المشاركة الأصلية كتبت بواسطة poussi
بصى انا خدت حوالى اسبوعين كل يوم ساعه او نص ساعه اول مشوار بيبقى على الطريق بليل والدنيا هاديه علشان اتحكم فى العربيه كويس ورهبه السواقه تضيع وبعدين بيشوف ايه المشاكل الى بتقابلنى ونروح شارع واسع كده ومليان مطبات كتييير وملفات اقعد فيه نص ساعه كده
بس انا مكنتش ناويه اخد العربيه وابدا اخرج لوحدى بس كنت فى مشوار وكان بابايا اللى سايق وبعدين اتضر يسافر فجأه فكان لازم اخد العربيه وامشى فكان مشوار اتضرارى وكانت اول مره امشى فى الزحمه وكان فى ساعه الذروه
شويه تركيز بقى وهدوء اعصاب وملكيش دعوه باللى يزعق ولا يضرب كلاكس وراكى علشان متتوتريش ومره فى مره بقيت احسن وبعد ما كنت لازقه الكرسى فى الدركسيون هههههههههههه رجعته ورا شويه
هو بس بعد ما تبقى متمكنه من العربيه توقفيها وقت ما تحبى وتتحكمى انها متجريش منك تاخدى بقى اول طلعه كده لوحدك بس يكون حد جمبك طبعا بس انتى اللى تسوقى وهو يسيبك تتصرفى لوحدك لو لقيتى المشوار عدى بسلام هتاخدى الثقه ومره فى مره هتبقى احسن
بصى انا جبانه شويه اللى بيكسر عليا بهدى واسيبه يمشى ولو لقيت عربيه بتعدينى والمسافه بينى وبين اللى قدامى قليله بهدى انا وبسيبه يعدى
واضح انى انتى متمكنة فى السواقة لكن يا ترى بتعملى اية فى الزحام على كورنيش النيل مع الميكروباس و غيرة
بالنسبه للنقل بقى ببقى متردده اوى لانى اعرف انهم بيشربوا قبل اى مشوار وفعلا بتلاقيه على الطريق يمين شمال مش راكز
اتاكدى ان الطريق هياخدك ومش هتبقى مزنوقه جمبه اوى لانه ممكن لاى سبب يكسر فجأه عليكى
وقلبيله نور مع كلاكس وتاكدى انه التزم الحاره بتاعته والطريق قدامك تمام ولا مطبات ولا تكاتك ولا متوسيكلات
واجرى بقى ههههههههههههه لحد ما تعديه خدى يمينك وسرعتك العاديه
انا بجد بخاف منهم اوى بحسه عفريت على الطريق ههههههههه
بصى هو اهم حاجه لو حسيتى ان فيه حد بيسابقك لانهم بيتغاظوا اوى لو بنت سبقت
هدى انتى وسيبيه يجرى لانه هيقرفك طول الطريق خصوصا لو كان عيل اللى سايق بيبقوا اغبيييييه اوى
لكاكه انا صح هههههههههههه