الموضوع: دائما متهم بالغرور والتناكه , أعمل ايه ؟؟

يا جماعة

إلي أن مش عاجبة وشايف إني وحش وتنك وأي حاجة تانية
يبعد عني وميقرفنيش عشان أنا مش ناقص
بلا نيلة يروحوا يبصوا لنفسهم الأول
هو إنتا كل واحد هيقولك كلمة هتصدقه وتهتم بيه
كبر دماغك
تجاهلهم تماماً وقولهم أه أنا كده

المشاركة الأصلية كتبت بواسطة hosam_optrawy

السلام عليكم

انا عندى مشكله دايما بتحصلى

انا بطبعى مش اجتماعى اوى ومليش علاقات بناس كتير واصدقائى محدودين جدا

فبالتالى مبختلطتش بناس كتير فى مجال شغلى ودراستى

وانا مبسوط ومرتاح كدا ومتعود على كدا

بس دايما اسمع كلام عنى

ان فلان شايف انى مغرور ومتكبر

ودول شايفينى انى تنك وشايف نفسى

مع انهم ميعرفنوش كويس ولا يعرفوا عنى حاجه

بس أغلب الناس رأيها فيا كدا

وانا لما باسمع الكلام ده بأكبر دماغى وأطنش

لأنى مش هاجيب واحد واحد أقوله انا مش كدا

ومش لازم بقى أتعرف وأسلم وارغى مع كل الناس

بس لما الموضوع ده بيتكرر كتير باتضايق احيانا

فهل الحل زى ما انا باعمل انى أطنش

ولا فى حل تانى ؟؟

الأول حدد من التاس دول؟

هل الناس دول من إلي لو إحتاجتلهم في يوم من الأيام هتلاقيهم واقفين جنبك؟
هل هم إلي لو أحتجت لنصيحه أو رأي هتلاقيها عندهم؟
من الآخر ناس بتتقي ربنا في أصدقائهم و لا لأ؟

لو الإجابه لأ يبقي تطنش و لا تشغل دماغك بناس عمرهم ما هيرفعوا سماعة تليفون ويسألوا عليك إلا لو فيه مصلحه.
ولو الإجابه نعم , يبقي تحتك بيهم أكتر و توريهم حقيقة نفسك من غير تكلف أو تنازلات , وهتلاقي كل واحد فيهم جاي يقولك با أخي أنا أول ماشوفتك كنت فاكرك تنك بس بعد ماعرفناك غيرنا رأبنا عنك. وده إلي أنا بعمله شخصيا

المشاركة الأصلية كتبت بواسطة Terrible_DaRsH

انا مش داخل الموضوع ده تانى

اصلى برده بفتخر انى مولود فى يوم راس السنة

هو تقريبا برج الجدى ده اللى غلط .

لا اطمئنوا ... المشكلة مش في برج الجدي خالص ... انا برج الاسد و بعاني من نفس المشكلة ... و لي واحد صاحبي اجتماعي جداااااااااااااااااااا و يعرف طوب الارض و مش عاتق .... عارف الدنيا كلها شباب و بنات و رجالة و ستات و اطفال ... و الله مش ببالغ ... و هو من مواليد برج الجدي

برج الجدي من صفاته الغمووض شوية
فأحيانا يفسر على إنه غرور

الحل واضح اطمن

طالما الموضوع ده مدايقك
يبقا انت مش مغرور
لإن المغرور وعارف نفسه إنه مغرور
مبيهموش تعليقات الناس عليه
لإنه مغرور

المشاركة الأصلية كتبت بواسطة terrible_darsh

انا مش داخل الموضوع ده تانى :oc_sun1[1]:

اصلى برده بفتخر انى مولود فى يوم راس السنة

هو تقريبا برج الجدى ده اللى غلط .

بصره انا كمان مواليد رأس السنه

المشاركة الأصلية كتبت بواسطة terrible_darsh

شكرا استاذ nasr eldeen

بس انا مش اجتماعى ابدا و لا عمرى هكون اجتماعى

فى حاجات كده الواحد مهما عمل مبتتغيرش

انا عارف ان الله لا يغير قوم حتى يغيروا ما بانفسهم بس والله حاولت والظاهر كده ان الدنيا ماشية عكس ..

هو مش مطلوب إن الشخص الإجتماعي فقط هو إللي يلقى السلام على الناس .
يعني لو أنا داخل مكان جديد ووجدت أشخاص موجودين في المكان مش مطلوب إن أمسك أذن كل شخص وأحكي في ودنه علشان يحبني وبكده أكون إجتماعي .
لكن لو ألقيت التحية أو قولت السلام عليكم ورحمة الله وبركاته أكيد النظره هتختلف بدل ما أدخل بدون أن أتكلم وكل واحد هينظر لها بطريقته هناك من يرى أن هذا غرور وهناك من يرى أن هذا إنطواء وهناك من يرى أنها تناكة وهناك وهناك وهناك .

المشاركة الأصلية كتبت بواسطة terrible_darsh

تاريخ ميلادك كام بالظبط

أنا شايف إن فيه في الموضوع عامل مشترك
أخوكم مواليد 1/1 أيضاً