تعرفى والله جبتهم ونسيت اركبهم بس ابن خالتى مركبها وبيقول حلوة
عرض للطباعة
نصيحه من موقف حصل معايا من يومان
كنت بشد مع 124 وانا عربيتي اوبترا وفي شارع اتجهان
السواق راجل عجوز بس هو الي استفزني علشان اشد خلاني ابن اللذينه اطلع في الحارة الشمال(المقابل) وانا بشد براحه بتعنتظ عليه وهوب عربيه في وشي اييييييييييييييييء ورجعت وراة واحترمت نفسي
1-اوعي تشد مع عجوز مهما كان لانهم نصحين بغباوة
2- احترس من الطريق الاتجاهين
3- متتكبرش لان الاخرة واحشه زي اخرة العبد لله اتعلم عليا من 124 تيتيتيتيتيتيتيتيتيتيتيتيت يتيت
اوى اوى انا مرة واحد عجوز استفذنى معاه كيا كارينز جاى من ورايا بسرعة عمل غرزة جامدة اوى عاجبتنى فى شارع ضيق اوى من قدام عربية عالية نقل كانت قدامى
و انا بصيت اتجنيت قمت شادد وراه نفس الغرزة و طبعا مش شايف ايه الى قدام العربية العالية
اذ فجأتآ اللاقى الكارينز واقفة علشان تلف و انا ماشى طبعا بسرعة و اقوم لابس فيها ناطرها 2 متر قدام :W_022:
و الى جننى ان الكارينز يدوب خدش فى الاكصدام و انا الدنيا كانت بايظة عندى من قدام كابوت و شبكة و اكصدام و فوانيس و مروحة و سمكرة و رش و 3 اسابيع شغل فيها ده غير الوقفة المملة مع الصانيعية كل يوم :angry35:
من بعدها اعدت شهرين محترم نفسى و بمشى هادى اوى بس للاسف رجعت للجرى الى بقى عادة :Copy of rfds:
المهم ان حضرتك سليم فداك الف كبوت واكصدام وشبكه:-)
بالنسبه للسرعه لا حاول تخف بدل مايحصل موقف لاينفع فيه الندم هحكيلك موقف حصل مع والدي
الكلام دا في سنه 2004 كانت مصر خسرانه من الجزاير فالولدي ماشي بسرعه كانت سعتها العربيه بيجو 504 عمال اقله هدي لسه بقوله هدي للمرة 15 والودي اتفاجئ بمطب كبس فرامل والعربيه زي متقول العجل الشمال مسك واليمين لا فا من السرعه طارت في المطب الاول مع حوار الفرمله ديييييييييييييب في الخرسانه وانقلبت وانا قاعد منبهر من الي بيحصل وشايف العربيه وهي بتلبس في الخرسانه وشايف والدتي وهي بتلبس في الطبلوة واخويا الصغير الي كان قاعد علي رجل والدتي والودتي وقعت عليه ولا اختي الي لبست في القايم ولا والدي هو بيحوش والدتي بياديه وبيقول بعلو صوته بسم الله الذي لايضر مع اسمه شيئا في الارض ولا في السماء وهو السميع العليم ولا انا الي لبست في الكرسي وبعدها السقف وبعدها وقعت علي اختي في لحظه واحده كنا هنروح كلنا وكل دا علشان 40 كيلو زياده يعني 130-140 شوف بقي النتايج كلنا الحمد له طلعنا سلام بس جدتي اما سمعت الخبر والدنيا تنقلب فحط في اعتبارك ان في ناس لازم تخاف عليهم طب ولو بتسوق لوحدك راعي مشاعر اهلك في الي ممكن يجري لو عرفوا انك عملت حادثه لاقدر الله
يعني مثلا انا والدتي عيتط لمجرد اني عملت حادثه بس بعجلتي وقعد في السرير يومان
اتمني اني مكنش ازعجتك
ماهو للاسف الشوية دول هما اكتر حاجة بتحرق دمي ... اضف الى القائمة دول :
لمبتدئي السواقة .
ابعد تماما عن الاتي :
- الحارة الشمال, ارجوك متمشيش في الحارة الشمال خصوصا في الطرق الكبيرة و انت على 40 كم في الساعة
- ابتعد تماما عن الميكروباصات .. و متحاولش تعمل ناصح او تزنق عليه .. لانها في الاخر حتكون خسارة فادحة ليك انت
- ارجوكم ارجوكم لا تركن صف تاني ابدا ... ابدا ! الا يعني في مسالة حياة او موت ! انت بالنسبة لك دول 5-10 دقائق حترجع انت كدة عملت حاجتين !
- قللت عرض الشارع كله بحارة كاملة (حتى لو في ناس تانية راكنة صف تاني .. مش حجة )
ال 5-10 دقائق دول الي انت محتاجهم في غيرك مقفول عليه بسببك و نفسه في ال 5-10 دقائق دول علشان يروح شغله او يقضي مشواره .
- مش لازم تركن في وش البيت او المحل او او او ... ياخي خدها ختى فرصة تتمشي شوية ...
---
لعامة الناس بقى :
- ابوس ايديكم متركنش في ال U-turns في الشوارع الجانبية و تقول ماهو فيه فتحة قدام ...
- و انت حتى لو عندق شوية ذوق وراكن في U-turn بس مش قافله , حييجي واحد مش ذوق خالص و حيقفله
- متركنوش في اوائل و اواخر الشوارع ... لسببين :
* واحد غشيم ممكن يكون بيلف او عربيته عريضة شوية ... مبروك ... لون جديد على عربيتك ! ( اسرع طريقة لاضافة الاوان زيادة للعربية )
* لو الشارع متقاطع مع شارع اخر .. الي جاي يطلع من الشارع والي جاي من التقاطع حيشوفه بعض متاخر جدا بسبب عربيتك ... و ممكن تؤدي الى حادث ملوش اي لازمة !
- شغل نورك ! بلاش والبني نصايح سواقين التاكسي انك تمشي قافل نورك او مشغلي السهاري بس ! شغل نورك ! لو 20% بس نور زيادة ممكن يفادوك حادثة او نقرة او مطب !
- الاشارات ! - الاشارات ! - الاشارات ! - الاشارات ! - الاشارات ! معلش لغة الصوابع و الدراعات مش حلوة .. لغة الاضاءة الكهربية احلى