ناوى أشترى تيجو 1600 برجاء النصيحة

**kesmat** · 20-07-2009 01:37 PM

السلام عليكم ورحمة الله وبركاته
أخوانى الأعزاء

أن شاء الله أنا نواى أشترى سيارة تيجو 1600 رجاء ممن قد أشترى أو عنده معلومة بأن يفيدنا بمعلومات وياريت أيه أجمل ألوان للسيارة .

شاكر لتعاونكم

**attiahf** · 20-07-2009 02:20 PM

العربية معقولة جدا ومفيهاش مشكلة ضعف السحب وسعرها كويس جدا على امكانيتها بس الكل خايف من الصينى
انا مستغرب يعنى تقريبا احنا عندنا فى بيوتنا اكثر من 90% من الحاجات صينى،،،، اشمعنى العربيات
ويعدين العربية تقفيل مصرى مش صينى؟؟؟ واحتمال تكون هى دى المشكلة

**Truman** · 20-07-2009 02:22 PM

أنا كمان ناوى أجيبها إن شاء الله

توكل على الله العربية حقيقة مالهاش منافس فى السوق و أقرب منافس ليها أغلى منها ب 40000 جنيه

عيبها الوحيد أن المواد المصنوع منها التابلوه مش عالية الجودة بس مش رديئة الصنع و ده عيب أعتقد مقارنة بالسعر و إمكانيات السيارة يمكن تقبله

عسى أكون أفدت و بالتوفيق أن شاء الله

**kesmat** · 21-07-2009 10:27 AM

المشاركة الأصلية كتبت بواسطة attiahf

العربية معقولة جدا ومفيهاش مشكلة ضعف السحب وسعرها كويس جدا على امكانيتها بس الكل خايف من الصينى
انا مستغرب يعنى تقريبا احنا عندنا فى بيوتنا اكثر من 90% من الحاجات صينى،،،، اشمعنى العربيات
ويعدين العربية تقفيل مصرى مش صينى؟؟؟ واحتمال تكون هى دى المشكلة

أنا شاكر على مشاركتك ، وعلى فكرة أنا معنديش أعتراض أنها صينى وهذا بمدأ أنه لما الكورى نزل مصر كان هناك أعتراض علية وبعدين الناس دلوقتى بدور علية وأكيد الصينى هايحصل معاه نفس الوضع وأن كان سؤالى هو عن التجربة لهذة السيارة وأمكانية العزم للماتور وأى ملاحظات أخرى .

**kesmat** · 21-07-2009 10:34 AM

المشاركة الأصلية كتبت بواسطة truman

أنا كمان ناوى أجيبها إن شاء الله

توكل على الله العربية حقيقة مالهاش منافس فى السوق و أقرب منافس ليها أغلى منها ب 40000 جنيه

عيبها الوحيد أن المواد المصنوع منها التابلوه مش عالية الجودة بس مش رديئة الصنع و ده عيب أعتقد مقارنة بالسعر و إمكانيات السيارة يمكن تقبله

عسى أكون أفدت و بالتوفيق أن شاء الله

أنا شاكر للمشاركة ، أتمنى من الله أن ياذن لك ولى بشراء السيارة ، أكيد فرق السعر مقابل بعض الخامات ده يعتبر مش مشكلة ولكن الأهم الأساسيات مثل الماتور والعفشة والأوبشن .

ياريت أحد الأخوه الذين سبق لهم شراء التيجو 1600 يفيدونا برأيهم عن السيارة ولهم جزيل الشكر

**kholio2005** · 21-07-2009 11:05 AM

انا استلمتها من حوالى 5 أيام
العربية ماشاء الله كويسة جدا على سعرها
الموتور صوتوه واطى و العربية ناعمة جدا و سحبها ممتاز و انا شايف ان 1600 مناسب لحجمها
العفشة متهيألى انها كويسة بس انا مش خبير اوى علشان اقدر احكم عليها بالظبط
العيوب اللى شوفتها لحد اللواقتى : الابواب و الكبوت مش بتتقفل بسهولة (يعنى لازم ترزع الباب)
الدركسيون تقيل شوية
و فيه حاجة كمان لاحظتها ان تانك البنزين اما تفتحه من جوة لازم حد يشده من برة و انت ضاغط على الزرار اللى بيفتح التانك

**E30power** · 21-07-2009 02:28 PM

المشاركة الأصلية كتبت بواسطة kholio2005

انا استلمتها من حوالى 5 أيام
العيوب اللى شوفتها لحد اللواقتى : الابواب و الكبوت مش بتتقفل بسهولة (يعنى لازم ترزع الباب)
الدركسيون تقيل شوية

للاسف دة التقفيل المصرى.....
بس فعلا العربية ممتازة على سعرها جداااا

يعتبر العيب الى حاسة فيها الوحيد انها بتستهلك بنزين بس برضك مش للدرجة الى تذكر يعنى....

