم و رحمة الله و بركاته
انا بصراحه بعد ما فتحت الموضوع و كنت لسه هتكلم عن عيوب العربيه ومميزاتها بس للاسف قريت الرد اللي مكتوب ده و قعدت اضحك نص ساعه و بعد كده قررت اني مش هشارك في الموضوع بعد الرد الهايل ده بس انا ارجو صاحب الموضوع انه يروح يشوف العربيه بنفسه اولا و يقرء الموضوعات اللي مكتوبه هنا في المنتدي عنها بعيوبها و مميزاتها و ياريت كمان تروح كام توكيل كده و تقارن الاسعار و المعامله و قطع الغيار وكده و روح كل التوكيلات سواء كويسه او وحشه حتي كيا ممكن تروحها مش مشكله.
وربنا يوفقك و تصل للقرار السليم و طبعا لازم يكون مبني علي احتياجك الفعلي و امكانياتك و كمان ظروف استخدامك للسياره.
سنكون سعداء عندما توفق في اختيار سيارتك و سنكون احسن اذا كنت من ملاك دايهاتسو تيريوس.
بالتوفيق ان شاء الله

المشاركة الأصلية كتبت بواسطة msh2179

السلام عليكم و رحمة الله و بركاته
انا بصراحه بعد ما فتحت الموضوع و كنت لسه هتكلم عن عيوب العربيه ومميزاتها بس للاسف قريت الرد اللي مكتوب ده و قعدت اضحك نص ساعه و بعد كده قررت اني مش هشارك في الموضوع بعد الرد الهايل ده بس انا ارجو صاحب الموضوع انه يروح يشوف العربيه بنفسه اولا و يقرء الموضوعات اللي مكتوبه هنا في المنتدي عنها بعيوبها و مميزاتها و ياريت كمان تروح كام توكيل كده و تقارن الاسعار و المعامله و قطع الغيار وكده و روح كل التوكيلات سواء كويسه او وحشه حتي كيا ممكن تروحها مش مشكله.
وربنا يوفقك و تصل للقرار السليم و طبعا لازم يكون مبني علي احتياجك الفعلي و امكانياتك و كمان ظروف استخدامك للسياره.
سنكون سعداء عندما توفق في اختيار سيارتك و سنكون احسن اذا كنت من ملاك دايهاتسو تيريوس.
بالتوفيق ان شاء الله

على فكره انا مش معاك فى النقطه دى انت كده سيبته المفروض انك اكتر واحد فيهم معرفه بالعربيه فمش معنى ان حد قال اى كلام فى اى كلام وهو لايعرف حاجه عن الوكيل او السياره فتتضايق ومش تفيد الراجل لو تقدر تساعده يا اخى ساعده

