مش لازم تعتقد انك بتعرف تسوق كتير الحوادث بتحصل باخطاء الغير فاحذر من الغير وتوقع الاخطاء من الغير وكن هادى فى حسن التصرف
عرض للطباعة
مش لازم تعتقد انك بتعرف تسوق كتير الحوادث بتحصل باخطاء الغير فاحذر من الغير وتوقع الاخطاء من الغير وكن هادى فى حسن التصرف
خطأى الدائم أنى بافك فرملة اليد قبل ما اشغل المحرك - ومرة كنت واقف على منزل جراج فكانت النتيجة ان العربية خدت عامود فى الجراج كان فى وشها بالحضن والحمد لله - وتدريجيا بدأت اتخلص من المشكلة دى
شكرا كل اللي شاركوا في الموضوع
حاجة تانية افتكرتها كنت دايما وانا طالع علي الاول العربية تطفي مني لدرجة اني اخدت الرخصة من ثالث مرة بسبب الحكاية دي وطبعا في اي اشارة كان الكلاكسات ورايا ايه واعرق واتخض وحالتي كانت بتبقي صعبة:shyy:
يعني وانت طالع ما تشيلش رجلك من علي الدبرياج مرة واحدة
الرهبة في السواقة
لو حد زنق عليا ممكن أخبط فيه
التحكم في الفرامل بسرعة
اليوترن كان بيرعبني
مرحلة وعدت على خير الحمد لله
لا انا كان عيبي الوحيد انى مبحبش اهدى خالص
يعنى طول ما انا ماشي صح محطش رجلى على الفرامل بسبب حد بيستغبي ..
كانت اصعب حاجة بردة و الواحد طالع مطلع الكوبري و المطلع يكون واقف و انت في نص المطلع , ناس كتير العربية بترجع لورا منهم خصوصا لو مانيوال و هو لسة جديد فالسواقة
موضوع مهم هام جددددددددددددا.
متابعة.
حاجة تانية اتعلمتها بس مش ببلاش والنتيجة للاسف كانت خبطة جامدة في الرفرف اليمين والباب
الكبير كبير
احترم الاتوبيس ولو هتطلع منه تبقي واخد بالك كويس عشان ما يزنقش عليك لان زعله وحش
ده مش معناه ان اللي بيسوق جديد يترعب من الاتوبيس
المهم تسيب مسافة امنة بينك وبينه عشان ممكن تلاقيه مرة واحدة وقف
موضوع جميل اهم ملاحاظاتى
- لما تلف خد الملف على واسع خصوصا فى الشوارع الجانبيه يأما جنب العربية بتاعك هايتخبط
- الدبرياج معمول لتغيير التروس يعنى لما بننقل لغيار اعلى او اقل او للتموير ... مش ادوس عليه عمال على بطال
- توقع حدائه وفهلوه الغير , لما يكون الشارع مثلا واقف ماعدا حارتك توقع ان اى حد يكسر عليك .
- استخدم الكلاكس لو حسيت ان اللى جمبك او قدامك ممكن يعمل حركه قله او يحدف عليك
- فى التقاطاعات خصوصا فى الشوارع الداخليه هدى قبل اى تقاطع وكلكس واضرب نور عالى لو بالليل ... لان غالبيه الحوادث بسبب كده
- فى الطرق السريعه لازم تسيب مسافه بينك وبين اللى قدامك , لسه وانا راجع من اسكندريه وماشى على 100 عربيه قدامى دخلت فى الرمل وبعد كده دخل على الطريق والعربيه اقعدت تتطوح يمين وشمال لحد ما وقف .. الحمد لله ساعتها كنت سايب مسافه بينى وبينه ساعتها
- اخيرا حاول دائما انك تقرأ الاذكار عند ركوب العربيه والدعاء عشان ربنا يحفظنا
اوعى تقعد على كرسي السواق وانت في حالة من الحالات دي :
1- وانت تعبان
2- مرهق
3- عاوز تنام
4- متنرفز
5- غطبان
6- خايف
7- جاعان قوي
كلها حتقلل تركيزك في السواقة وكمان حتقلل سرعة البديهة عندك وممكن تتسبب في حوادث لاقدر الله.