مية العربية بتنقص

**ahmedelaraby** · 14-07-2009 12:36 PM

مية العربية بتنقص بس بنسب متفاوتة وملهاش علاقة بالمشوار اللى انا رايحه بمعنى فى بعض الاحيان يكون مشوار طويل والمية متنقصش وساعات مشوار صغير والمية تنقص ولما رحت لبتاع الردياتير عشان اغير المية اللى عندى ( مية حنفية ) بمية خضرا وسألته هل عادى ان المية تنقص قاللى لا مش عادى وشاورلى على ماسورة وقاللى اكيد دى مخرومة روح غيرها وعلى فكرة قال كدة من غير مايبص تحت العربية او حتى فى الماسورة وانا مش بلاحظ ابدا اى مية تحت العربية خالص ياترى كلام الراجل ده صح مع العلم ان العربية كان محطوط فيها مية خضرا وانا من كتر مبزود بالمية العادية بقيت كل المية اللى فى الريدياتير مية عادية وانا عايز ارجعها تانى مية خضرا وكنت قرات فى موضوع تانى انه غلط لماتحط مية خضرا بعد المية العادية مرة واحدة ارجوكم افيدونى
عربيتى اوبل كاديت 85

**mohamed_rhem** · 14-07-2009 01:02 PM

اولا مفيش ضرر انك تغير من مياه عاديه الي ميه خضراء طالما الدوره بتاعنك سليمة

ثانيا ممكن تكون الماسوره ده سليمه وبتاع الردياتيرات بيتوقع انها المشكله لان فعلا ماسوره الميه اللي بتبقي ورا افران الشكمان دائما هي السبب

انصحك تروح لبتاع ردياتير محترم في كذا واحد في حلميه الزيتون تحت كوبري التجنيد تدخل الشارع اللي بيدخلك علي علي حديقه 6 اكتوبر في بتاع كشري اسمه هدية حتلاقي جنبه اكتر من 4 محلات بتوع اصلاح احسنهم اول واحد جنب محل الكشري الشركه الاهليه تقريبا

هما عندهم ماده بتتحط مع الميه بتمنع اي تسريب نهائي

**aymansaad** · 14-07-2009 02:46 PM

تاع الريداتير بيعمل شغل روح لواحد تاتى وشوف الغطاء تاع الريداتير

**ahmedelaraby** · 14-07-2009 02:57 PM

بردوا محدش رد عليا هل طبيعى ان المية تنقص ولا لأ

**mohamed9999** · 14-07-2009 03:52 PM

اتاكد بس ان مفيش ميه تحت العربيه ممكن تكون الميه بتتسرب و بتنشف بسرعه
يعنى حط ميه و راقب الموضوع لمده 10 دقائق الموضوع يا اما المواسير اللى رايحة من الريداتير يا اما خرم فى الريداتير من تحت

**mohamed_rhem** · 15-07-2009 11:17 AM

زي ما الاخوه قالولك اتأكد من غطاء الردياتير

وكمان وجود مياه في القربة

وحط مياه خضراء بنسبة بسيطة علشان تقدر تعرف لو الميه نزلت من مكان

وبرضه لا تنسي الماده المذكوره اعلاه لمنع التسريب

اما بخصوص نقص المياه الطبيعي فهو بمقدار نصف ليتر لكل 6 شهور في اسوء درجات الحراره واقصي درجات التشغيل

**yahiahelaly** · 15-07-2009 02:56 PM

يا باشا انا كان عندي مشكلة زي مشكلتك وطلع السبب فى ان الخرطوم الي بيودي من الريديتا للقربة وبيسحب منها كان مقطوع وصحاب لعربيى الي قابلي عمل واحد تاني وبدل الداخل مكان الخرج ف الي كان بيخرج من الريديتير كان بيترمي برة والريديتر بيسحب هوا ركز فى الكلام دة

**mohamed9999** · 15-07-2009 03:43 PM

المشاركة الأصلية كتبت بواسطة abdouz

ممكن اسال هيه اية المية الخضره ولية بتتحط فى الريداتير علشان انا عمرى ما حطيط الميه الخضره دية
بالنسبة لموضوع المية اللى بتنقص كان عندى مشكلة فى غطا الريداتير ظبطها بس انا كنت بلاحظ المية تحت العربية

زى ما يكون بتتكلم عن عربيتى بالظبط لحت اخرام الريداتير ولقيت ميه بتيجى من الخرطوم رحت للرجل شيكلى على الخراطيم و ربطهم كويس برضو ليه فى ميه من ناحية الخرطوم اللى رايح للماتور ..........ربنا يصبرنى لحد ما اغير الريداتير