محتاج مساعدة واستشارة

**Eng. Rafy Samy** · 20-07-2009 09:47 AM

صباح الخير يا شباب
في واحد صحبي محتاج يسقط موتور (جولف 96) وبصراحة هو مش خبير قوي في الموضوع ده..
فكنت عاوز اعرف فين احسن ميكانيكي في اسكندرية ..؟
ومنين يقدر يجيب موتور كويس وازاي يكشف عليه ويتأكد انه تمام.. ؟
واهم حاجة فين التوكيل فولكس واجن في اسكندرية...؟
ولو حبيت اعمل عندهم كشف شامل على الموتو حيكلفني كام.. ؟
وهل هما ممكن يسقطوا الموتور ولا لاُ ..؟

اسف اني طولت... تقبلوا تحياتي

**Eng. Rafy Samy** · 20-07-2009 01:50 PM

اية محدش عارف حاجة...؟

**original** · 20-07-2009 05:33 PM

توكيل فولكس عند الكيلو 21 يعنى تركب محور التعمير وتنزل عند دخلة الكيلو 21 هتلاقى مطار قصدى توكيل فولكس منور فى طريقك..
بالنسبة للميكانيكى عندك هريسة فى محطة الرمل ممكن يعملك عمرة كاملة للموتور أويسقطلك الموتور وكمان يكشفلك عليه..
ولو مستعمل عندك فى صلاح الدين كذا واحد وعندك فى طريق جمال عبد الناصر عند نفق محمد نجيب قطع غيار إستعمال إسمه عدس وبضاعته 100 100 وعندك فى شارع 45 وإنتا جايله من ناحية الرأس السوداء هتلاقى واحد على يمينك إسمه أشرف تقريبا هوا من القاهرة وله فرع هنا..
وطبعا الموتور مش بيبان غير لما يتركب حتى لو شكله جديد وعلى الأقل مايكونش مرشح زيت ويكون كامل بالفتيس وكل حاجته..
ولو بتفكر تبيع بعد كده ماتسقطش موتور عشان بيعيب العربية..