مش مصدق !! أخيرا استلمت اللوجان

**AbO_FaRaH** · 27-07-2009 12:07 PM

المشاركة الأصلية كتبت بواسطة hesham_tawfiq

ياباشا بس ايه اللى مزعللك وانا اريحك
مفيش اماكن تخزين يعنى فوق التابلوه بيشيل بس علبة المناديل وفيه مكان تخزين تانى تحت عند الطفايه ودا يادوب بيكفى الموبايل بس
اما بالنسبه للباكتات اللى فالابواب دى مبستخدمهاش لانها ضيقه وجيوب التخزين فى ضهر الكراسى الاماميه مبوصلهاش اصلا
بس كده :-)
شكلك مقللق من العربيه اخر حاجه :-)

يا باشا انا مش مقللق ولا حاجه بالعكس هى عجبنى جدااااااااااااااااااااا.... ......بس انا بسال مجرب
وحضرتك مشكور بترد على الاسئله فى المنتدى

وياباشا عاوزين تقيم حضرتك فى اقرب وقت ممكن

**Ahmed A Rahman** · 27-07-2009 05:10 PM

انا رحت التوكيل اللي في المعادي اسال عن استلام اللوجان بتاعتي
لقيت العربية اتغيرت وبقت العربية فيها تابلوه امام الكرسي اللي جنب السواق
بصراحة هو شكله مش ولا بد وانا زعلت
هو اينعم زود منطقة التخزين فعلا ويشيل موبايلات مش موبايل واحد وشرايط كاسيت كتير وشاحن كمان مساحة حلوة يعني

بس بصراحة لما شفته من بره افتكرت ان الاير باج مفتوحة ولسه التابلوه ماتغيرش:POINTI~2[2]::POINTI~2[2]:
فاتكسفت وانا باقله هو العربية دي عاملة حادثة ولا حاجه

قالي لا دي مكان تخزين جديد نازل في 2010
وده مكانش موجود قبل كده
يعني كده الفول اوبشن نازلة باير باج واحدة؟؟؟؟؟
وعلى الرغم اني حلفت له ان الموديل اللي كان معروض قبل كده كان مكتوب ادام الكرسي اللي جنب السواق اير باج
هو كمان حلف ان اللوجان الفول اوبشن بتنزل باير باج واحد
وان مكان التابلوه ومساحة التخزين الجديدة دي هدية من الشركة؟
ممكن حد يفك الاشتباك ده؟

**alfa_we** · 27-07-2009 08:04 PM

الكاسيت سى دى بالاير ( اديو فقط ) وفيه راديو
ولا يوجد مدخل aux

**AbO_FaRaH** · 27-07-2009 09:40 PM

المشاركة الأصلية كتبت بواسطة alfa_we

الكاسيت سى دى بالاير ( اديو فقط ) وفيه راديو
ولا يوجد مدخل aux

معلش يا باشا اشرح بالتفصيل اصل اخوك بطيخه فى الحاجات ديه

**AHMEDmostafa79** · 28-07-2009 02:28 PM

المشاركة الأصلية كتبت بواسطة hamadamdph

انا رحت التوكيل اللي في المعادي اسال عن استلام اللوجان بتاعتي
لقيت العربية اتغيرت وبقت العربية فيها تابلوه امام الكرسي اللي جنب السواق
بصراحة هو شكله مش ولا بد وانا زعلت

هو اينعم زود منطقة التخزين فعلا ويشيل موبايلات مش موبايل واحد وشرايط كاسيت كتير وشاحن كمان مساحة حلوة يعني

بس بصراحة لما شفته من بره افتكرت ان الاير باج مفتوحة ولسه التابلوه ماتغيرش:POINTI~2[2]::POINTI~2[2]:
فاتكسفت وانا باقله هو العربية دي عاملة حادثة ولا حاجه

قالي لا دي مكان تخزين جديد نازل في 2010
وده مكانش موجود قبل كده
يعني كده الفول اوبشن نازلة باير باج واحدة؟؟؟؟؟
وعلى الرغم اني حلفت له ان الموديل اللي كان معروض قبل كده كان مكتوب ادام الكرسي اللي جنب السواق اير باج

هو كمان حلف ان اللوجان الفول اوبشن بتنزل باير باج واحد
وان مكان التابلوه ومساحة التخزين الجديدة دي هدية من الشركة؟

ممكن حد يفك الاشتباك ده؟

هي فعلا نازلة (الفول ابشن ) بواحدة للسواق بس لكن ممكن حضرتك اختلط عليك الامر لما شوفت الصور علي النت بتاعة المواصفات الاوروبي.