والعربية هتنعم معااك بكشل ملحوظ بعد التليين وكمان لما تعدى 5000 كيلو هتحس بالفرق......:)

**kesmat** · 22-07-2009 09:47 AM

المشاركة الأصلية كتبت بواسطة kholio2005

انا استلمتها من حوالى 5 أيام
العربية ماشاء الله كويسة جدا على سعرها
الموتور صوتوه واطى و العربية ناعمة جدا و سحبها ممتاز و انا شايف ان 1600 مناسب لحجمها
العفشة متهيألى انها كويسة بس انا مش خبير اوى علشان اقدر احكم عليها بالظبط
العيوب اللى شوفتها لحد اللواقتى : الابواب و الكبوت مش بتتقفل بسهولة (يعنى لازم ترزع الباب)
الدركسيون تقيل شوية
و فيه حاجة كمان لاحظتها ان تانك البنزين اما تفتحه من جوة لازم حد يشده من برة و انت ضاغط على الزرار اللى بيفتح التانك

ألف مبروك وربنا يعطيك خيرها ويكفيك شرها ، ومعلش أكيد شويه الشكوى من موضوع التقفيل المصرى ممكن تتعالج فى الصيانة أن شاء الله المهم أنه ميكونش فيه عيوب جوهرية فى التشغيل للسيارة .

**kholio2005** · 22-07-2009 03:55 PM

المشاركة الأصلية كتبت بواسطة kesmat

ألف مبروك وربنا يعطيك خيرها ويكفيك شرها ، ومعلش أكيد شويه الشكوى من موضوع التقفيل المصرى ممكن تتعالج فى الصيانة أن شاء الله المهم أنه ميكونش فيه عيوب جوهرية فى التشغيل للسيارة .

الله يبارك فيك , متشكر جدا لحضرتك
و على فكرة لو العيوب البسيطة دى اتظبطت و فضلت تشتغل بنفس الكفاءة لمدة 4 او 5 سنين و بقت قطع غيارها متوفرة برة التوكيل
اعتقد ان مفيش اى حاجة تانية ممكن تنافسها بالسعر دة أو حتى اكتر ب 60000/70000ألف جنيه

**عبدالحميد** · 22-07-2009 05:31 PM

مبارك على كل اللى اشتراها و ربنا يديله خيرها و يكفيه شرها

لو تسمحولى باستفسارين

1-

المشاركة الأصلية كتبت بواسطة kesmat

ألف مبروك وربنا يعطيك خيرها ويكفيك شرها ، ومعلش أكيد شويه الشكوى من موضوع التقفيل المصرى ممكن تتعالج فى الصيانة أن شاء الله المهم أنه ميكونش فيه عيوب جوهرية فى التشغيل للسيارة .

هو مش التقفيل المصرى أحسن من الصينى -- أنا حاسس إن كونها بتتقفل فى مصر فده ميزة فيها لأن بكدة أقللت إحتمالات العيوب ؟؟ فمش كل شىء مصرى هو الأسوأ

2-

المشاركة الأصلية كتبت بواسطة kholio2005

الله يبارك فيك , متشكر جدا لحضرتك
و على فكرة لو العيوب البسيطة دى اتظبطت و فضلت تشتغل بنفس الكفاءة لمدة 4 او 5 سنين و بقت قطع غيارها متوفرة برة التوكيل
اعتقد ان مفيش اى حاجة تانية ممكن تنافسها بالسعر دة أو حتى اكتر ب 60000/70000ألف جنيه

طيب هى الكيا الكارينز و النيسان الليفينا مش يتقارنوا بيها برضه و أسعارهم ما بين 100 و 115 ألف؟؟