لو سمحتم الافادة (( تويوتا ياريس ))

**boamengo** · 22-07-2009 03:50 AM

السلام عليكـم ورحمه الله وبركاته

الحمد لله ربنا كرمنى واشتريت تويوتا ياريس

كان لى سؤال انا شاري الياريس دي فاضية تكيف وباور فقط

وكنت عايز اعرف هل ينفع اركب سنتر وازاز كهربا

وهل لو ينفع اركبهم هيبقي فى التوكيل ولا برة والتكلفة لو سمحتم

والى الامام

**alisleman** · 22-07-2009 10:06 AM

حرام عليك لو انتا هتركبهم بنص تمن الفرق بين الكاملة ميبقاش حلو بردة اللى الحاجة اللى جاية من المصنع غير التركيب خالص
والتوكيل مش اهبل هيخليهالك زى الفرق ويمكن اكتر كمان

**ابوشريف** · 24-07-2009 05:32 PM

راجع هذا الموضوع

http://www.nilemotors.net/Nile/a/84676-a.html

**abohalmos** · 24-07-2009 10:35 PM

انا صاحب الموضوع اللى الزميل الفاضل ادالك الرابط بتاعه
و احب اطمنك و اقولك انت اخترت القرار الصح
لانه الازاز الكهربا و السنتر و الانذار و شوية الحاجات البسيطة متستاهلشى الفرق 7 الاف جنيه ...... و كمان ممكن تركبهم فى التوكيل واحدة واحدة على راحتك
و كمان الفرق يوصل 10 بواكى لو هاتقسط .......انت اولى بيهم
انما لو معااااااااك ...اقولك حرااااااااااااااااااااام عليك يا راجل و هات اتوماتيك فول اوبشن
انا بهزر طبعا
و ابقى طمنى لانه كل الحاجات بتركب فى التوكيل بكواليتى كويسة جدا و ماتفرقشى
عن الاصلى .......ده توكيل تويوتا يا عم الحاج .......هوا غبووووووووووور و لا منصووووووووووووووووور
و تقريبا السعر بتاع السنتر بالريموت و الانذار حوالى 800 ....... بس الازاز هوا اللى نفخ شوية حوالى 2000 جنيه
و اعتقد انه فيه احد الزملاء قال انهم ممكن يركبوا مع بعض .....السنتر بالريموت و 2 ازاز كهربا 2800 جنيه
ابقى طمنى علمت ايه عشان انا هاعمل زيك ان شاء الله
و مبروك عليك الياريس يا باشا

**yehian** · 12-08-2009 05:47 PM

أحب أقولك مبروك الأول................... بس هيه أكيد متأخرة شوية

أنا ركبت إنذار و سنتر الأصليين فى التوكيل اللى فى أبو رواش ب 1400 بالضرائب بكله .
,احد زميلى فى الشغل راح بعدى بشهرين توكيل التجمع و عرف يفاصل و ركبه ب 1200
و لعلمك فى مش يابانى فى التوكيل ب 1200 يعنى معرفش زميلى ركبه أصلى ولا إيه و الزجاج الكهربا بحوالى 2200 وأنا مركبتوش

**john_samy** · 12-08-2009 06:16 PM

انشاء الله هعمل زيك كدة وهجيب الاتوماتيك الهاف اوبشن لان فرق السعر دة انا شايف انه ميستهلش الكماليات الذيادة

**kojyad** · 13-08-2009 09:45 AM

المشاركة الأصلية كتبت بواسطة yehian

أحب أقولك مبروك الأول................... بس هيه أكيد متأخرة شوية

أنا ركبت إنذار و سنتر الأصليين فى التوكيل اللى فى أبو رواش ب 1400 بالضرائب بكله .
,احد زميلى فى الشغل راح بعدى بشهرين توكيل التجمع و عرف يفاصل و ركبه ب 1200
و لعلمك فى مش يابانى فى التوكيل ب 1200 يعنى معرفش زميلى ركبه أصلى ولا إيه و الزجاج الكهربا بحوالى 2200 وأنا مركبتوش

اخي الفاضل
طب ممكن تفيدنا برأي حضرتك في التركيب ؟
يعني اخباره ايه ؟ واخبار التقفيل بتاعه ؟
وياترى بيعلق معاك ولا ماشي تمام ؟ ولو ال1200 دول مش ياباني , امال الياباني عامل كام ؟

ويا ترى سعر الزجاج الكهرباء 2200 دول 2 زجاج ولا 4 ؟ وايه رأيك في التقفيل ؟ لو عندك خبرة يعني ؟

**kojyad** · 13-08-2009 02:51 PM

على فكرة انا كلمت التوكيل وسألته على موضوع تركيب الزجاج ده وقالي : ممكن طبعا تركبة , وفي ناس كتير عملت الحركة ده
وبيبقى طقم كامل 4 زجاج سعره 2800 جنيه بالتركيب وكله
يعني لو ركبته مع انزار وسنتر ريموت 800 جنيه تقريبا
يبقى كله تقريبا 3500 - 3700 بدلا من 10000 قسط - او حتى 7000 كاش

**yehian** · 14-08-2009 06:51 AM

أخى kojyad أنا ركبته فى شهر أبريل اليابانى ب 1400 إنذار و سنتر وكان عندهم ماكينة للزجاج بس خارجية مش فى الفرش بتاع الأبواب وكانت ب 2200 و شكلها مش حلو خالص و التقفيل أساتذة و الله ....... توكيل أبو رواش نضيف فى كل حاجة بصراحة

**abohalmos** · 14-08-2009 10:07 PM

المشاركة الأصلية كتبت بواسطة yehian

أخى kojyad أنا ركبته فى شهر أبريل اليابانى ب 1400 إنذار و سنتر وكان عندهم ماكينة للزجاج بس خارجية مش فى الفرش بتاع الأبواب وكانت ب 2200 و شكلها مش حلو خالص و التقفيل أساتذة و الله ....... توكيل أبو رواش نضيف فى كل حاجة بصراحة

ممكن حضرتك توضح يعنى ايه ماكينة الزجاج خارجية مش فى الفرش بتاع الابواب ؟؟؟؟؟ و ليه شكلها مش حلو ؟؟؟؟؟؟
و ياريت يا جماعة لو حد ركب الازاز الكهربا فى التوكيل يقولنا رأيه ايه فيه و فى شكله ؟؟؟؟؟؟ و شغال كويس و لا بيعلق ؟؟؟؟؟؟
اخى kojyad
ازيك عامل ايه ؟؟؟؟؟
انت لسه مجبتش الياريس زيى بالظبط .......هاهاهاهاه
ربنا يدينا يا ابنى ....ان شاء الله
انا زيك رسيت على المانوال هاف اوبشن ....... بس بحاول اكبر المقدم شوية عشان ارتاح فى القسط و كمان عشان اقلل الفايدة عشان تبقى معقولة يعنى نفسى الاقى مكان اشترى منه مباشر بفايدة 6% بعيد عن البنوك و قرفها فبقول لو وصلت المقدم 40 او 50% تبقى الفايدة فى الحدود دى .......انت عارف انا معايا اسرة و كمان ولى العهد شرف بالسلامة ..... و مش عاوز احرج نفسى قدامه من اولها.....ربنا يسهل ان شاء الله ..... و يدينا الخير جميعا...