ساويرس يهدي ابوتريكة مليون جنيه.. واللاعب يتبرع بالمبلغ للجمعيات الخيرية

**زكريا عيسى** · 17-07-2009 07:27 AM

كل ماافكر فى اللى بيعمله ابوتريكه اقول لنفسى معقول ده هو لسه فى بنى ادمين بالشكل ده
ربنا يبارك لك ياابو تريكه

**Lord_Fouad** · 17-07-2009 07:39 AM

مع اني معجب جدا بنجيب ساويرس كرجل اعمال ... لكني مش بستريحلوا ابدا كبني ادم ... شخص غريب

**mobitic** · 17-07-2009 08:26 AM

المشاركة الأصلية كتبت بواسطة seaman

ابو تريكه قدوه لشباب مصر اللى قلما يجدوا من يستحق الاقتداء به وتريكه مصرى اصيل زى وزيك بس هو ربنا يحفظه ثابت وعارف ان المليون اللى اتبرع بيه كسب اكتر منه بكتير فى الدنيا والاخره

فعلا أبو تريكة قدوة لازم الشباب تحتذى بها وأعتقد انه حاسس بكده وبيراعى ربنا فى كل تصرفاته
أحسبه على ذلك والله حسبه

**dr.nemo** · 17-07-2009 12:24 PM

ربنا يجعلهم في ميزان حسناته ويباركله في ماله واسرته وصحته

**eng.octooo** · 17-07-2009 02:41 PM

بجد عندة ضمير ونتماء

**Samah AbdAllah** · 18-07-2009 01:04 AM

لسة فى خير فى نفوس الناس والحمدلله اكيد فى ناس كتير زى ابوتركية

رغم ان فى ناس ممكن تكون اغنياء ومعاها اكتر منه لكن لو جالهم نفس العرض هيقبلوه ولو جاله مليون هدية برده هيقبلوها ومش هيتبرعوا بيهم

يبقا كل ده محسوبله مش معنى انه غنى ومن اغنى 100 لاعب على مستوى العالم انه يرفض عرض ب 25 مليون او يتبرع بمليون فى كام واحد بيعملوا زيه؟؟؟؟؟؟؟؟؟؟؟

ربنا يباركلك يا ابوتريكة

مصر بخير طول مافيها ناس زيك

**mostafabakry** · 18-07-2009 02:49 PM

المشاركة الأصلية كتبت بواسطة د.أحمد سمير

الموضوع مش كدة تحديداً .. ودي حقيقة لا أريد بها شيئاً ..
أبو تريكة حين يفعل أفعال الخير يفعلها خفية ولا يجاهر بها .. وأنا بحكم صلة أسرتي بأسرته أستطيع القول أنه يحيا في حالة من التهديد المستمر بسبب هذا الموضوع ، وهو ما جعله يتخلى عن المساعدة الفردية للمساعدة المؤسسية بمعنى وهب الأموال لجهات بعينها لا لأفراد ..

أما حكاية ساويرس المنشورة هنا فحكاية تانية
ساويرس منح المكافأة لأبو تريكة وطلب منه يتصور جنب لوجو موبينيل .. وده طبعاً إعلان
أبو تريكة مرتبط بعقد مع فوادافون .. وكلمهم ورفضوا طبعاً أن يحدث هذا .. بل ووعدوه إنهم على استعداد لتعويضه لو رفض هذه الهدية ..
قام أبو تريكة رفض الهدية بأدب من ساويرس .. فساويرس قاله لو عايز ما تتصورش ما تتصورش وخد المليون جنيه برضه ..
قام ابو تريكة رفض تاني تسلم المليون جنيه وقال لساويرس أنا وكلتك إنك تتبرع بيهم ليه في أوجه الخير التي تراها ..
وانتهى الموضوع على كدة

كلام حضرتك مظبوط يا د/ أحمد
و دا الخبر المنشور
ردا على مخالفة الاتفاق : ابوتريكة يعيد مبلغ المليون جنيه لساويرس

أعلن نجم النادى الاهلى ومنتخب مصر محمد ابوتريكة ان مانشرته بعض المؤسسات الصحفية والبيان الصحفى لشركة موبينيل حول رعايتها للرياضة وله عار تماما من الصحة .

وأوضح النجم الخلوق محمد ابوتريكة " ان مبلغ المليون جنيه الذى منحه له رجل الاعمال المعروف نجيب ساويرس جاء بصفة شخصية منه كتكريم وتشجيع له ، وتم التأكيد على أن هذا المبلغ ليس رعاية او اتفاق منفصل بينه وبين شركة موبينيل " .

وأكد نجم النادى الاهلى ومنتخب مصر " انه رفض خلال الجلسة الودية التى جمعته بالاستاذ نجيب ساويرس بمقر اتحاد كرة القدم المصرى التقاط اى صور بجوار العلامة التجارية الخاصة بشركة موبينيل ، خاصة وأن لديه التزامات وتعاقدات مع شركة فودافون مصر ، وأنه يحترم هذه الالتزامات والتعاقدات " .

وأضاف ساحر الكرة المصرية " أنه اخلاقيا لايليق منه الظهور مع أى شركة منافسة ، كما أعلن عزمه على إعادة شيك المليون جنيه لرجل الاعمال نجيب ساويرس لإنفاقه فى أوجه الخير بمعرفته الشخصية " .

وأكد نجم منتخب مصر " ان هذا التصرف جاء كرد فعل منه عما حدث من استخدام شركة موبينيل لإسمه ، على الرغم من أنه أكد للاستاذ ساويرس أنه قبل هذا التكريم بصفته الشخصية وكان ينوى التبرع به للجمعيات الخيرية"

يذكر ان رجل الاعمال نجيب ساويرس كان قد اهدى النجم محمد ابوتريكة شيك بمبلغ مليون جنيه تقديرا له لعطائه وجهوده وانتماؤه للنادى الاهلى ومنتخب مصر ، قبل ان تعلن بعض المؤسسات الصحفية والبيان الصحفى لشركة موبينيل انها ترعى النجم محمد ابوتريكة ، وهو ما أثار استياء النجم الخلوق وكذبه من خلال هذه التصريحات.

شغل عيال صغيرة مش رجال أعمال بحجم كبير
لما انت عاوز تشغله معاك للدعاية لموبينيل اعمل معاه عقد اعلي من فودافون بدل شغل التلات ورقات دا يا ساويرس