انا جربت الكورولا 2010 اوتوماتيك ادفانسيد ماشيه 1600 كم ومعايا MMT
العربيه سلسله جدا فى التعامل معاها يعنى مش هتشغل نفسك مع الفتيس ابدا ولا تشغلك نفسك باى حاجه
وعلى فكره الاوتو بتاعها مريح جدا وانعم من انواع تانيه اوتو جربتها والموتور انا حاسس ان صوته مخفى اكثر من ال mmt يمكن سلانسيه عمل الفتيس هى اللى بتدى ايحاء بكدا
على سرعة 120 ال RPM كان على 2500 لفه غير ال MMT ال 120 بتبقى على 3600 لفه
علشان كدا الموتور بيبقى اهدا على السرعات من ال MMT واحساس السرعه اقل من ال MMT
وعلى فكره طلعتها حسيت انها بطيئه شويه ولكن اقوى مثلا شويه من طلعة الهوندا سيفيك وتقريبا تتساوى مع طلعة اللالنترا الاوتو ولكن بعد الاول ومع بداية التانى كدا عند 60 كم بتبقى طلقه فعلا
بالنسبه للفروقات فى استهلاك البنزين بالظبط وفرق التسارعات هحاول احسبها وهتكون حصريا ان شاء الله قريبا لنايل موتورز
اخيرا للامانه انصح القادمين على شراء الكورولا اختيار الطراز الاوتو لسلانسيه عمله وسهولته وراحته عن ال MMT
تحياتى