الموضوع: شركه فيات اعرق السيارات في العالم -2 -

السلام عليكم



بعد الردود الجميله و الناس الجميله اللي ردت عليا الصراحة اتشجعت اني اعمل الحلقه التانية من العربيات اللي انتجتها شركه فيات في الحلقه بتاعت النهاردة احب اكلمكم عن العربيات العائلية الصغيرة

نبتدى بفيات 1100
العربية دى كانت ليها صولات و جولات في مصر لانها اول عربية تم تجمعها في مصر و زي م دايمان اقول لولى مصر لانتهت شركه فيت من زمان العربية تم انتجها في سنه 1937 و حتى سنه 1969 و انتج منها 3 اجيال اولهم سنه 1937







و الجيل التانى ابتدى من سنه 1954







و الجيل التالت اللي كلنا شفناه ماشي في شوارع مصر لحد دلوقت و دة اللي ابتدت مصر في تجميعه كنواه لسيارة مصرية ابتدى انتاجه من سنه 1960






الصراحه تاريخ يفرح و لو فعلا كنا عرفنا نصنع عربية مصري 100 في 100 عمرنا مكنا شفنا الصيني و الماليزي اللي بيضحك علينا في



و طبعا بعد وقت كان لازم ظهور عربية جديدة تناسب تطور العصر دة و تاخد مكان العربية الجميله دى و طبعا انا متاكد من غير ماقلكم هي اية انكم كلكم عرفتوها اكتر عربية اتباعت في مصر و لسة بتتباع لجد دلوقت
على فكرة انا والدى كان شاري واحده منها و كانت ب 450 جنية تتصورو عربية ب 450 جنية و لما بعها باعها ب 3500 جنية



طبعا كلنا عرفناها الا و هى 128 و دى ابتدى انتاجها من سنه 1969و انتتهت من انتاج فيات الايطالي سنه 1985 بس طبعا هى لسة بتتصنع لحد دلوقت في مصر و بتتباع ب 46000 جنية الزمن اتغير فعلا

و دى كانت في جيلين الاول كان سنه 1969






و في سنه 1976 ظهرت ال 128 المعدل






و انا صغير كنت بحس اني راكب مرسيدس و انا مع ولدي فيها و كان الفتيس بتعها المقبض بتاعه حكاية كان لونه نبيتي و كانالجزء العلوي شفاف و كان جواه جعران ذهبي مكتوب علية فبات كانت حكاية انا حاولت كتير ادور علية على النت بس مش لاقية فلو حد عنده صورة للفتيس دة يرفعه علشان تنفرج على الجمال



والله ايام حلوة جدا بس دوام الحال من المحال علشان كدة ظهرت عربية انا بسميها عربية كل العصور و عربية ممكن الواحد باقل حاجة يروشها هى طبعا عربية ضعيفه و مشاكلها كتير و خاصه الكبالن و نص العربيات اللي ماشيه منها مركبة قنطرة علشان الكبالن متتخلعش بس شكلها بيعجبني جدا جدا جدا مش حتكلم كتير و حقلكم

انها الجميله الرتمو و اللي ابتدت من سنه 1978 حتى سنه 1988

و كان ليها 3 اجيال الجيل الاول كلنا عرفينه و مشي في مصر كتير جدا





و الجيل التاني مش مشهور جدا بس موجود






و الجيل التالت شبه تقريبا بس الازاز اللي ورا في شراعه








و طبعا عدت ايام الرتمو بسرعه و جات ايام التيبو من سنه 1988 و حتى 1995





و بعدها جت العربية البرافا من سنه 1990 (تقريبا احتفالا بوصول مصر لكاس العالم )حتى الان و كانت في جيلين


الاول 1990-2001








و الجيل التانى من 2007 لحد النهاردة










و اخر عنقود الحلقه دى هى ستيلو و دة بتنتج من سنه 2001 و حتى 2007 و حاليا تنتج في البرازيل






اتمنى الحلقه دى تعجبكم و انشاء الله اشوف تشجعكم لحد ماعمل الحلقة القادمة سلام يا اجمل ناس

المشاركة الأصلية كتبت بواسطة eng_ahesham

فخور باني اول من يرد في السلسله الممتازه والموضوع الشيق جدا هذا

ارجو التثبيت (1-2) لاستفاده الجميع

السلام عليكم



والله مش عارف اقلك اية كلامك اكبر من اني اقلك اي شكر