اقتباس المشاركة الأصلية كتبت بواسطة ahmed samy مشاهدة المشاركة
الطرق داخل المنصورة و خصوصا حي الجامعة

تبنوا في تصميمها الجديد مبدأ قديم و شهير في التصاميم المرورية العالمية وهو مبدأ

"دوخيني يا لمونة"

وده مبدأ ظهر في في الحرب العالمية الثانية في معركة ستالينجراد لما الروس كانوا بيزهقوا الألمان في عيشتهم علشان يطفشوا من المدينة

و كان المبدأ ده ليه كذا وجه منها :

1 -اللي يروح ما يرجعش ..يعنى معظم الطرق تبقى رايح بس أو بدون يو تيرن طبيعي

2 - ليه تلف من قريب و انت ممكن ماتلفش خالص وده معناه ان لو حظك الاسود دخلك طريق غلط يبقى تلف لفة ام العروسة علشان تتوب و تندم و ترجع للطريق المستقيم

3 - الأسفلت المستمر هو رفاهية ..و الحفر و النقر و خنادق خطوط الغاز و التليفون و الصرف هي طبيعة الحياة التي لا تحاول تناسيها ...فسوف تتذكرها كل صباح

4 -تقاطع بإشارة ...أو تقاطع بس ...أو إشارة حتى ....كفاية تقاطعين بإشارتين في المدينة كلها و طبعا دول في طريق مرواح السادة المحافظ و مدير الأمن و مساعد الوزير انما لو عزلوا ...هايشيلوا الإشارة و يقفلوا التقاطع ...


تحيا المنصورة عروس البحر الأدرياتيكي و قلعة منيرة على ضفاف نهر السين

اخي العزيز وتعليقا على كلامك فنقطه دوخيني يلمونه
انا كان نفسي تسوق فالطريق الي بتقول عليه ده زمان المنطقه دي كلها كانت مكسرة وكانت موقف ميكروباص اصلا والطريق كان ضيق ومكسر جدا وميصلحش للتكاتك حتي كنت بتخانق مع الميكروباصات علشان اعدي انا الاول

وفالمنصورة زي القاهرة والمحافظات الكبيرة ارمي وشك تعدي لان اي عربيه ايا كان نوعيتها
حتي الملاكي بتاع التاكسيات بهتوا عليهم وانا واحد منهم

بلد مينفعش فيهتا غير كده