ساعدوني خاصة الي المهندس سبعاوي

**mohammed tanta** · 18-10-2007 04:15 AM

السلام عليكم انا معايا62 الف مش عارف اشتري ايه نيسان صني سوبر صالون ولا هيونداي ماتركس اوتومتك ولا النيو اكسنت ولا لانسر1300 الخليجي والمصري بنفس الثمن ولا 1600اوتوماتيك خليجي وايه الافضل المصري ولا الخليجي ولا اليارس اوتوماتك ولا الماتيريا وفي ناس قلوليي ممكن كمان هوندا ستي اونيسان صن ياو الكليو وانا بصراحه حيران ومش عارف اجيب ايه حيث اني لسه مطلع رخصة من اسبوع ومعنديش خبرة في السيارات والاهم طبعا قطع الغيار واستهلاك البنزن والامان يكون كويس وانا مش عارف ال فيهabs-ايرباج من لي مفهوش مع العلم اني هقسط الباقي ومش هغيرها لفتره ولو ف جاجات تانيه قلول عليهاوانا اسف جدا علي الاطاله

**mohaismail** · 18-10-2007 07:49 PM

بص يا سيدى اول حاجة ابعد عن الماتيريا والياريس والهيونداى خالص
انت ممكن تجيب نيسان صنى بس استهلاك بنزين عالى والعربية واطية بتحك فى كل المطبات غير كده العربية كويسة جدا
نيجى للرينو كليو العربية حلوة جدا وتمنها مناسب ليك جدا وجميع الكماليات وشكلها شيك واستهلاك بنزين موفر جدا جدا جدا جدا لحد بكرة بس قطع الغيار بتاعتها غالية والعربية ضيقة شويه
انا لو مكانك هشترى هوندا سيتى وانا مغمض وبدون تفكير عربية محترمة جدا والتوكيل فوق الممتاز استهلاك بنزين هيبهرك وشكلها شيك بصراحة مفيهاش غلطة من وجهة نظرى
يعنى من وجهة نظرى اختار ما بين (هوندا سيتى -نيسان صنى -رينو كليو)

وانا برشحلك هوندا سيتى وان شاء الله ربنا يوفقك وتختار العربية المناسبة انا كنت زيك كده قبل ما اشترى لحد ما اشتريت صنى بس مش مبسوط منها اوى وخصوصا صوت الموتور بتاعها عالى واستهلاك البنزين والمطبات برضه حاجات بتضايق انا لو مكانك دالوقتى هشترى الهوندا وانا مغمض

**mohammed tanta** · 18-10-2007 11:53 PM

شكرا جزيلا للرد ربنا يباركلك فيها ويكفيك شرها انت قصدك سوبر صالون ولا ex

**mohammed tanta** · 18-10-2007 11:54 PM

هوندا سيتى بس انا خايف لانها تيلاندي ولا انت رايك ايه

**Ahmed Anwer** · 19-10-2007 12:17 AM

طب حضرتك وضح طلباتك أكتر ، اهم حاجات عايزها في العربية
عائلية ، شبابية ،،، هاتشباك/سيدان ،،،، استخدام داخل المدينة /استخدام سفر ،،،،،،،إعادة بيع جيدة/مش فارقة معاك ،،،،،،،صيانة و قطع غيار متوفرة/برده مش فارقة معاك ،،،،،،،،، كده يعني
عشان الأخوة يقدروا يساعدوك أحسن
بالنسبة ليا شخصيا في الفئة دي بحب الأوبترا و الواجا عشان عربيات كبيرة و قوية 1600 CC ، تقفيل بلادهم و بتنزل في أوروبا مع مصر
بس الواجا ، عربية تحفة فعلآ بس إنتشارها الضعيف يقلق شوية

**mohammed tanta** · 19-10-2007 01:59 AM

انا عاوزها عائليه وصالون بالنسبة للسفر طبعا في الصيف انا مش هغيرها قبل خمس سنوات علشان القسط علي خمسة سنوات ومينفعش ابيعها قطع الغيار والاستهلاك والامان ضروري ومتشكر جدا علي ردكم الجميل ده

**youssef_sallam** · 19-10-2007 02:20 AM

الحيرة صعبة يا محمد انا عازرك و لسة طالع من دوامة الإختيارو انا رايي بلاش الياريس علشان الإستابلتى والأوبترا هي النوبيرا الانسر اغلى و سعرها بقى مبالغ فية و واطية و الهوندا لازم تحط و ديعة ب 500الف علشان تقدر تجيب تمن قطع الغيار . من رايي افضل سيارة بافضل سعر هيا النيسان صنى ده خلاصة تفكيرى
اعتقد دي الموديلات اللى تنفع لإحتياجاتك

**fahd_628** · 19-10-2007 02:29 AM

رأى صنى Super saloon

**mohaismail** · 19-10-2007 04:51 AM

لآ اللى معايا مانيوال مش سوبر صالون

**mohammed tanta** · 19-10-2007 05:32 AM

انا نزلت شوفت الاثنين البارح ولقيت السوبر صالون 101الف والانسر 1600خليجي 104 الف

الموضوع: ساعدوني خاصة الي المهندس سبعاوي

LinkBack

أدوات الموضوع

عرض

ساعدوني خاصة الي المهندس سبعاوي - انشر الموضوع فى :

-

-

-

-

-

المواضيع المتشابهه

هو المهندس سبعاوي فين.........!!؟

سؤال الي اهل الخبره و خصوصاً المهندس سمير و المهندس سبعاوي

طلب بسيط من المهندس سبعاوي

استفسار من المهندس سبعاوي

إلى المهندس الحبيب سبعاوي..........

الكلمات الدلالية لهذا الموضوع

المفضلات

المفضلات

ضوابط المشاركة