عارف الحقنه يا أستاذ : حاتم ........وأحنا بنزق المكبس بتاعها ونرجعه لشفط وطرد السوائل .....هى تقريبا نفس فكرة الرداخ بتاع البنزين فى المكن الكربواتير القديم .....هو طبعا أسمه الصح طلمبة بنزين وجواها الرداخ الكاوتش ده .....وتقريبا معنى كلمة ردخ الشىء .....يعنى طرده......وطلمبة البنزين الميكانيكيه دى ......ببساطه شديده بتتكون من غلاف معدنى وجواه الرداخ ده ......الرداخ بيكون راكب فى نصفه عمود صغير (مطبخ على كاوتشة الردخ دى .....) العموده ده هو اللى بياخد الحركه من كامه معينه على عمود الكامات ....بحيث تخللى الرداخ ده يتحرك جوه غلاف الطلمبه زى مكبس الحقنه تقريبا زى حركه تردديه لتزويد وتقليل الفراغ بين الرداخ وغلاف الطلمبه من الداخل .........أحد الأشواط بيسمى شوط السحب وكده الطلمبه بتسحب بنزين من التنك من خلال بلف عدم رجوع على جسم الطلمبه من الداخل(أى بلف السحب ).. .......والشوط التانى لحركة الرداخ بنسميه شوط الطرد ......وفى الشوط ده بيتم طرد البنزين اللى خدناه من التنك من خلال بلف الطرد (عدم رجوع برضه )...أى بلف الطرد ومنه الى الكربوراتير لتموين غرفة العوامه بتاعة الكربوراتير..........وفى النهايه عاوز أقولك أن الطلمبه دى أحد أنواع التصميمات الهندسيه ....ويطلق عليها طلمبه موجبه ذاتية التحضير positive displacement ingiction pump .....وللأسف الصوره مش متاحه عندى حاليا .......بس لو لقيت صوره سأدرجها بالموضوع ده.......
المفضلات