الأخوة الأعزاء... بعد التحية

أول حاجة العربية بدور الصبح طبيعي جدا ومن أول مرة وبعدين وأنا بسخن على السلانسيه وبعد شويه قول نص دقيقة أول أقل عدد اللفات يقل وتبقي العربية حتبطل خلاص والكنترول يقوم لاحقها وعدد اللفات يرفع لحد 1000 وبعدين ينزل ل850 تاني وخلاص!!!

تاني حاجة العربية مرة الاقيها زي الوحش ومستنية شعرة بنزين علشان تجرى وتاني يوم الاقيها زي البطة عايزه رفس على دواسة البنزين علشان تجمع وتجري شوية !!!

وأنا جوه العربية مش شامم ريحة عادم أو بنزين بس لو العربية دايره وأنا بحط حاجة في الشنطه لازم أكح وصدري يوجعني من ريحة الحريق الني!!!

استهلاك البنزين حسب الاسكانر عالي طيب من ايه؟ معرفتش محمد السيد قال لي ممكن رشاشات أو حساس الشكمان أو الاتنين !!!

آخر حاجة ... مرة اسمع صوت تكتكة خفيفة ناحية الموتور زي صوت بلوف التكيهات و10 لأ؟؟!!!

المجمل العام ان العربية ماشية ومش مخوفاني بس لو فيه حاجة تنصحوني أعملها يكون أحسن لأني مبحبش أستني على الحاجات الصغيرة علشان متهنيش وتقلب بحاجات أنا في غني عنها.

وشكرا لكم جميعا..