اسأل قبل ما تشتري اي اكسسوسيرز للجين 2

**m.3abdel3al** · 06-09-2009 04:19 AM

يا ريت يا استاذ مدحت تقولنا عملت اه في العربية و غسلتها ولا لا

**medhat_skaik** · 06-09-2009 02:47 PM

المشاركة الأصلية كتبت بواسطة mohamed_3abdel3al

يا ريت يا استاذ مدحت تقولنا عملت اه في العربية و غسلتها ولا لا

والله يا أستاذ محمد أنا جبت الحاجات بس مش كلها عشان أنا كل ما أقف قدام ادوات التنظيف دي في السوبر ماركت أتوه ومعرفش أجيب حاجة وفي حاجات أنا مش فاهمها .. إنشاء الله النهاردة حبقى أسأل أستاذ تامر لو جيه

سلام

**saryrabie** · 07-09-2009 04:47 PM

موضوع جامد يا محمد باشا

**m.3abdel3al** · 07-09-2009 05:37 PM

شكرا ليك

**DR_EMAD** · 25-12-2009 04:41 PM

محمد باشا .. اخبارك إيه ..
يارب يكون كله تمام

بص بقى يا زعيم ....

أنا بدأت موضوع التظبيط .. بعمل الفرش الجلد ( ربنا يكرمه أيمن بك ..)

بعد كده .. عايز أعمل الرينجات دى .. زى ما هى فى الصورة بالظبط

عايز أعرف فى حاجة مخصوصة للجين .. ولا فى حاجات مخصوصة لعربيات تانية ممكن تركب عندنا ؟
وتكلفتها هتكون كام ... تقريبا طبعا

==============

تانى حاجة

عايز أعمل شغل فى الفانوس الخلفى

ففى اقتراحين

الأول .. انه أعمله زى ده

أو أعمل فيه ليدات زى ده

إيه رأيك - وطبعا رأى كل الأعضاء .. فى الشكلين .. أيهما أحلى ؟

ويتعملوا أزاى ؟ .. والتكلفة ؟

==============

تالت حاجة

النور اللى تحت العربية .. عايز أعمل زى ده

أنا مشفتش النوع ده قبل كده .. ياترى موجود منه فى مصر ؟

وعند مين .. لو تعرف

============

نيجى بقى للجنوط والكاوتش

أنا عربيتى 2009 .. ومش ناوى أغير الجنوط

فقلت هعمل فيهم شغل كده زى ده .. بس خلى بالك الجنط اللى فى الصورة مش نفس الجنط بتاعى

أنا عايز أرش الجنط بلون أسود مطفى (مط) يمشى مع الكاوتش كده

ومش هرشه كله .. لأ .. بين العواميد بتاعته دى .. بس

وكمان هرش فى نص كل عمود فى الجنط .. ركز فى الصورة كده .. ودقق .. هخليه زى الجنط اللى فى الصورة بالظبط

أرشه بإيه ؟ .. وينفع أرشه بنفسى ؟ .. وأجيب خامة الرش منين .. وتكلفتها ؟

.
.
.
.

محمد باشا .. الموضوع كبير ولا ايه ...؟؟

مش انت اللى عملت الموضوع .. استحمل بقى

لأ .. وكمان إيه .. ده لو عندك - أو عند أى حد من الأخوة الأعضاء - أى اقتراحات تانية ممكن تتعمل فى العربية .. تقولى عليها

**DR_EMAD** · 25-12-2009 05:51 PM

نسيت حاجة مهمة كمان

واقى الأمطار .. واللى كان أشار له الدكتور محمد سليمان قبل كده

ده حتى هيكون واقى من مياه المساحات .. وانا ماشى بالعربية وحبيت أرش من مياه المساحات .. بلاقى المياه ماشية مع الزجاج الأمامى وداخلة عليا

مش عارف ألاقيها فين ؟؟؟؟

**m.3abdel3al** · 25-12-2009 07:38 PM

دكتو عماد ازي حضرتك يارب تكون بخير و ان شاء الله عربيتك تتظبط وتبقى 100/100 بالنسبة لكل الحاجات الي حضرتك عايزها سهلة جدا جدا جدا جدا و مفيهاش اي مشكله خالص

بالنسبة للرينجات الي جوه الفانوس بتتعمل عموله سواء في بورسعيد او اسماعلية او القاهرة لان عندكم في الاسكندرية الاسعار غالية جدا جدا جدا و التكلفة بتبقى حوالي 100 او 150 حسب النوع

و بالنسبة للفانوس الي ورا الصورة الاولى دي ممكن تعملها بفاميه عادي مش هتكلفك 25 جنيه للفنوسين انما الصورة التانية الفانوس دا بيتباع جاهز ب 800 جنيه و في اشكال تانية كتير ممكن تعملها بالفاميه عادي جدا جدا جدا

اما الصورة التانية فدا عبارة عن اندر نيون ليدات و دا بيتباع في بورسعيد و في القاهرة عن جوو بحوالي 500 جنيه و في انواع تانية من غير ليدات بتبدي من 100 و 150 جنيه

و بالنسبة للجنط دا سهل جدا انا عامل حاجة زيها عندي في موديل 2008 و الفكرة سهلة جدا انك بتنزل تجيب علبة اسبراي اسود من اي حته و تغطي الجزء الي مش عايز ترشه بجرايد كويس جدا و ترش الباقي زي ما انت عايز ولو الموضوع دا هيبقى صعب عليك ممكن تروح عند اي حد بتاع بوهيه يقفلك الحتت الي انت مش عايزها وانت ترش الباقي وعلبة الاسبراي الاسود ب 7 جنيه و هتكفي ال 4 جنوط

بالنسبة باه للكارتيرات بتاعت المطر دي المفروض انها بتنزل كل عربية لوحدها معرفش في منها للجين ولا لا انما انت ممكن تجرب بتاعت اللانسر او الفيرنا و تقص الزيادة لو في و دي كانت رخيصة جدا و بتتباع عند اي حد بتاع اكسسوارات

و يارب يا دكتور اكون ادرت افيد حضرتك وانا معاك في اي حاجة انت عايزها ولو عايزني اجيبلك اي حاجة من هنا او من بورسعيد انا تحت امرك و برده وانت نازل القاهرة شوف عايز تجيب من جو او من مين وانا اكلمهولك

**DR_EMAD** · 25-12-2009 07:58 PM

أستاذ والله .. وجبت من الآخر

لأ ..و إيه .. سرعة فى الرد كمان

طبعا أفدتنى جدااااااااا

وهنزل أشوف الكارتيرات .. والاسبراى

وان شاء الله هاكلمك لما أروح لجو علشان الأندر نيون ليدات

ولو المقابلة رست على الاسماعيلية .. هجيلك بدرى شوية .. علشان أعمل الرينجات

ولو مكنتش المقابلة فى الاسماعيلية .. نبقى نتفق على أى مكان تانى انت تكون عارفه

شكرااااا جزيلا

**m.3abdel3al** · 25-12-2009 11:51 PM

ربنا يخليك يا دكتور حضرتك تامر بس و ان شاء الله المقابلة في اسماعلية او بره انا تحت امرك في اي وقت

**chinamikaneko** · 14-05-2010 11:07 PM

thank u for ur nice information

الموضوع: اسأل قبل ما تشتري اي اكسسوسيرز للجين 2

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

انا اسف بس مضطر اسأل

اسأل استشر

قبل ما تشتري سيارة لازم تشتري الخاتم دة

الكلمات الدلالية لهذا الموضوع

المفضلات

المفضلات

ضوابط المشاركة