المشاركة الأصلية كتبت بواسطة test50

معلش يا باشا اشرح بالتفصيل اصل اخوك بطيخه فى الحاجات ديه

الاوديو دية صياغة ملفات غير mp3 معناة ان السي دي الواحد ياخد اغاني مثلا مدتها 80 دقيقة بس يعني حوالي17-20 اغانية ومفهاش aux يعني متقدرش توصل حهاز mp3 علي الكاسيت.

**alfa_we** · 28-07-2009 08:54 PM

الاوديو دية صياغة ملفات غير mp3 معناة ان السي دي الواحد ياخد اغاني مثلا مدتها 80 دقيقة بس يعني حوالي17-20 اغانية ومفهاش aux يعني متقدرش توصل حهاز mp3 علي الكاسيت.[/QUOTE]
بالظبط دا معنى كلامى

**ahmed_su** · 28-07-2009 09:03 PM

الف مبروك وشكرا على التقييم

**maxwell45** · 30-07-2009 09:37 AM

السلام عليكم يا شباب

أنا هاحكيلكم حكايتي مع بنك فيصل و شركتي الموقرة (اللي باشتغل فيها طبعا مش بتاعتي) و معرض الطارق في كارفور اسكندرية. أنا هاقول اللي أنا فاكره واعذروني لو نسيت حاجة أو غلطت، أصلها حكاية طويلة و كلها أحزان

بسم الله نبدأ:

شوفوا يا شباب

أهم حاجة عند البنك ضمان انك هاتدفع الفلوس اللي عليك، مصدر دخل يعني (شركة - عمل تجاري - ...)
أنا باشتغل في شركة علشان كده هاقول اللي حصل معايا في فيصل فرع مصطفى كامل اسكندرية:

طلبات البنك: (حاجات بسيطة اوعى تقلق)

- عرض سعر للعربية موجه من المعرض للبنك
- بيان بمفردات مرتبي موقع و مختوم من شركتي
- بيان بمفردات مرتب الضامن موقع و مختوم من شركته
- أفتح حساب في بنك فيصل و أحط فيه قيمة استعلام و استخراج دفتر شيكات (150 جنيه تقريبا)
- تحط كمان في حسابك حوالي 1800 جنيه (مش فاكر أوي كام بالظبط) قيمة التأمين الشامل لو هاتدفع تأمين. هم بيقولوا انه إجباري بس واحد صاحبي جاب واسطة علشان مايدفعهوش علشان فيه شبهة
- أحط في حسابي قيمة المقدم
- أخلي شركتي تحول مرتبي على حسابي في بنك فيصل أو على الأقل قيمة القسط و الشركة تطلع جواب لبنك فيصل بكده و يكون في الجواب ان الشركة لن تتوقف عن التحويل إلا بإذن من البنك (صيغة الخطاب ده عند البنك) و الجواب ده يكون موقع من موظف في الشركة تكون إمضته معتمدة من البنك اللي الشركة بتتعامل معاه و كمان البنك اللي الشركة بتتعامل معاه يوقع بإن الراجل ده إمضته معتمدة (أحيانا بيحتاجوا إمضتين مش واحدة حسب نظام الشركة)
و دي كانت أغلس حاجة
- أستلم دفتر الشيكات و أكتب عندهم الشيكات كلها و أمضيها. كل شيك بقيمة قسط واحد
- الضامن برضه يعمل حساب في البنك و يدفع قيمة الاستعلام و دفتر الشيكات و يمضي على شيك واحد بقيمة المبلغ الباقي كله (اللي انت هاتقسطه)
- هاتمضي على عقد و شوية ورق في البنك
- كده المطلوب منك كده خلاص. البنك هايطلع جوابين: الأول للمعرض بيقوله من فضلكم سلموا فلان الفلاني العربية الفلانية و لازم رخصة العربية يكون مكتوب فيها حظر بيع و لصالح البنك علشان نديكوا فلوسكم. الجواب التاني موجه لإدارة المرور بيطلب منهم يعملوا شهادة بيانات للعربية و فيها برضه حظر بيع لصالح البنك.

على فكرة الجواب التاني ده البنك ماكانش عاوز يعمله في الأول و المعرض كان مصمم و دوخوني في الموضوع ده بينهم و أخروني أسبوع بس الموضوع خلص و الحمد لله. ممكن أحكيهولكوا لو عاوزين :)

و علشان الطلبات دي المعرض طلع معايا واحد مندوب علشان نطلع رخصة العربية بالمطلوب فيها. بصراحة الراجل كان سالك هناك زي الحلاوة و خلصنا الرخصة في مفيش و النمر و الفحص و كله في ساعة و نص

و توتة توتة فرغت الحدوتة