الي الاخ العزيز صاحب الموضوع و الاخ العزيز مادو
سوف اوجز لك تقيمي للسياره في نقاط:
1- طبعا هي سياره من فئه الدفع الرباعي المدمج و معني مدمج انها صغيرة الحجم بالنسبه لفئة الدفع الرباعي و ذلك لكي تتعامل بسهوله داخل المدن و الشوارع العاديه المزدحمه و طبعا الموتور صغير للتوفير في استهلاك الوقود.
2- بما انها سيارة دفع رباعي فامكانيتها في سباقات السيارات معدومه بمعني انها لم تصمم او تصنع لتشترك في جنون سباقات السرعه و لكن سحب السياره جيد جدا في رايي و في حدود المعقول بمعني ما لا يعرض قائد السياره للخطر (من الاخر مش بتاعة شد و حرق و الكلام الف-------غ ده.
3- السياره ارتفاعها عن الارض يقيها من كافة مشاكل الشارع المصري و الكثيره جدا و في كل المناطق حتي علي الطرق السريعه من مطبات و حفر و خلافه.
4- بما ان السياره دفع رباعي مستمر فذلك قد وفر لها ثبات جيد و ايضا قوه ستشعر بها و بقوه و خصوصا في بعض الحفر او المدقات الصعبه و التي تضطر كافة السيارات الملاكي العاديه الي تجنبها او تمشي كالسلحفاة و هي تعبرها وطبعا انسي العرز تماما في الرمال الا اذا طلبت من السياره اكثر من قدرتها و عاملتها علي انها لاند كروزر مثلا بدون النظر لاكثر من مليون جنيه فرق سعر.
5- ماكينة السياره 1500 سي سي و هي تعتبر في نظر الكثيرين ضعيفه نسبيا ولكن العبره ليست ب الرقم و لكن بالعزم و القوه الفعليه للموتور نظرا لاختلاف التكنولوجيا بين المحركات.
6- السياره من الدخل جيده جدا و مريحه وفي رايي لا يقارن بها سوي الكورولا الشكل القديم والتي تعد اوسع سياره في فئتها.
7- قطع الغيار غاليه نسبيا و لكن و عن تجربه معمره جدا لانها بالطبع ياباني و ليست كوري كما يعلم الجميع.
8- اسعار الصيانه مرتفعه و لكن انا شخصيا معظم الاوقات اكون راضي عما يجري في التوكيل من صيانه و من مستوي معامله او مستوي الصيانه نفسها.
9- لقد تعرضت لبعض المشاكل بخصوص عدم توفر بعض قطع الغيار نظرا لتأخر وصولها من الخارج كما يقولون في التوكيل و لكن الحقيقه ان طريقة المعامله الجيده جدا و كأنك و دائما زبونهم المفضل و طبعا ذلك مع كافة العملاء تجعلك تتقبل احيانا كل شئ.
10- هناك متابعه مستمره و تقييم من جانب التوكيل و يتصلو كثيرا لمتابعة عملائهم و الحقيقه ان مركز الصيانه يساعد كل من لديه مشكله و بصوره فوق الرائعه.
11- تكييف السياره جيد جدا و اعتقد ان التكييف الجديد التاتش افضل .
12- السياره شكلها مميز جدا و موجوده و بكثره و لكن توكيل يحافظ علي مستوي السياره و يقوم بالبيع بخطه منتظمه و ليس بمبدء بيع الخضروات مثل السيارات الصيني او بعض السيارات الكوري او حتي السيارات الياباني التي كرهها الناس من كثرة ما تم بيعها و تواجدها في الشارع.
انا شخصيا اري ان السياره جيده جدا بالنسبه لاحتياجاتي و بالنسبه لاسرتي و عملي و امكانياتي و توكيلها جيد و من يعملون في مركز الصيانه ممتازين جدا و اسعار قطع غيارها مرتفعه و لكن جودتها عاليه و اسعار صيانتها مرتفعه نسبيا اما اعادة بيعها فأعتقد انها ليست سريعه و لكن ليست سيئه لانها ليت سياره استهلاكيه او من السيارات التي توجد عند البقال كما يقال و طبعا كما يعلم الجميع ان سياسة البيع في مصر متخلفه و عقيمه و التقييم علي اسس جار عليها الزمن.
قبل ان انسي العيب الوحيد الذي رأيته في السياره و لكن امام كل ما ذكرت من مميزات قد تغاضيت عنه هو ان العفشه اذا ركب احد معك في الخلف تكون ناشفه قليلا و من يجلس في الخلف يشعر بالمطبات اكثر من الجالس في الامام و ذلك لانها عفشة سيارة دفع رباعي و لكن كان يمكن ان تكون افضل.
يارب اكون افدتك ان شاء الله

الله ينور يا باشا اهو دة الكلام

jrrdl vhzu gs

العربية دى كانت من ضمن اختياراتى وروحت شوفتها وسألت عنها و انطباعى عنها كالاتى:
1- ثانى افضل سيارة للسير فى شوارع مصر بالسعر ده بعد الجراند فيتارا من حيث المطبات والحفر والبلاوى الزرقا اللى فى الطريق.
2- شكل مميز وحلو بس انا بشوف انها بناتى اكتر خاصة من المقدمة بس بردة تمشى شبابى.
3- ناشفة جدا
4- انسى حاجة اسمها ثبات على سرعات عالية
5- ضيقة طوليا معقولة جدا عرضيا من الداخل - رغم انى كنت اظن العكس
6- من جوة وحشة جدا -وجهة نظرى- ونظام التابلوه على الرغم من انه جديد بس معجبنيش نهائى تحس فيه حاجة غلط
7- العربية خشنة بوضوح
8- الرؤيا من جوة كويسة جدا
9- قطع الغيار غالية ولا اعلم مدى توافرها
10- التوكيل معقول بس مش موزع مراكز الخدمة بشكل كويس

واخيرا لما كنت فى المعرض صاحب المعرض قعد نصف ساعة يشكر فيها وفى توكيلها وفى الاخر الذكى لقيته بيقولى "هوا لو مكانش الشيخ عبد اللطيف جميل هوه اللى معاه التوكيل كان حد اشتراها ولا عبرها"

يا دكتور محمود اتأكد من المعلومه كويس لاني اعتقد انها كانت تيريوس قديم و الله اعلم
بشكل عام اي عربيه عاليه عن الارض لازم تاخد الملفات بحرص شديد جدا حتي لو راكب لاند كروزر و في معلومه انا قريتها في موقع دايهاتسو و جربتها و حسيت بيها و هي ان العربيه فيها نظام موازنة الحمل عند الملفات و لكن له حد اقصي لان اذا اخدت الملفات بسرعه كبيره قوة الطرد المركزي عاليه جدا بما ان ارتفاع السياره عن الارض كبير وكمان طبقا لموقع دايهاتسو و موقع اختبارت وسائل الامان الاوروبيه المفروض ان اقصي سرعه في الملفات تكون 60 كلم في الساعه و بعدها احتمالية انقلاب السياره بتتضاعف