اقتباس:
المشاركة الأصلية كتبت بواسطة a_hmed
اوى اوى انا مرة واحد عجوز استفذنى معاه كيا كارينز جاى من ورايا بسرعة عمل غرزة جامدة اوى عاجبتنى فى شارع ضيق اوى من قدام عربية عالية نقل كانت قدامى
و انا بصيت اتجنيت قمت شادد وراه نفس الغرزة و طبعا مش شايف ايه الى قدام العربية العالية
اذ فجأتآ اللاقى الكارينز واقفة علشان تلف و انا ماشى طبعا بسرعة و اقوم لابس فيها ناطرها 2 متر قدام :w_022:
و الى جننى ان الكارينز يدوب خدش فى الاكصدام و انا الدنيا كانت بايظة عندى من قدام كابوت و شبكة و اكصدام و فوانيس و مروحة و سمكرة و رش و 3 اسابيع شغل فيها ده غير الوقفة المملة مع الصانيعية كل يوم :angry35:
من بعدها اعدت شهرين محترم نفسى و بمشى هادى اوى بس للاسف رجعت للجرى الى بقى عادة :copy of rfds:
انا نفسي اسأل سؤال للشباب اللي بيسابقوا عالطريق( بيشدوا زي ما بتقولوا) وبياخدوا غرز
ايه الاحساس اللي بيحسوه وهما بيعملوا كدة؟
وليه بيتضايقوا اوي لو لقوا حد سبقهم وبيتجننوا ويحسوا ان كرامتهم واجعاهم
يعني الواحد فيكوا يرتاح لو لقى نفسه الف بعد الشر عليكم كلكم بقى عنده عاهة مستديمة
كل واحد فاكر نفسه احسن سواق في العالم
كان في شارع قريب من بيتي الشباب فيه بيشدوا مع بعض يوميا لحد الصبح
و في يوم صحينا الصبح لقينا 4 عربيات ماركات جامدة.. الونش بيشيلها عبارة عن علب كانز متطبقة
مستحيل يكون اللي كانوا فيها خرجوا سلام .. الا من رحم ربي.. طيب ليه؟؟؟؟
السواقة دي عاملة زي البحر مالهاش كبير .. والحكاية كلها ثانية او جزء من الثانية ممكن تفرق بين الموت والحياة
وربنا قال "ولا تلقوا بأيديكم الى التهلكة"
مش عاوزة كلامي يزعل حد من الشباب ..دي مجرد كلمتين كان نفسي اقولهم
كل واحد فينا ربنا اداله روحه دي امانة لازم يحافظ عليها
امال ليه المنتحر بيموت كافر
لانه فرط في الامانة اللي استودعها ربنا
يا رب اكفينا جميعا شر الطريق